حدیثِ دوست.....فرامین رسول صلی اللہ علیہ و سلم

[سیما علی]

جو شخص ایمان رکھتے ہوئے اور ثواب کی نیت سے رمضان کے روزے رکھے ، اس کے سابقہ گناہ معاف ہو جائیں گے ۔
‏سُنن ابن ماجہ ۔ حدیث نمبر 1641

 

[سیما علی]

🔅 رسول اللّٰه ﷺ نے فرمایا 🔅
‏اللّٰه تعالیٰ فرماتا ہے:
‏اے ابن آدم! تو خرچ کر میں تجھ کو دیئے جاؤں گا۔

‏صحیح البخاری ۔ حدیث نمبر 5352

 

[سیما علی]

“جو (روزے دار ) جھوٹ بولنا اور اس پر عمل کرنا نہ چھوڑے تو اللہ تعالیٰ کو اس کے کھانا پینا چھوڑنے کی کوئی ضرورت نہیں ہے“ ۔

‏ (جامع ترمذی،۷۰۷)

 

[سیما علی]

نبی اکرم ﷺ رمضان المبارک کے آخری عشرے میں اعتکاف فرمایا کرتے تھے۔

‏صحیح المسلم ۔ حدیث نمبر 2780

 

[ضیاء حیدری]

رسول اللہ صلی اللہ علیہ و علی آلہ وسلم نے فرمایا:
لَا تَقُومُ السَّاعَةُ حَتَّى يَتَبَاهَى النَّاسُ فِي الْمَسَاجِدِ
سنن ابی داؤد کتاب الصلاۃ باب فی بناء المساجد، صحیح سنن ابی داؤد 449)
"قیامت قائم نہ ہوگی جب تک کہ لوگ (ایک دوسرے کے سامنے) مسجدوں پر فخر نہ کریں گے۔ "

 

[سیما علی]

جب رمضان المبارک شروع ہو جائے تو اس میں عمرہ کر لینا کیونکہ رمضان المبارک میں عمرہ حج کے برابر ہے۔
‏سُنن نسائی ۔ حدیث نمبر 2112

 

[سیما علی]

رسول اللہ صلی اللہ علیہ وآلہ وسلم نے فرمایا:
‏ہمارے اور اہل کتاب کے روزے میں سحری کھانے کا فرق ہے ۔
‏ (سنن ابو داؤد، ۲۳۴۳)

 

[سیما علی]

روزہ دار کو دو خوشیاں حاصل ہوں گی ( ایک تو جب ) وہ افطار کرتا ہے تو خوش ہوتا ہے اور ( دوسرے ) جب وہ اپنے رب سے ملاقات کرے گا تو اپنے روزے کا ثواب پا کر خوش ہو گا۔

‏(صحیح بخاری، ۱۹۰۴)

 

[سیما علی]

رسول اللہ ﷺ ہر سال رمضان میں دس دن کا اعتکاف کیا کرتے تھے۔ لیکن جس سال آپ ﷺ کا انتقال ہوا، اس سال آپ نے بیس دن کا اعتکاف کیا تھا۔
‏صحیح البخاری ۔ حدیث نمبر 2044

 

[سیما علی]

‏نبی اکرم ﷺ رمضان المبارک کے آخری عشرے میں اعتکاف فرمایا کرتے تھے۔
‏صحیح المسلم ۔ حدیث نمبر 2780

 

[سیما علی]

مومن مرد اور مومن عورت کی جان، اولاد، اور مال میں آزمائشیں آتی رہتی ہیں یہاں تک کہ جب وہ مرنے کے بعد اللہ سے ملاقات کرتے ہیں تو ان پر کوئی گناہ نہیں ہوتا۔

‏جامع الترمذی ۔ حدیث نمبر 2399

 

[سیما علی]

وہ آدمی میری امت میں سے نہیں ہے، جو ہمارے بڑوں کی تعظیم نہیں کرتا، چھوٹوں پر رحم نہیں کرتا اور ہمارے اہل علم کا حق نہیں پہنچانتا۔

‏مسند احمد ۔ حدیث نمبر 239

 

[سیما علی]

اگر انسان کے پاس سونے کی ایک وادی ہو تو وہ چاہے گا کہ دو ہو جائیں اور اس کا منہ قبر کی مٹی کے سوا اور کوئی چیز نہیں بھر سکتی اور اللہ اس کی توبہ قبول کرتا ہے جو توبہ کرے۔

‏صحیح البخاری ۔ حدیث نمبر 6439

 

[سیما علی]

حضرت عبداللہ بن عمر رضی اللہ عنہما سے روایت ہے کہ رسول اللہ ﷺ نے فرمایا :

‏’’ مزدور کو اس کا پسینہ خشک ہونے سے پہلے مزدوری دے دو ۔‘‘
‏(سنن ابن ماجہ،۲۴۴۳)

 

[سیما علی]

حضرت عبداللہ بن مسعود ؓ سے روایت ہے کہ
‏رسول اللہ ﷺ نے فرمایا :
‏’’کیا میں تمہیں ایسے لوگوں کی خبر نہ دوں جو جہنم کی آگ پر یا جہنم کی آگ ان پرحرام ہے؟
‏جہنم کی آگ لوگوں کے قریب رہنے والے، آسانی کرنے والے، اور نرم اخلاق والے پر حرام ہے‘‘۔
‏ (جامع ترمذی حدیث نمبر : 248

 

[سیما علی]

مومن مرد اور مومن عورت کی جان، اولاد، اور مال میں آزمائشیں آتی رہتی ہیں یہاں تک کہ جب وہ مرنے کے بعد اللہ سے ملاقات کرتے ہیں تو ان پر کوئی گناہ نہیں ہوتا۔

‏جامع الترمذی ۔ حدیث نمبر 2399

 

[سیما علی]

تم میں سے جب کوئی شخص جمعہ کی نماز کے لیے آنا چا ہے تو اسے غسل کر لینا چاہیے۔
‏صحیح البخاری ۔ حدیث نمبر 877

 

[سیما علی]

حضرت جابر ؓ سے روایت ہے کہ
‏رسول اللہ ﷺ نے فرمایا :
‏’’کفر اور ایمان کے درمیان فرق کرنے والی چیز نماز کا ترک کرنا ہے‘‘۔
‏(جامع ترمذی حدیث نمبر : 261

 

[سیما علی]

🔅رسول اللہ ﷺ نے فرمایا🔅
‏مدینہ کے راستوں پر فرشتے ہیں نہ اس میں طاعون آ سکتا ہے نہ دجال۔

‏صحیح البخاری ۔ حدیث نمبر 2880

 

[سیما علی]

رسول اللہ صلی ‌اللہ ‌علیہ ‌وآلہ ‌وسلم نے فرمایا:
‏
‏یقیناً اللہ تمہاری صورتوں اور اموال کو نہیں دیکھتا، بلکہ وہ تمہارے دلوں اور اعمال کو دیکھتا ہے۔
‏(مشکٰوت المصابیح، حدیث: 5314)