محمد عدنان اکبری نقیبی
لائبریرین
کافی دن سے محفل پر کسی محفلین کو مبارک باد پیش کرنے کا اہتمام نہیں ہوا ،جس کی وجہ سے محفل پر سناٹا سا چھایا رہتا ہے ،ہم بہت دنوں سے اس جستجو میں تھے کہ کوئی موقع ملے تو محفلین کے اعزاز میں نیک خواہشات کے ساتھ مبارک باد دینے کا خصوصی اہتمام کیا جائے ۔
الحمدللہ !
آج دل کی تمنا پوری ہوئے اور ہمیں مبارک بادی کی لڑی بنانے کا موقع میسر آیا ،
تو محترم محفلین شاید آپ کی زیر نگاہ یہ کارنامہ نہ آیا ہو مگر آپ سب تو ہماری اس عادت سے بخوبی واقف ہیں کہ ہم محفل پر ہر لمحے چوکس رہتے ہیں کہ جیسے ہی کوئی ہزاری بننے ہم فورا سے مبارکبادی کی لڑی بنانا کر اس کے ہزاری منصب کی پذیرائی کرتے ہیں ۔
ہمارے خیال سے آپ سب ہماری مبالغہ آرائی اور سنسنی خیز پیدا کرنے کی ناکام کوشش سے بیزار آرہے ہیں ، تو چلیں ہم اب اس کارنامے سے پردہ ہٹا دیتے ہیں ۔
ہماری اردومحفل کی ہر دلعزیز شفیق شخصیت محترمہ جاسمن آپی نے بھی کثیر مثبت درجہ بندیوں کا انبار لگا دیا اور نمایاں اراکین کی فہرست میں جگہ بنا لی ۔
ہم اس خوبصورت اعزاز پر آپ کو دل کی گہرائیوں سے مبارک باد پیش کرتے ہیں ۔
جاسمن آپی آپ محفل کی وہ شخصیت ہیں جیسے ہر محفلین قدر کی نگاہ سے دیکھتے ہیں ۔آپ کی محفل کے لیے بے لوث خدمات اور محفلین کو محبت و شفقت سے نوازی گئی دعائیں آپ کی عاجزی و خلوص کا منہ بولتا ثبوت ہیں۔
اللہ کریم سے دعا ہے کہ آپ کا ساتھ ہمیشہ اردو محفل فورم کو میسر رہے ، آپ اور آپ کی فیملی کو ہمیشہ تمام زمینی و آسمانی آفات و بلائیات سے محفوظ فرمائیں ۔آمین
آخری تدوین:
