تمہید، انتباہ ، ترغیب ، استدعا
- صاحب لڑی ظفری
- تاریخ ابتداء
ابوشامل
محفلین
بہت فکر انگیز تحریر ہے ظفری بھائی۔ واقعی ان لوگوں کے سمجھنے کے لیے جو معمولی سی عقل بھی رکھتے ہیں۔ باقی جو پالیسی اپنائی جا رہی ہے، اسے اپنانے کے لیے ایک ڈیڑھ سال قبل کہا گیا تھا کہ موڈریشن کی پالیسی کو سخت کیا جائے لیکن آپ جیسی کوئی اہل ہستی اس اہم ترین فریضے کو نبھانے کے لیے دستیاب نہ تھی۔ مجھے امید ہے کہ محفل کے سیاست اور مذہب والے فورمز اب اس اصل مقصد کو پورا کرنے کے کام آئیں گے جس کے لیے انہیں بنایا گیا تھا۔
خورشیدآزاد
محفلین
میں سو فیصدمتفق ہوں طفری صاحب سے۔لیکن میں یہ بھی سمجھتا ہوں کہ ایک فورم کا مقصد ہی بحث برائے بحث کا ہوتا ہے، ہاں یہ بات ضرور ہے کہ بحث کا معیار اس میں حصہ لینے والوں کے کردار تعلیمی قابلیت اورشخصیت پرانحصار کرتا ہے۔ اور اگر فورم پر کھلی بحث کی اجازت نہ دی جائے تو وہ چاٹ روم بن جاتا ہے(اردو کے زیادہ تر فورم چاٹ روم ہی ہیں(۔ اور میں یہ بھی سمجھتا ہوں کہ اگر ایک طرف ایک بحث اردومحفل پرتھوڑی بہت تلخی پیدا کرتی ہے تو اس کے مقابلے میں ہمیں ایک دوسرے کے بارے میں اورجاننے سمجھنے کا موقعہ بھی ملتا ہے اور اگر آج نہیں تو کل اسی بحث برائے بحث میں جو باتیں ہوتی ہیں اور جنہیں ہم فضول اور بے مقصدسمجھتے ہیں ہماری حقیقی زندگی کے حقیقی تجربات کے بعد ہمیں بے حد مددگار ثابت ہوں گی۔
نبیل
تکنیکی معاون
ہر فورم کا اپنا سکوپ اور اپنے قواعد و ضوابط ہوتے ہیں۔ اردو ویب اور اردو محفل کا مقصد تحقیق اور تعلیم کی ترویج ہے ناکہ مناظرہ بازوں کا اکھاڑہ بننا۔
آپ کے اقتباس میں سرخ رنگ میں مقید الفاظ ہی کسی بحث کی افادیت کی نفی کر رہے ہیں ۔ بحث برائے مقصد ہو تو بات سمجھ آتی ہے ۔ جو بحث صرف بحث ہو اس سے کیا فوائد حاصل کیئے جاسکتے ہیں ۔ یہ بات سمجھ نہیں آئی ۔
دوسری بات یہ کہ ہماری ابحاث جو برائے بحث ہوتیں ہیں ۔ دراصل وہ ہماری جنجھلاہٹ اور ذہنی انتشار کا نمونہ ہے ۔ جس میں حقائق بلکل منقود ہوتے ہیں ۔ صرف اپنی بات ہوتی ہے اور وہ بھی بلا مقصد اوربلا جواز ۔ اور اسی سے انتشار پھیلتا ہے ۔ زندگی کے حقیقی تجربات جہاں زیرِ بحث ہوتے ہیں وہاں منفی باتوں کی نشاندہی کرکے مثبت باتوں کی طرف اشارہ کیا جاتا ہے نہ کہ منفی باتوں پر بحث کو فروغ دیا جاتا ہے ۔ یہاں محفل پر عموماً اسی بحث کا مظاہرہ ہوتا ہے ۔ اور اسی کے تدارک کے لیئے ہم ایک نئی پالیسی یا حکمت عملی مرتب کرنے کی کوشش کررہے ہیں ۔ تاکہ بحث برائے بحث سے بچا جائے ۔
خورشیدآزاد
محفلین
جی نبیل صاحب میں آپ سے 100 فیصد اتفاق کرتا ہوں اور شاید میں نے پہلے بھی کسی دوسرے دھاگے میں آپ سے کہا ہے اردو محفل منتظمین کو مکمل اختیار حاصل ہے وہ جس طرح چاہیں فورم کو چلائیں اور اس کے قوائد و ضوابط بنائیں اور اگر کوئی رکن ان قوائد کی خلاف ورزی کرتا ہے تو اسے انفرادی سزا دی جائے۔ بحیثیت اردو محفل رکن کے میری رائے جس کا لب لباب یہ ہے کہ جو بحث آپ کے لیےمناظروں کا اکھاڑہ ہے ہو سکتا ہے دوسروں کے لیے وہ ایک بامقصد مکالمہ ہو۔
خورشیدآزاد
محفلین
بحث ہمیشہ بحث برائے بحث ہی ہوتی ہے، یہ بامقصد ہے یا نہیں اور اس سے فوائدحاصل کرنے کاانحصار دیکھنے اور سمجھنے کی نظریے پرہے۔ ایک بحث آپ کے لیے شاید بحث برائے بحث کے زمرے میں آکربےمقصد ہولیکن ہوسکتا ہے وہ دوسروں کےلیے بامقصد ہو۔
مثال کے طور پر، جیسے میں نے پہلےبھی کہا ہے بحث کا معیار اس میں حصہ لینے والوں پر انحصار کرتا ہے جیسے شاعری کے سیکشن میں مغل صاحب اور وارث صاحب کے درمیان جوتعلیمی اور انتہائی اعلیٰ معیار کی خوبصورت بحث ہوتی ہے وہ غیر متعلقہ لوگوں کے لیے شاید بے مقصد ہو لیکن میرے خیال میں ایسی ابحاث اردومحفل کا انمول سرمایہ ہیں۔
اب ہر سیکشن میں ہر موضوع ہی اعلیٰ معیار کےایسے مکالموں کی امید رکھیں تو وہ ہماری خام خیال ہوگی لیکن وقتاً فوقتاً ہر سیکشن میں اچھی معیار کی مباحثیں بھی ہوتی ہیں جن کا مطالعہ کرتے ہوئے مجھے بہت خوشی ہوتی ہے۔ اور انشااللہ ایک دوسرے کو سمجھنے اور جاننے کے بعد ہم ایک دوسرے سے سیکھیں گے تو ہماری مباحثوں کا معیار خود بخود اچھے سے اچھا ہوتا جائےگا۔
آخری بات۔ میں صرف یہ چاہتا ہوں آپ قوائد ضوابط بناتے وقت اور اس پر عمل کرتے وقت برائے مہربانی یہ بات دھیان میں رکھیں کہ کہیں ان سخت قوائد و ضوابط کا شکار ہمارے کسی رکن کے ان خوبصورت خیالات کو روک نہ دے جو صرف بحث برائےبحث سے بچنے کے لیے روک لیے گئے۔
ابن سعید
خادم
برادرم خورشید آزاد!
آپ کی شکایت بھری بلکہ دوسرے الفاظ میںطنزیہ بات منتظمین کے لئے نئی نہیں ہے۔ لیکن کچھ تو یہ عادی ہو چکے ہیں اور کچھ ضبط کرنے کا حوصلہ بڑھ گیا ہے کہ غالباً ان باتوں کا وہ اثر ان پر نہیں ہوگا جو آپ کا مقصود رہا ہے۔ آپ جانتے ہیں کہ کمیونٹی ناظمین سے نہیں ہوتی بلکہ افراد سے ہوتی ہے۔ ناظم انھیں میں سے کچھ چنندہ لوگ ہوتے ہیں جو بقیہ لوگوںکے لئے بلا معاوضہ و بے لوث قانون سازی کرتے ہیں اور نظام کو بہتر بناتے ہیں تاکہ کمیونٹی کے افراد خوشگوار اور ثمر بار ماحول میں سانس لیں۔ ناظمین کی تمام کوششیں کمیونٹی افراد کی بہتری کے لئے ہوتی ہیں خواہ کچھ لوگوں کو اچھی لگیں خواہ بری۔ یقیناً کوئی بھی قانون یا مواخذہ سبھی پر یکساں تاثر نہیں چھوڑتا۔
جب کمیونٹی کے افراد کسی پلیٹ فارم کو کسی کی ملکیت یا جاگیر سمجھنا شروع کر دیں اور خود کو اس نظام کا مہمان تصور کرنے لگیں تو اس سے بد ترین حالت اور کوئی نہیں ہو سکتی۔ غالباً یہی سبب ہے کہ کوئی موضوع غیر متعلقہ زمرے میں شروع کیا گیا ہو عام اراکین میں سے بیشتر کو اس کی پروا نہیں ہوتی۔ چونکہ فورم کو کسی اور کی ملکیت سمجھتے ہیں اس لئے خاک ڈال دیتے ہیں۔ پہلی غیر ذمہ دارانہ حرکت تو اس رکن کی ہوتی ہے جو مناسب فیصلہ کئے بغیر ایسے کام کرتے ہیں بعض لوگ تو کچھ حدود کے بائی پاس کے طور پر ایسا کرتے ہیں۔ دوسری غیر ذمہ دارانہ حرکت ان اراکین کی ہوتی ہے جو یہ سمجھتے ہوئے کہ وہ مراسلہ غیر موزوں مقام پر ہے اس کی رپورٹ نہیں کرتے۔ موڈریٹرز اور ناظمین آپ کے سرکاری خادم ہیں جن کی اعانت ہر شہری سے متوقع ہے۔ جیسے سڑک کے کنارے پڑے ہوئے مرے گدھے کی رپورٹ میونسپلٹی کو دینا ایک صفائی پسند معزز شہری کا فرض بنتا ہے۔
خیر آپ کو "اکھاڑے اور مکالمے" کا جواب تب مل جائے گا جب آپ خود کسی ادارے کے ناظم ہونگے یا اپنے بچوں پر بے لگام باہر کھیلنے سے منع کرتے ہوئے یہ سوچیں گے کہ جو عمل آپ نے ان کی حفاظت اور تادیب کی نیت سے کیا ہے شاید بچوں کی نظروں آپ کا وہی عمل ان کی خوشی، نشو و نما اور آزادی کا قاتل ہو۔
آپ کی شکایت بھری بلکہ دوسرے الفاظ میںطنزیہ بات منتظمین کے لئے نئی نہیں ہے۔ لیکن کچھ تو یہ عادی ہو چکے ہیں اور کچھ ضبط کرنے کا حوصلہ بڑھ گیا ہے کہ غالباً ان باتوں کا وہ اثر ان پر نہیں ہوگا جو آپ کا مقصود رہا ہے۔ آپ جانتے ہیں کہ کمیونٹی ناظمین سے نہیں ہوتی بلکہ افراد سے ہوتی ہے۔ ناظم انھیں میں سے کچھ چنندہ لوگ ہوتے ہیں جو بقیہ لوگوںکے لئے بلا معاوضہ و بے لوث قانون سازی کرتے ہیں اور نظام کو بہتر بناتے ہیں تاکہ کمیونٹی کے افراد خوشگوار اور ثمر بار ماحول میں سانس لیں۔ ناظمین کی تمام کوششیں کمیونٹی افراد کی بہتری کے لئے ہوتی ہیں خواہ کچھ لوگوں کو اچھی لگیں خواہ بری۔ یقیناً کوئی بھی قانون یا مواخذہ سبھی پر یکساں تاثر نہیں چھوڑتا۔
جب کمیونٹی کے افراد کسی پلیٹ فارم کو کسی کی ملکیت یا جاگیر سمجھنا شروع کر دیں اور خود کو اس نظام کا مہمان تصور کرنے لگیں تو اس سے بد ترین حالت اور کوئی نہیں ہو سکتی۔ غالباً یہی سبب ہے کہ کوئی موضوع غیر متعلقہ زمرے میں شروع کیا گیا ہو عام اراکین میں سے بیشتر کو اس کی پروا نہیں ہوتی۔ چونکہ فورم کو کسی اور کی ملکیت سمجھتے ہیں اس لئے خاک ڈال دیتے ہیں۔ پہلی غیر ذمہ دارانہ حرکت تو اس رکن کی ہوتی ہے جو مناسب فیصلہ کئے بغیر ایسے کام کرتے ہیں بعض لوگ تو کچھ حدود کے بائی پاس کے طور پر ایسا کرتے ہیں۔ دوسری غیر ذمہ دارانہ حرکت ان اراکین کی ہوتی ہے جو یہ سمجھتے ہوئے کہ وہ مراسلہ غیر موزوں مقام پر ہے اس کی رپورٹ نہیں کرتے۔ موڈریٹرز اور ناظمین آپ کے سرکاری خادم ہیں جن کی اعانت ہر شہری سے متوقع ہے۔ جیسے سڑک کے کنارے پڑے ہوئے مرے گدھے کی رپورٹ میونسپلٹی کو دینا ایک صفائی پسند معزز شہری کا فرض بنتا ہے۔
خیر آپ کو "اکھاڑے اور مکالمے" کا جواب تب مل جائے گا جب آپ خود کسی ادارے کے ناظم ہونگے یا اپنے بچوں پر بے لگام باہر کھیلنے سے منع کرتے ہوئے یہ سوچیں گے کہ جو عمل آپ نے ان کی حفاظت اور تادیب کی نیت سے کیا ہے شاید بچوں کی نظروں آپ کا وہی عمل ان کی خوشی، نشو و نما اور آزادی کا قاتل ہو۔
خورشیدآزاد
محفلین
ارے ارےارے۔۔۔۔۔۔ رکئیے سعود صاحب ۔۔۔ اللہ پاک کی قسم نہ تو مجھے کسی سے شکایت ہے اور نہ میں نے کسی پر طنز کیا ہے۔۔۔ میں حیران ہوں آپ جیسی شخصیت اس نتیجے پر کیسے پہنچ گئے۔ اگر میری کوئی بات آپ کو بری لگی ہو تو میں معذرت چاہتا ہوں۔
میرا اپنا نقطہ نظر بیان کرنے کا مقصد اردومحفل کی محبت میں صرف اور صرف منتظمین کی مدد کرنا ہے۔
میرا اپنا نقطہ نظر بیان کرنے کا مقصد اردومحفل کی محبت میں صرف اور صرف منتظمین کی مدد کرنا ہے۔
ابن سعید
خادم
اگر وہ خوبصورت خیالات کسی فرد، قوم، مسلک یا پارٹی وغیرہ کی بے جا مدح سرائی، ہجو یا تضحیک کی آمیزش رکھتے ہوں، انتشار و خلفشار کا پیش خیمہ ہوں تو ہمیں افسوس ہے۔
ابن سعید
خادم
جی برادرم میری بات کی تحریک یہاں سے ہوئی۔ اس میں جس طرح آپ نے بات کی شروعات کی ہے اس سے لگتا ہے کہ آپ کو اردو محفل کے اغراض و مقاصد سے مکمل آگاہی نہیں۔ ورنہ آپ کو یہ بھی علم ہوتا کہ محفل کا وژن صرف منتظمین طے نہیں کرتے بلکہ محفلین کی رائے ہی اسے نئی جہات سے رو شناس کراتی ہے۔ منتظمین کا کام صرف اور صرف اس کو ایکزیکیوٹ کرنا، موٹیویٹ کرنا اور سہولیات فراہم کرنا ہے۔
مجھے معلوم ہے کہ آپ کے خیالات محفل کے لئے باغیانہ کبھی نہیں رہے ہمیشہ مخلصانہ ہی رہے ہیں۔ پر میں نے آپ کو مخاطب کر کے چند سطور اس لئے لکھ دیں تاکہ آپ سمیت دوسرے کئی اراکین محفل کے تئیں اپنے تعلقات پر نظر ثانی کر لیں کہ ایا وہ یہاں مہمان کی حیثیت رکھتے ہیں یا اس کے انتہائی اہم رکن ہیں یا درمیان کی کوئی چیز۔
میں اس سلسلے میں گفتگو کو آگے بڑھا نہیں سکتا کیونکہ لفظ " بحث" کا ہرگز وہ مطلب نہیں ہے جو آپ روایتی معنی میں لے رہے ہیں ۔ ساری پیچیدگی یہیں سے پیدا ہورہی ہے ۔ اور اسی نوعیت کی غلط فہمیاں اکثر اردو محفل پر سیاست اور مذہب کے فورمز پر نظر آتی ہے ۔ جہاں کوئی بھی چیز کے بارے میں کسی کی بات سمجھے بغیر ایک رائے قائم کرلی جاتی ہے اور پھر اس پر سختی سے ڈٹا جاتا ہے ۔ مگر اپنی رائے پر نظرثانی یا تحقیق کی زحمت گوارا نہیں کی جاتی ۔ اور پھر بحث وہ برائے بحث بن جاتی ہے ۔ جس پر آپ اصرار کر رہے ہیں ۔
ابن جمال
محفلین
ظفری صاحب کاشکریہ کہ انہوں نے اپنی بات اوراپنے خیالات بحیثیت موڈریٹر سامنے رکھے۔
میری ناقص اورحقیر رائے میں زیادہ پابندیاں بالآخر نقصان دہ ثابت ہوتی ہیں۔اب یہ بات کہ کوئی فرد اپنی آزادی کس طرحصحیح استعمال کرے اس کومسلسل سمجھانے اوربتانے کی ضرورت ہے۔پابندیوں کے بڑھانے سے منتظمین پر بھی خود ایک ضافی ذمہ داری پڑجاتی ہے۔اس لئے کوشش اس کی ہونی چاہئے پابندیاں جتنی کم سے کم ہوسکے وہ طریقہ اختیارکیاجائے۔
ابن سعید صاحب خورشید آزاد صاحب کے ایک مراسلہ کے جواب میں بچوں کو روکنے ٹوکنے کی مثال دیناغلط ہے۔انہوں نے ایل کے جی کے بچوں اوریونیورسٹی کے طالب علموں کے درمیان فرق نہیں کیااوردونوں کواسی ایک صف میں رکھ دیاہے۔محفل پرآنے والے تمام افراد پڑھے لکھے اورعاقل وبالغ ہیں۔انہیں کسی چیز کے بارے میں سمجھایاتوجاسکتاہے لیکن بچوں کی طرح ٹریٹ نہیں کیاجاسکتا۔والسلام
میری ناقص اورحقیر رائے میں زیادہ پابندیاں بالآخر نقصان دہ ثابت ہوتی ہیں۔اب یہ بات کہ کوئی فرد اپنی آزادی کس طرحصحیح استعمال کرے اس کومسلسل سمجھانے اوربتانے کی ضرورت ہے۔پابندیوں کے بڑھانے سے منتظمین پر بھی خود ایک ضافی ذمہ داری پڑجاتی ہے۔اس لئے کوشش اس کی ہونی چاہئے پابندیاں جتنی کم سے کم ہوسکے وہ طریقہ اختیارکیاجائے۔
ابن سعید صاحب خورشید آزاد صاحب کے ایک مراسلہ کے جواب میں بچوں کو روکنے ٹوکنے کی مثال دیناغلط ہے۔انہوں نے ایل کے جی کے بچوں اوریونیورسٹی کے طالب علموں کے درمیان فرق نہیں کیااوردونوں کواسی ایک صف میں رکھ دیاہے۔محفل پرآنے والے تمام افراد پڑھے لکھے اورعاقل وبالغ ہیں۔انہیں کسی چیز کے بارے میں سمجھایاتوجاسکتاہے لیکن بچوں کی طرح ٹریٹ نہیں کیاجاسکتا۔والسلام