جو دل میں شعر آئے وہ لکھ دیجیے -- نیا سلسلہ

[مہدی نقوی حجاز]

سانس لینا کوئی آساں تو نہیں تھا ایسا
ہم بھی سیکھے ہیں تو اک عمر سے پچھتاتے ہیں!
حجاز

 

[مہدی نقوی حجاز]

کوئی تتلی اِدھر نہیں آتی
باغ سے دور ہوں کھلا ہوا میں

چل رہی تھی تو سب مسافر تھے
ناؤ ڈوبی تو ناخدا ہوا میں!
شبیر نازش

 

[سید فصیح احمد]

تو سپنے جوڑ سکتی ہے رضیؔ کو مت بتا دینا
وہ آنکھیں موندھ کر پورے یقیں سے ٹوٹ جائے گا
رضی الدین رضی ؔ

بعد از سلام عرض ہے کہ میں یونہی فورم میں آوارہ بادل کی طرح گردش کر رہا تھا اور تمام دوستوں کے رسید کردہ اشعار و انتخاب انتہائی دل نشِیں تھے کہ پھِر یہ شعر نظر سے گزرا اور میں صرف یہ کہنے کے لیئے محفِل میں باضابطہ داخل ہوا کہ ، سدا ہستی بستی آباد رہیں آپ کے اِس اِنتخاب نے محفِل لوُٹ لی کم از کم اپنا آج تو مطمئن گزرے گا ۔

 

[سلمان انصاری]

نامہ گیا کوئی نہ کوئی نامہ بر گیا
تیری خبر نہ آئی زمانہ گزر گیا

(غالب)

 

[محمداحمد]

یہ ان کے مندر، یہ ان کی مسجد، یہ زرپرستوں کی سجدہ گاہیں
اگر یہ ان کے خدا کے گھر ہیں تو ان میں مرا خدا نہیں ہے

کمال ہے۔

 

[نیلم]

اعلان ہوں میں
ان سرخ و سبز دھمالوں کا جو ہر قریہ بازار ہوئیں .
ان اندر جاگتی آنکھوں کا جو سانول یار پکار ہوئیں .
ان پریتم پریت دشاؤں کا جو منزل کا اظہار ہوئیں

 

[لئیق احمد]

میں ترے گلشن الفت میں آنا چاہتا ہوں
کہ خوشبوؤں کو بسانے کی آرزو ہے مجھے​

 

[خالد محمود چوہدری]

تمام عمر کے ساتھی سے دل بہلتا کیا
وہ رات بھر کا مسافر تھا دن ٹھہرتا کیا
اسے تو اور نئے اک سفر پہ چلنا تھا
وفا کے نام پہ اس کا بدن پگھلتا کیا
جو ہر قدم پہ نئی ٹھوکروں کا عادی ہو
جہاں شناس بھلا تیرے ساتھ تو چلتا کیا
زمین کی گردش اپنے مدار سے باہر
تمہارے درد کا وہ آفتاب ڈھلتا کیا
اسی کے لفظ تھے میں نے ہی کہہ دیئے آخر
وہ میرا یار میری بات سے مکرتا کیا

ڈاکٹر کاشف سلطان

 

[خالد محمود چوہدری]

بُھولے نہ کوئی حُسن کے رنگِ نشاط پر
دیکھا ہے بارہا اسے ہم نے اُداس بھی
(ناصر کاظمی

 

[خالد محمود چوہدری]

غالب ہمیں نہ چھیڑ کہ پھر جوشِ اشک سے
... بیٹھے ہیں ہم تہیہءِ طوفاں کیے ہوئے

 

[خالد محمود چوہدری]

آیا ہی تھا ابھی مرے لب پر وفا کا نام
کچھ دوستوں نے ہاتھ میں پتھّر اٹھا لیے

 

[لئیق احمد]

لگی آگ دھیرے سے بڑھتی گئی!
کہ دل رفتہ رفتہ مرا جل گیا​

 

[نیرنگ خیال]

اعلان ہوں میں
ان سرخ و سبز دھمالوں کا جو ہر قریہ بازار ہوئیں .
ان اندر جاگتی آنکھوں کا جو سانول یار پکار ہوئیں .
ان پریتم پریت دشاؤں کا جو منزل کا اظہار ہوئیں

تم تو حکایتی نہیں تھی۔۔۔ یہ اعلان کب سے ہوگئی۔

 

[خالد محمود چوہدری]

چھوڑو غرور و کبر کے تقویٰ اسی میں ہے
ہو جاؤ خاک مرضئ مولا اسی میں ہے​

 

[خالد محمود چوہدری]

اک لفظ بھی زبان پہ نہ لاتے تو خوب تھا
دنیا سے اپنا عشق چھپاتے تو خوب تھا
فرقت میں اپنا حال ہوا ہے غیر
احباب اُن کو جا کے سناتے تو خوب تھا​

 

[لئیق احمد]

دوری بھی اور دیوار بھی دیوار پہ پردہ
باقی رہے گا کب تلک اظہا رپہ پردہ​

 

[باسل احمد]

ہے کچھ ایسی ہی بات جو چپ ہوں
ورنہ کیا بات کر نہیں آتی​

 

[نوشاب]

فاصلے ایسے بھی ہوں گے یہ سوچا نہ تھا
سامنے بیٹھا تھا مر ے اور وہ میرانہ تھا ​

 

[باسل احمد]

ملنا ترا اگر نہیں آساں تو سہل ہے
دشوار تو یہی ہے کہ دشوار بھی نہیں​

 

[مریم افتخار]

جس کام کو جہاں میں تو آیا تھا اے نظیرؔ
خانہ خراب تجھ سے وہی کام رہ گیا