مبارکباد تمام اہلِ وطن کو جشنِ آزادی 2010 مبارک

[فاتح]

تمام پاکستانیوں کو جشنِ آزادی 2010 مبارک ہو۔
​

آئیے دعا کریں کہ اللہ تعالیٰ ماہِ رمضان کی برکات میں ہمارے وطن کی خوشحالی و امن کو بھی شامل کر دے اور تمام آفت و مصیبت زدہ بہن بھائیوں کی مشکلات میں ان کا حامی و ناصر ہو۔ آمین!

 

[فاتح]

خدا کرے کہ مری ارضِ پاک پر اُترے
وہ فصلِ گُل جسےاندیشۂ زوال نہ ہو
یہاں جو پھول کھِلے وہ کھِلا رہے صدیوں
یہاں خزاں کو گزرنے کی بھی مجال نہ ہو
یہاں جو سبزہ اُگے وہ ہمیشہ سبز رہے
اور ایسا سبز کہ جس کی کوئی مثال نہ ہو
گھنی گھٹائیں یہاں ایسی بارشیں برسائیں
کہ پتھروں سے بھی روئیدگی محال نہ ہو
خدا کرے کہ نہ خم ہو سرِ وقارِ وطن
اور اس کے حُسن کو تشویشِ ماہ و سال نہ ہو
ہر ایک فرد ہو تہذیب و فن کا اوجِ کمال
کوئی ملول نہ ہو، کوئی خستہ حال نہ ہو
خدا کرے کہ مرے اک بھی ہم وطن کے لیے
حیات جرم نہ ہو، زندگی وبال نہ ہو
خدا کرے کہ مری ارضِ پاک اُ ترے
وہ فصِ گُل جسے اندیشہ زوال نہ ہو
(احمد ندیم قاسمی)
​

 

[فاتح]

سوہنی دھرتی اللہ رکھے قدم قدم آباد تجھے
جب تک ہے یہ دنیا باقی ہم دیکھیں آزاد تجھے
تیرا ہر اک ذرّہ ہم کو اپنی جان سے پیارا
تیرے دم سے شان ہماری، تجھ سے نام ہمارا
دھڑکن دھڑکن پیار ہے تیرا، قدم قدم پر گیت رے
بستی بستی تیرا چرچا، نگر نگر ہے میت رے
تیری پیاری سج دھج کی ہم اتنی شان بڑھائیں
آنے والی نسلیں تیری عظمت کے گُن گائیں
سوہنی دھرتی اللہ رکھے قدم قدم آباد تجھے
(جمیل الدین عالی)
​

 

[طالوت]

مبارکاں جی مبارکاں ۔ تمام اہل وطن جشن آزادی کی مبارکباد قبول کریں۔
وسلام

 

[فرحان دانش]

میری طرف سے تمام اہل وطن کو جشن آزادی کی بھرپور مبارکباد

خدا کرے کہ مری ارضِ پاک پر نہ اُترے
وہ فصلِ حکمران جسےملک کو اندیشۂ زوال نہ ہو​

 

[فرحان دانش]

میری طرف سے تمام اہل وطن کو جشن آزادی کی بھرپور مبارکباد

خدا کرے کہ مری ارضِ پاک پر نہ اُترے
وہ فصلِ حکمران جسےملک کو اندیشۂ زوال نہ ہو​

 

[فاتح]

میری طرف سے تمام اہل وطن کو جشن آزادی کی بھرپور مبارکباد

خدا کرے کہ مری ارضِ پاک پر نہ اُترے
وہ فصلِ حکمران جسےملک کو اندیشۂ زوال نہ ہو​

ایک تو شعر کو ایسے ستیاناس کیا کہ شعر ہی نہ رہا اور ستم بالائے ستم یہ کہ دو مرتبہ "نہ" لگا کر اس مفہوم کا بھی بیڑا غرق کر دیا جو شاید آپ ادا کرنا چاہتے تھے۔

 

[کاشفی]

لہو میں ڈوب رہی ہے فضائے ارضِ وطن
میں کس زباں سے کہوں“جشنِ آزادی مبارک“

اب کس کا جشن مناتے ہو اس دیس کا جو تقسیم ہوا
اب کس کے گیت سناتے ہو اُس تن من کا جو دو نیم ہوا
اس خواب کا جو ریزہ ریزہ اُن آنکھوں کی تقدیر ہوا
اُس نام کا جو ٹکڑا ٹکڑا گلیوں میں بے توقیر ہوا
اُس پرچم کا جس کی حُرمت بازاروں میں‌نیلام ہوئی
اُس مٹی کا جس کی حُرمت منصوب عدو کے نام ہوئی
اُس جنگ کو جو تم ہار چکے اُس رسم کا جو جاری بھی نہیں
اُس زخم کا جو سینے پہ نہ تھااُس جان کا جو واری بھی نہیں
اُس خون کا جو بدقسمت تھاراہوں میں بہایا تن میں رہا
اُس پھول کا جو بے قیمت تھاآنگن میں کِھلا یا بَن میں‌رہا
اُس مشرق کا جس کو تم نے نیزے کی اَنّی مرہم سمجھا
اُس مغرب کا جس کو تم نے جتنا بھی لوٹا کم سمجھا
اُن معصوموں کا جن کے لہو سے تم نے فروزاں راتیں کیں
یا اُن مظلوموں کا جس سے خنجر کی زُباں میں باتیں کیں
اُس مریم کا جس کی عفت لٹتی ہے بھرے بازاروں میں
اُس عیسیٰ کا جو قاتل ہے اور شامل ہے غم خواروں میں
اُن نوحہ گروں کا جس نے ہمیں خود قتل کیا خود روتے ہیں
ایسے بھی کہیں جلاّد ہوئے ایسے مظلوم بھی ہوتے ہیں
اُن بھوکے ننگے دہقانوں کا جو رقص سرِ بازار کریں
یا اُن ظالم قزاقوں کا جو بھیس بدل کر وار کریں
یا اُن جھوٹے اقراروں کاجو آج تلک ایفا نہ ہوئے
یا اُن بے بس لاچاروں کا جو اور بھی دکھ کا نشانہ ہوئے
اُس شاہی کا جو دست بدست آئی ہے تمھارے حصے میں
کیوں ننگِ وطن کی بات کرو کیا رکھا ہے اِس قصے میں
آنکھوں میں چھپائے اشکوں کو ہونٹوں میں‌وفا کے بول لئیے
اس جشن میں‌میں‌بھی شامل ہوں نوحوں سے بھرا کشکول لئے​

جس دیس کے کوچے کوچے میں
افلاس آوارہ پھرتا ہو
جو دھرتی بھوک اگلتی ہو
اور دکھ فلک سے گرتا ہو
جہاں بھوکے ننگے بچے بھی
آہوں پر پالے جاتے ہوں
جہاں سچائی کے مجرم بھی
زنداں میں ڈالے جاتے ہوں
اس دیس کی مٹی برسوں سے
یہ دکھ جگرپہ سہتی ہے
اور اپنے دیس کے لوگوں کو
آزادی مبارک کہتی ہے​

 

[عائشہ عزیز]

]

[

 

[عظیم اللہ قریشی]

14اگست

سیلاب،غربت،بم دھماکے،فوجی آپریشنز اور تخریب کاروں کی تخریبی کاروائیوں سے بچ جانے والے تمام بچے کچھے پاکستانیوں کو 14اگست مبارک ہو

 

[عائشہ عزیز]

 

[الف عین]

تمام اہل ہند اور اہل پاک کو آزادی کا جشن مبارک ہو۔

 

[فرخ منظور]

تمام اہلِ پاک و ہند کو جشن آزادی مبارک ہو!

 

[مجاز]

تمام پاکستانیوں کو جشن آزادی کی ڈھیروں مبارک باد

 

[فاتح]

انشائیہ از جونؔ ایلیا، مطبوعہ سسپنس ڈائجسٹ 1995

م م مغل صاحب کی شمولیت بذریعہ ایس ایم ایس:
"پاکستان کو مملکتِ خدا داد کہا جاتا ہے، اگر سیاسی، لسانی اور مذہبی جماعتوں کی دہشت گردی اور فتوے باز حرامی مولویوں کی بدمعاشی کے باوجود یہ مملکت قائم ہے تو یہ واقعی مملکتِ خدا داد ہے۔"
انشائیہ از جونؔ ایلیا، مطبوعہ سسپنس ڈائجسٹ 1995

 

[مغزل]

آج کے دن میرا برقی مکتوب اردو محفل کے دیگر دوستوں کے نام:
’’ جشنِ آزادی یا محض تقسیم ہند ؟؟؟ ‘‘
’’ ٹکڑیوں میں بٹی قوم، بے حسی میں ڈوبے دانش وروں،تک بند شاعروں (جو نیرو کی بنسری کی طرح محض لفظوں کی جگالی کرتے ہیں)،بکاؤ لکھاریوں،عیاشی کرتی اشرافیہ (جسے بد معاشیہ کہنا حق ہے)،سیلاب پر ہنستے اور سیاست کماتے وزیروں،صدر زرداری،یوسف رضا گیلانی، رحمن ملک، الطاف حسین، نواز شریف، اسفند یار ولی،شاہی سید،چوہدری برادان، دیگر سیاست دانوں اور جعلی ڈگریوں کے حامل (حاملہ) کو چھوڑ کے ۔۔۔۔۔۔۔ باقی ماندہ تمام پاکستانیوں کو یومِ قیام پاکستان مبارک ‘‘

اللہ اس ریوڑ نما قوم پر رحم کرے۔آمین

 

[محمدصابر]

تمام اہل وطن کو جشن آزادی مبارک

 

[مغزل]

فرحان دانش آپ جو کہنا چاہتے ہیں وہ آنند نارائن ملا ، کی زبانِ قلم سے سنئے ۔

مرے وطن کی خزاں مطمئن رہے کہ یہاں
خدا کے فضل سے اندیشہ ء بہار نہیں

 

[فاتح]

فرحان دانش آپ جو کہنا چاہتے ہیں وہ آنند نارائن ملا ، کی زبانِ قلم سے سنئے ۔

مرے وطن کی خزاں مطمئن رہے کہ یہاں
خدا کے فضل سے اندیشہ ء بہار نہیں

واہ واہ واہ۔ آنند نارائن ملا کے اتنے خوبصورت طنزیہ اظہاریے پر محض شکریے کا بٹن دبانا کافی نہ تھا۔ بہت خوب۔
مغل صاحب! اگر ممکن ہو تو یہ مکمل غزل یا نظم عطا کیجیے گا۔

 

[مغزل]

ضرور انشا اللہ