جولائی ایلیا کی موشگافیاں

[سید رافع]

کچھ تو بوٹی چھوڑو کم بختو
کچھ نہیں۔۔کوئی ہڈی ہی چھوڑو

 

[سید رافع]

میں کیا ہوں بس دال روٹی
اُس شخص کو شیرمال چاہیے تھا

 

[سید رافع]

وہ شوخِ رمیدہ مجھ کو اپنی
پتی کے پان میں نڈھال چاہیے تھا

 

[سید رافع]

اے نواز تیرے زمانے گزر گئے
جو لندن سے آئے تھے وہ اڈیالہ گئے

 

[سید رافع]

پرچی بہ پرچی ، بھتہ بہ بھتہ ، کھال بہ کھال ، رسید بہ رسید
میں بھی ساتھیوں میں ہوں تو بھی ساتھیوں میں ہے

 

[سید رافع]

ہمارے منگیتر کے محلے کی گلی سے
ہمارے حصے کی فیرنی لائی جا رہی ہے

کہاں لذت وہ شور ڈھکن و جستجو میں
یہاں انگلی چھوڑ چمچے سے کھیر کھائی جا رہی ہے

 

[فرخ منظور]

جھٹکنا، پلٹنا، پلٹ کر جھٹکنا
یہ یُو ٹرن لینے کا ہے اک بہانہ
(جولائی ایلیا)​

 

[فرخ منظور]

بھول جا روٹی کپڑا اور مکان
انڈے لے، کٹّے اور مرغیاں پال
(جولائی ایلیا)​

 

[فرخ منظور]

عمر انڈوں میں بسر ہو یہ ضروری تو نہیں
سب کا کٹّے پہ سفر ہو یہ ضروری تو نہیں
(جولائی ایلیا)​

 

[عاطف ملک]

کیا تو نے کھانا کھا لیا؟ ہاں میں نے کھانا کھا لیا
کیا تو نے چائے پی بھی لی؟ ہاں میں نے چائے پی بھی لی

 

[فرخ منظور]

میں نے کہا کہ آج تو اپریل فول ہے
کہنے لگی کہ آج سے میں تیری ہو گئی
(جولائی ایلیا)​

 

[فرخ منظور]

اُن کے گجروں کی جب زیارت کی
آنکھ میں موتیا اتر آیا
(جولائی ایلیا)​

 

[عباس رضا]

جن کی زلفوں کے ہم بھی قائل تھے
ان کو جوؤں کے کچھ مسائل تھے
(جولائی ایلیا)

سرگوشی: موضوع سے الگ

یہ پوسٹ فیض لاہوری میں کیسے کی؟

 

[فرخ منظور]

سرگوشی: موضوع سے الگ

یہ پوسٹ فیض لاہوری میں کیسے کی؟

آپ نے سرگوشی شاید ذرا کان سے اوپر کر دی۔ دماغ سے ٹھپا کھا کر اوپر نکل گئی۔

 

[عباس رضا]

آپ نے سرگوشی شاید ذرا کان سے اوپر کر دی۔ دماغ سے ٹھپا کھا کر اوپر نکل گئی۔

آپ نے وہ پوسٹ فیض لاہوری نستعلیق فونٹ میں کی تھی باقی ہر جگہ نوری نستعلیق فونٹ ہے۔ فیض لاہوری کا کوئی آپشن بھی ایڈیٹر میں مجھے نہیں مل سکا

 

[فرخ منظور]

آپ نے وہ پوسٹ فیض لاہوری نستعلیق فونٹ میں کی تھی باقی ہر جگہ نوری نستعلیق فونٹ ہے۔ فیض لاہوری کا کوئی آپشن بھی ایڈیٹر میں مجھے نہیں مل سکا

میں کوئی فونٹ نہیں لگاتا واللہ عالم کیسے لگ گیا۔

 

[فرخ منظور]

درد گھٹنوں میں اس لیے ہے مرے
میرے جوڑوں میں آ کے بیٹھے ہیں

میرے سینے میں درد اٹھتا ہے
جب سے دل میں سما کے بیٹھے ہیں

(جولائی ایلیا)​

 

[فرخ منظور]

قربانی کے مفہوم سے آگاہ وہ مومن
رکھتا ہے فریزر میں مہینوں کے لیے گوشت
(جولائی ایلیا)​

 

[فرخ منظور]

ابنِ مریم ہوا کرے کوئی
میرے بِل کو ادا کرے کوئی
(جولائی ایلیا)​

 

[فرخ منظور]

یہ لاک ڈان اب ہمیں کیا کیا بنائے گا
مجنوں ہمیں تو آپ کو لیلیٰ بنائے گا
(جولائی ایلیا)​