فونٹ جمیل نوری نستعلیق 3 ریلیز!

[کچھ نہیں]

ایک طویل مدت کے بعد بالآخر جمیل نوری نستعلیق کا تیسرا ورژن جاری کیا جا رہا ہے۔ خودکار کرننگ کی شمولیت کیساتھ یہ دنیا کا پہلے اوپن ٹائپ اردو فانٹ بن چکا ہے جس میں اسکی سہولت موجود ہے۔ نیز پرانے ورژن کے مقابلہ میں ترسیموں کی اغلاط کا مکمل صفایا ہو چکا ہے۔

ورژن 3 کی تیاری اور تاخیر کی بعض وجوہات
جمیل نوری نستعلیق کا دوسرا ورژن سنہ 2009 میں جاری ہوا تھا۔اسوقت سے لیکر اب تک ہم نے کئی بار نیا ورژن جاری کرنے کا پروگرام بنایا مگر گھریلو مصروفیات نیز کرننگ کے مسائل کی وجہ سےنئی ریلیز مسلسل تاخیر کا شکار رہی۔ ترسیموں کی اغلاط کو درست کرنا بھی ایک بڑا مسئلہ تھا۔ کیونکہ مینول پروف ریڈنگ میں بہرحال غلطی کا امکان موجود رہتا ہے۔ اسی طرح انپیج جیسی کرننگ فانٹ میں شامل اگرچہ ناممکن نہیں تھا لیکن انتہائی کٹھن ضرور تھا۔

امید کی کرن
سال 2015 اردو نستعلیق ٹائپوگرافی کیلئے امید کی کرن بن کر سامنے آیا۔ سعد نستعلیق پر تجربات کے دوران ترسیموں کی ٹریسنگ پر کافی تجربہ حاصل ہو گیا۔ یوں جمیل نوری نستعلیق کے ترسیموں کی اغلاط دور کرنے کیلئے سیدھا انپیج سے ترسیمے ٹریس کر وا لئے گئے۔ انپیج کی ترسیمہ لسٹ فراہم کرنے کیلئے ہم مکرمی سید منظر کے مشکور ہیں۔
ترسیموں کی ٹریسنگ کے بعد اہم مرحلہ انکی کرننگ کا تھا۔ اس ضمن میں ابن سعید نبیل اور زیک سے مشاورت ہوتی رہی لیکن کوئی قابل استعمال حل سامنے نہ آیا۔
پھر اچانک ایک معجزہ ہی ہوگیا۔ عروض سافٹویئرکے خالق سید ذیشان کو ہم نے ایک ذاتی پیغام بھیجا کہ کرننگ کیلئے ہمیں ترسیموں کی اونچائی معلوم کرنی ہے۔ یہ کام انکی فیلڈ سے متعلق ہے اگر وہ فراہم کر سکیں۔ اگلے دن ہی ہمیں مطلوبہ ڈیٹا فراہم کر دیا گیا۔ اور ساتھ میں ایک نوٹس بھی کہ آئندہ وہ اس قسم کا کوئی کام نہیں کریں گے۔
ہم نے موصول شدہ ڈیٹا پر فوراً کام شروع کردیا مگر نتائج بہرحال بہت اچھے نہیں نکلے۔ اور ہم پھر مایوس ہو کر بیٹھ گئے کہ ذیشان بھائی کی طرف سے پیغام موصول ہوا کہ وہ ترسیموں کی اونچائی کا ڈیٹا استعمال کرتے ہوئے کرننگ ٹیبلز خودکار طور پر جنریٹ کر سکتے ہیں۔ اندھا کیا چاہے دو آنکھیں۔ ہم نے سیکنڈ سے پہلے کرننگ ٹیبل کی کچھ فائلیں انہیں ارسال کر دی۔ کچھ ہی گھنٹوں بعد ہمیں بنی بنائی کرننگ وولٹ میں کمپائل کرنے کیلئے موصول ہو گئی۔ یہ غالباً اگست کی بات ہے۔تب سے لیکر اب تک ہم دونوں نے رات اور دن ایک کر کے انگنت کرننگ فائلوں کی مدد سے بہتر سے بہترین کرننگ کی تلاش جاری رکھی۔ اور بالآخر ایک قابل استعمال فانٹ بنانے میں کامیاب ہو گئے۔ الحمدللہ۔

کرننگ میں مشکلات
مائکروسافٹ وولٹ میں کرننگ کمپائل کروانا ’’کٹا چونے‘‘ کے مترادف ہے۔ اگر یہاں ان مشکلات کی فہرست بنائے جائے تو پورا ناول لکھا جا سکتا ہے۔ آسان الفاظ میں ہم اکتوبر تک ہمت ہار بیٹھے تھے۔ مگر پھر نومبر میں فائر فاکس کی ٹیم نے ایک اہم نکتے کی طرف نشاندہی کی جس کے بعد ہم نے فانٹ کو از سر نو جنریٹ کیا۔ اور پھر دیکھتے دیکھتے یہ فانٹ ویب کیلئے بھی کرننگ کے قابل ہو گیا۔ یوں اس فانٹ کی تکمیل میں فائر فاکس کی ڈویلپمنٹ ٹیم کو کریڈٹ دینا بھی ضروری ہے۔
اسوقت ویب کیلئے فائر فاکس، انٹرنیٹ ایکسپلورر اور مائکروسافٹ ایج پر کرننگ کام کر رہی ہے۔ اسی طرح ڈیسکٹاپ پر مائکروسافٹ ورڈ، اڈوبی انڈیزائن اور لیبرے آفس میں بھی کرننگ بالکل درست کام کر رہی ہے:

نوٹ: فی الوقت فانٹ کا سادہ ورژن جاری کیا جا رہا ہے۔ کشیدہ ورژن کچھ دنوں کے بعد ریلیز کر دیا جائے گا۔ فانٹ میں آنے والے مسائل، کرننگ کی اغلاط وغیرہ کیلئے یہ دھاگہ استعمال کریں۔ شکریہ۔

ڈاؤنلوڈ لنک
مختلف اسپیس کیساتھ فرمائشی فانٹس:
جمیل نوری نستعلیق 3(100 پکسل اسپیس)
جمیل نوری نستعلیق 3(200 پکسل اسپیس)
جمیل نوری نستعلیق3(300 پکسل اسپیس)​

السلام علیکم میں اس محفل میں نیا ہوں ۔ ابھی میں نے یہ فانٹ اپنے موبائل فون Realmee 3 میں انسٹال کیا ہے اس اردو کے فونٹ میں انگریزی زبان کی لکھائی بالکل باریک دکھائی دے رہی ہے اسے بھی درست کرنے کی ضرورت ہے۔

 

[مجتبیٰ علی]

ایک مسلۂ ہے ، جب ڈاکومنٹ بڑا ہو تو ٹائپنگ بہت سست ہو جاتی ہے۔ جس کی وجہ سے بہت مشکل ہو رہی ہے۔ کوئی سیٹنگ کرنی پڑے گی یا کوئی اور مسلۂ ہے؟

 

[یاسر حسنین]

ایک مسلۂ ہے ، جب ڈاکومنٹ بڑا ہو تو ٹائپنگ بہت سست ہو جاتی ہے۔ جس کی وجہ سے بہت مشکل ہو رہی ہے۔ کوئی سیٹنگ کرنی پڑے گی یا کوئی اور مسلۂ ہے؟

کسی اور فونٹ میں ٹائپ کر لیں اور فارمیٹ جمیل نوری نستعلیق 3 میں کر لیں۔
اب آپ کہیں گے کہ فارمیٹنگ بھی ساتھ ساتھ کرنی ہوتی ہے تو بھئی کسی ہلکے فونٹ میں فارمیٹنگ کر لیں۔ جب مکمل ہو جائے تو سٹائل ایڈیٹ کر کے فونٹ جمیل نوری نستعلیق کر لیں۔

 

[مجتبیٰ علی]

کسی اور فونٹ میں ٹائپ کر لیں اور فارمیٹ جمیل نوری نستعلیق 3 میں کر لیں۔
اب آپ کہیں گے کہ فارمیٹنگ بھی ساتھ ساتھ کرنی ہوتی ہے تو بھئی کسی ہلکے فونٹ میں فارمیٹنگ کر لیں۔ جب مکمل ہو جائے تو سٹائل ایڈیٹ کر کے فونٹ جمیل نوری نستعلیق کر لیں۔

ٹھیک ہے لیکن یہ تو ہو گیا جگاڑ، اب کوئی مناسب اور صحیح حل بھی کسی کے پاس ہے؟
یا کم از کم وجہ تو پتہ چلے کہ آخر کیوں یہ فونٹ اتنا بھاری ہے اور کیوں کسی بڑے ڈاکومنٹ کے لئے مناسب نہیں۔ اور میں صرف ۳ صفحوں کے ڈاکومنٹ کی بات کر رہا ہوں جس میں صرف ۳۰۰۰ کے آس پاس الفاظ ہیں۔

 

[یاسر حسنین]

ٹھیک ہے لیکن یہ تو ہو گیا جگاڑ، اب کوئی مناسب اور صحیح حل بھی کسی کے پاس ہے؟
یا کم از کم وجہ تو پتہ چلے کہ آخر کیوں یہ فونٹ اتنا بھاری ہے اور کیوں کسی بڑے ڈاکومنٹ کے لئے مناسب نہیں۔ اور میں صرف ۳ صفحوں کے ڈاکومنٹ کی بات کر رہا ہوں جس میں صرف ۳۰۰۰ کے آس پاس الفاظ ہیں۔

یہ فونٹ انڈیزائن پر اس لیے بھاری پڑ رہا ہے کیونکہ اس میں اوپن ٹائپ پروگرامنگ کے اندر رہتے ہوئے کرننگ شامل کی گئی ہے۔ جس وجہ سے یہ بہت سست پڑ جاتا ہے۔
دوسرا مسئلہ یہ ہے کہ آپ دیگر سافٹ ویئرز اور فونٹس کے عادی رہے ہیں تو اس لیے باقیوں کی نسبت سست محسوس ہو رہا ہے۔ اگر ریم، پروسیسر اچھے ہوں تو کم ہی شکایت کا موقع دیتا ہے۔
ویسے میں نے لبرے آفس 7 (تازہ ترین ورژن) میں استعمال کیا تھا تو فونٹ کرننگ سمیت کافی تیز رفتار تھا ۔ اب یہ مجھے معلوم نہیں کہ باقی سافٹ ویئرز کی نسبت لبرے رائٹر میں اتنا تیز کیوں چلتا ہے۔ شاید رینڈرنگ انجن کا کوئی چکر ہو....

 

[مجتبیٰ علی]

یہ فونٹ انڈیزائن پر اس لیے بھاری پڑ رہا ہے کیونکہ اس میں اوپن ٹائپ پروگرامنگ کے اندر رہتے ہوئے کرننگ شامل کی گئی ہے۔ جس وجہ سے یہ بہت سست پڑ جاتا ہے۔
دوسرا مسئلہ یہ ہے کہ آپ دیگر سافٹ ویئرز اور فونٹس کے عادی رہے ہیں تو اس لیے باقیوں کی نسبت سست محسوس ہو رہا ہے۔ اگر ریم، پروسیسر اچھے ہوں تو کم ہی شکایت کا موقع دیتا ہے۔
ویسے میں نے لبرے آفس 7 (تازہ ترین ورژن) میں استعمال کیا تھا تو فونٹ کرننگ سمیت کافی تیز رفتار تھا ۔ اب یہ مجھے معلوم نہیں کہ باقی سافٹ ویئرز کی نسبت لبرے رائٹر میں اتنا تیز کیوں چلتا ہے۔ شاید رینڈرنگ انجن کا کوئی چکر ہو....

Processor: Core i5 8600K
RAM: 16GB
SSD: 512 GB
Using MS Word (Office 365) (Latest version)
Windows 10 2004 build 19041 (Latest version)
میرا خیال ہے کہ یہ سب بہت سے زیادہ مناسب ہونا چاہئے کسی بھی فونٹ کو صحیح سے کام کرنے کے لئے۔