جدا

[عیشل]

ہم کو جدا نہ کردے یہ فرق ذرا سا
وہ فاصلوں کا قائل میں قربتوں کا پیاسا​

 

[شمشاد]

یہ فاصلے بھی عجب کچھ فریب دیتے ہیں
ملا نہیں ہے جو صدیوں سے وہ جدا نہ لگے
(نزہت عباسی)

 

[راجہ صاحب]

دکھائی دیے یوں کہ بے خود کیا
ہمیں آپ سے بھی جدا کر چلے

 

[شمشاد]

جدا ہوئے ہیں بہت لوگ ایک تم بھی سہی
اب اتنی سی بات پہ کیا زندگی حرام کریں

 

[راجہ صاحب]

خاک میں اس کی جُدائی میں پریشاں پھروں
جب کہ یہ ملنا بچھڑنا میری مرضی نکلا

 

[فرخ منظور]

تو ساتھ تھا تو خدا بھی تھا مہرباں کیا کیا
جدا ہوئے تو پڑی ہیں قیامتیں کیسی
(عبیداللہ علیم)

 

[راجہ صاحب]

تنکا تنکا کانٹے توڑے ، ساری رات کٹائی کی
کیوں اتنی لمبی ہو تی ہے، چاندنی رات جُدائی کی
(گلزار)

 

[شمشاد]

انسان کی طینت ہے جدا سب سے یہاں
ہر شخص یہ کہتا ہے، خدا بن جاؤں
(نزھت عباسی)

 

[راجہ صاحب]

میرا اپنا جدا معاملہ ہے
اور کے لین دین سے کیا کام

غالب

 

[محمد سہیل]

جو مجھے آپ سے جدا کرتی ہے

ہاتھ کی اس لکیر سے ڈر لگتا ہے

 

[راجہ صاحب]

فراز اپنے سوا ہے کون تیرا
تجھے تجھ سے جدا دیکھا نا جائے

احمد فراز

 

[شمشاد]

دل کے سنسان جزیروں کی خبر لائے گا
درد پہلو سے جدا ہو کے کہاں جائے گا
(احمد راہی)

 

[راجہ صاحب]

وہی جانے جو حیا کشتہ وفا رکھتا ہو
اور رسوائی کا اندیشہ جُدا رکھتا ہو

میر تقی میر

 

[شمشاد]

ہم ساتھ ہو لئے تو کہا اُس نے غیر سے
آتا ہے کون اس سے کہو یہ جُدا چلے
(داغ دہلوی)

 

[راجہ صاحب]

بنا ہمسفر کے کب تلک کوئی مسا فتوں میں لگا رھے،
جہاں کوئی کسی سے جدا نہ ھو، مجے اس راہ کی تلاش ھے

 

[شمشاد]

مجھے شام و سحر گر آشنائے درد ہونا تھا
مرا دل بھی خدایا! ساری دنیا سے جُدا ہوتا
(سرور عالم راز سرور)

 

[راجہ صاحب]

یوں تو جدائی کو میرا مقدر نا بناؤ محسن
کہ جب تم لوٹ کر آؤ تو میر پاس زندگی نا رہے

محسن نقوی

 

[شمشاد]

ہونٹوں سے نہ بولے گا پر آنکھوں کی زبانی
افسانے جدائی کے سنائے گا بہت وہ
( اعتبار ساجد)

 

[راجہ صاحب]

گر آج تجھ سے جدا ہیں تو کل بہم ہوں گے
یہ رات بھر کی جدائی تو کوئی بات نہیں

فیض

 

[شمشاد]

یہ ٹھیک ھے نہیں مرتا کوئی جدائی میں
خدا کسی سے کسی کو مگر جدا نہ کرے
(قتیل شفائی)