حکایات نیرنگ

[مقدس]

You are again right, like always :-D

آف کورس بھیا

 

[مقدس]

میں نے تو صرف دو نام بتائے تھے نین دیکھیں کتنی لمبی لسٹ ہے یہاں
بس شروع ہو جائیں جلدی سے

آپی میں نے تو بس اسٹارٹ دیا ہے بھیا کو۔۔۔ محفل میں ڈھیروں لوگ ہیں جن پر لکھا جا سکتا ہے۔

 

[نیرنگ خیال]

اور پر مزاح بھی
ویسے ایسے ایسے تجربات کہاں کہاں سے حاصل کر لیے
میں بھی مقدس کے ساتھ ہوں کوئی نہیں نین جس سے زیادہ بنتی ہے اسی پر لکھ دیں مقدس اور میں حاضر ہیں اس کے لیے

اپیا یہ تجربات میں نے دھوپ میں بال سفید کر کے نہیں لیئے۔
اپیا کوشش کروں گا۔ اصل میں خاکہ نگاری اک فن ہے اور میں اس میں بالکل کورا۔۔۔

 

[نیرنگ خیال]

آف کورس آپی۔۔ میری طرف سے تو کوئی ٹینشن نہیں ہے۔ عینی بھی ہے، نیلم بھی ، سعود بھیا، قیصرانی بھیا، فاتح بھیا اتنے لوگ ہیں کوئی بھی مائینڈ کرنے والا نہیں ہے

نیلم نے کہنا ہے کہ حکایتوں کو کم مار پڑ رہی تھی جو حکایتوں والی کا بھی نیا ورژن بنانے پر تل گئے۔

 

[نیرنگ خیال]

آپی میں نے تو بس اسٹارٹ دیا ہے بھیا کو۔۔۔ محفل میں ڈھیروں لوگ ہیں جن پر لکھا جا سکتا ہے۔

بھیا کو دھکا سٹارٹ کہا

 

[سیدہ شگفتہ]

سات باتیں (اصل حکایت)​

قحط دانائی​

پرانے زمانے میں عقلمند لوگ ناپید ہوتے تھے۔ اور گوگل ابھی ایجاد نہ ہوا تھا۔ لوگوں کو دانا لوگوں سے ملنے کے لیئے کئی کئی میل کا سفر طے کرنا پڑتا۔ ہر کوئی اپنے گھر کو عقلمند ہوتا ہے۔ یہ مثال بھی اس وقت ایجاد نہ ہوئی تھی۔ دانائی کا معیار کیا ہوتا تھا۔ کس شخص کو دانا کہا جا سکتا اور کس کو نہیں۔ اس بات کا فیصلہ بھی وقت کے بیوقوف ہی کرتے تھے۔
اک اور پتے کی بات بتاتا چلوں کہ سوال کرنے والا کبھی بھی دانا نہ سمجھا جاتا تھا۔ چاہے کتنی ہی دانائی کا سوال نہ پوچھ لے۔ صرف جواب دینے والا ہی دانائی کی گدی پر رونق افروز ہو سکتا تھا۔
ایسے ہی اک دور میں جب دانائی کا قحط پڑا ہوا تھا۔ اس سے یہ بھی ثابت ہوا کہ یہ شیخ سعدی کے داناؤں کے دور کے آس پاس کا دور بھی نہ تھا۔ جہاں دانا لوگ یوں پائے جاتے تھے جیسے لال مرچ میں اینٹیں یا پھر چائے کی پتی میں چنے کے چھلکے۔ اک آدمی سات سوال سوچ بیٹھا۔ سوچ کیا بیٹھا۔ عقلمند آدمی تھا۔ کچھ باتیں ذہن میں آئیں۔ گر کوشش کرتا تو جواب بھی مل جاتا۔ مگر روایت اور رسم و رواج کے مطابق دانا کی تلاش میں نکل کھڑا ہوا۔ پتہ چلا کہ قریبی قریبی دانا بھی سات سو میل کی مسافت پر ہے۔
یہ بات اس نے اپنے باپ کو بتائی کہ اب مجھے ان کے جوابات کے لیئے اس کے پاس جانا ہوگا۔ کیوں کہ اس سارے علاقے کو وہی اک عقلمند لگتا ہے۔ عہد حاضر کا کوئی باپ ہوتا تو اس کو ذاتی حملہ یا اسلاف پر ضرب گردانتا۔ مگر باپ نے بخوشی اسے کہا جا بیٹا جا۔ عقل سیکھ کر آ۔

​

اجازت ملنے پر سفر شروع کیا اور سارا راستہ طرح طرح کے حلئے ذہن میں بناتا گیا کہ ایسا ہوگا عقلمند آدمی۔ یا پھر ایسا۔ مگر جب اس کٹھن مسافت کو طے کرنے کے بعد جب وہ اس گاؤں میں پہنچا تو دیکھا کہ وہ بھی اس کی سی شکل و صورت کا اک عام آدمی تھا۔ کسی بھی عقلمند آدمی سے ملے کا یہ پہلا اتفاق تھا سو آداب کو خیال رکھتے ہوئے بیوقوفانہ قسم کا سلام کیا۔ اور چھوٹتے ہی عرض کی​

میں اتنی دور سے سات باتیں دریافت کرنے آیا ہوں۔​

عقلمند نے جواب دیا۔ کاکا بیٹھ؛ پانی وغیرہ پی۔ کھانا کھا۔ اتنے لمبے سفر نے ویسے ہی تیری مت مار رکھی ہے۔ سوالی عقلمند کی عقلمندی کا قائل ہوگیا۔ آرام سے کھانا کھا کر چائے وائے پی کر جب اسکی تھکان اتر گَئی تو عقل مند آدمی نے کہا۔ اب میں تیرے سوالوں کے جواب دیتا ہوں۔​

آسمان سے کون سی چیز زیادہ ثقیل ہے ؟​

اوئے کاکا! پہلے تو یہ بتا کہ آسمان کو تو نے کب تولا؟ عقل کے ناخن تراشتے ہوئے عقلمند نے مزید کہا۔ اگر وزنی ہوتا تو نیچے نہ گرا پڑا ہوتا۔ جس چیز کو ہوا نے اوپر اٹھا رکھا ہے وہ کاہے کی وزنی۔ خیر تجھے اک پتے کی بات بتا دیتا ہوں تاکہ تیرا سفر اکارت نہ جائے۔ اور وہ یہ کہ مفت یعنی بناء پیسے لیئے کسی کا کام کرنا یا کسی پر الزام لگانا آسمان سے بھی زیادہ بھاری ہے۔ اک بہت ہی عقلمند آدمی نے کہا تھا کہ اگر تم کسی چیز پر دسترس رکھتے ہو تو کبھی بھی اسے مفت نہ کرو۔​

​

زمین سے کیا چیز وسیع ہے ؟​

تیرے دوسرے سوال کا جواب ہے کہ بیگم کی خواہشات زمین سے زیادہ وسیع ہیں۔ ابن بطوطہ زمین کا طواف کرنے میں شائد کامیاب ہو گیا ہو۔ مگر بیگم کی خواہشات کے آگے وہ بھی بے بس ہو گیا ہوگا۔​

​

پتھر سے کون سی چیز زیادہ سخت ہے ؟​

تیرے تیسرے سوال کا بزرگانہ جواب یہ ہے کہ عوام کی غیرت پتھر سے زیادہ سخت ہے۔ جتنا مرضی ظلم کر لو۔ جیسے مرضی ہانک لو۔ مگر نہ تو یہ غیرت کا بت ٹوٹتا ہے۔ اور نہ ہی اس میں سے پانی کا کوئی چشمہ بہہ نکلتا ہے۔ یہ پتھر اندھے پن میں لڑھک تو سکتا ہے۔ مگر پانی کی طرح خود راستہ بنانے کی صلاحیت نہیں رکھتا۔​

کون سی چیز آگ سے زیادہ جلانے والی ہے؟​

چوتھے سوال پر عقلمند نے اک مشفقانہ سا قہقہہ لگایا جیسا بچوں کے معصوم سوالوں پر لگایا جاتا ہے۔ اور کہا کہ آگ کے سوا کوئی اور چیز اتنا جلانے والی ہوتی تو جہنم اسی چیز سے بنائی جاتی۔ نہ کہ آگ سے۔​

سوالی نے کہا سرکار میرا سوال تھا کہ آگ سے جلنے کے علاوہ بھی کوئی ایسی کیفیت ہے کہ بندہ سمجھے وہ جل رہا ہے۔​

اس بات پر دانا آدمی سوچ میں پڑ گیا۔ مگر اسی دوران سامنے سے کچھ خواتین کا گزر ہوا۔ تو دانا نے کہا کہ اگر بیٹا اپنی کمائی ماں کی بجائے بیگم کے ہاتھ پر رکھ دے۔ یا بیگم کی بجائے ماں کے ہاتھ پر۔ تو اس عورت کے لیئے اس سے زیادہ جلانے والی چیز کائنات میں کوئی نہیں۔​

​

کون سے چیز زمہریر سے زیادہ سرد ہے ؟​

پانچویں سوال پر اک بار تو دانا پریشان ہو گیا۔ پھر اٹھا بہانے سے اور ساتھ کمرے میں لغت تک جاپہنچا۔ وہاں سے زمہریر کا مطلب دیکھا۔ واپس آکر سکون سے بیٹھ گیا۔ اور کہنے لگا کہ اسکے دوجوابات ہیں۔ اک میری ذاتی رائے اور اک وہی نسل در نسل چلنے والا جواب۔​

سوالی نے کہا کہ حضور دونوں جواب دے کر سرفراز فرمائیے۔​

روایتی جواب یہ ہے کہ رشتے داروں کے پاس حاجت لے جانا اور کامیاب نہ ہونا زمہریر سے زیادہ سرد ہے۔ مگر رشتےداروں کے پاس جاتا کون ہے۔ اگر رشتے دار اتنے اچھے ہوتے تو ان سے اچھے سلوک کی بار بار تاکید کیوں کی جاتی۔ لہذا زمہریر سے زیادہ سرد وہ وقت ہے جب تم اپنے کسی دوست سے ادھار مانگنے جا​

ؤ

اور وہ تمہاری بات شروع کرنے سے پہلے تم سے ادھار مانگ لے۔​

اس جواب پر سوالی کی آنکھوں میں آنسو آگئے۔ شائد کوئی پرانا واقعہ اسے یاد آگیا تھا۔​

​

کون سی چیز سمندر سے زیادہ غنی ہے ؟​

دانا اس پر ذرا بیزار سا ہو کر کہنے لگا۔ کہ اگر غنی کا مطلب سخاوت سے ہے تو سمندر تو صرف قربانی لیتا ہے۔ دریاؤں کی۔ ندی نالوں کی۔ اور اگر اپنی حدوں سے نکل آئے تو ملکوں کے ملک ڈبو دیتا۔ مگر جو میں سمجھا کہ تم اسکی وسعت سے غنا کو منسوب کر رہے ہو۔
رشوت دینے والے کا دل سمندر سے بھی بڑا ہوتا۔ کیوں کہ وہ جانتے بوجھتے اپنی کمائی صرف اپنا کام نکلوانے کو ان راشیوں کے ہاتھ تھما دیتا جو ناسور بنے خون چوسنے میں مصروف ہیں۔

​

یتیم سے زیادہ کون بدتر ہے ؟​

اس سوال پر اک بار تو دانا حیران رہ گیا۔ اس نے کہا نوجوان میر عمر ساٹھ کے قریب ہے۔ اور میں بھی یتیم ہوں۔ مگر میری حالت ہرگز قابل رحم نہیں۔ میں خوش باش زندگی گزار رہا ہوں۔​

اس پر سوالی نے دل ہی دل میں اس دانا کو گالیاں دیتے ہوئے بظاہر بڑے ادب سے کہا۔ جناب اس سے مراد ایسا بچہ جس کے سر سے اس شفیق کا سایہ تب اٹھ جائے۔ جب وہ کچھ کرنے کے قابل نہیں۔ اب تو اگر آپ کے بچے بھی یتیم ہو جائیں تو انکی حالت اللہ کے کرم سے ٹھیک ہی رہے گی۔​

اب دانا کو شرمندگی ہوئی کہ اتنی سی بات نہ سمجھ پایا۔ خیر اس نے جواب تراشتے ہوئے کہا کہ اس بہو کی حالت یتیم سے بھی بدتر ہے جسکو چغلی کرنے کو کوئی ہمجولی میسر نہ ہو اور اسکی ساس کے پاس چغل خوروں کی روز محفل سجتی ہو۔

بہت دلچسپ ذوالقرنین بھائی

 

[سیدہ شگفتہ]

آپ ناں محفل کے کیریکٹرز پر لکھیں ۔۔۔ کچھ لمبا سا۔۔۔

ہاہاہا
دلچسپ آئیڈیا

 

[سیدہ شگفتہ]

لگتا ہے بھیا کی زندگی عزیز نہیں رہی۔

آپ بھی ڈرتے ہیں ذوالقرنین بھائی
عشبہ کے علاوہ کسی سے نہیں ڈرنے کا

 

[نیرنگ خیال]

بہت دلچسپ ذوالقرنین بھائی

شکریہ اپیا

ہاہاہا
دلچسپ آئیڈیا

آئیڈیا تو اچھا ہے اپیا

آپ بھی ڈرتے ہیں ذوالقرنین بھائی
عشبہ کے علاوہ کسی سے نہیں ڈرنے کا

اپیا ڈرنے کا ڈھونگ ہے یہ
جب کوئی کام کرنا نہ آتا ہو تو ڈرنے کی اداکاری کر کے سائیڈ پر ہو جاؤ۔ (فرمودات نیرنگ خیال )

 

[نیلم]

نیلم نے کہنا ہے کہ حکایتوں کو کم مار پڑ رہی تھی جو حکایتوں والی کا بھی نیا ورژن بنانے پر تل گئے۔

نہیں نہیں ضرور لکھے آپ،میں کچھ نہیں کہوں گی،،،،لیکن یاد سے تعریف کےعلاوہ کچھ ہواتو آپ کی خیر نہیں

 

[نیرنگ خیال]

نہیں نہیں ضرور لکھے آپ،میں کچھ نہیں کہوں گی،،،،لیکن یاد سے تعریف کےعلاوہ کچھ ہواتو آپ کی خیر نہیں

مقدس تعبیر
میں معذرت خواہ ہوں جھوٹ لکھنے اور کہنے کی عادت نہیں ہے۔

 

[نیلم]

مقدس تعبیر
میں معذرت خواہ ہوں جھوٹ لکھنے اور کہنے کی عادت نہیں ہے۔

زبردست ،،،،جھوٹ بہت اچھا بول لیتے ہیں آپ

 

[نیرنگ خیال]

زبردست ،،،،جھوٹ بہت اچھا بول لیتے ہیں آپ

یعنی تم پر لکھ سکتا

 

[نیلم]

یعنی تم پر لکھ سکتا

نہیں اس کے لیے آپ کو سچ سیکھناہوگا
وہ میں سیکھا سکتی آپ کو

 

[نیرنگ خیال]

نہیں اس کے لیے آپ کو سچ سیکھناہوگا
وہ میں سیکھا سکتی آپ کو

میرا خیال ہے کہ اس کی آڑ میں خود کو مجسم سچ کہا جارہا ۔ لو جی ہم باز آئے تم سے سیکھنے سے

 

[تعبیر]

اپیا یہ تجربات میں نے دھوپ میں بال سفید کر کے نہیں لیئے۔
اپیا کوشش کروں گا۔ اصل میں خاکہ نگاری اک فن ہے اور میں اس میں بالکل کورا۔۔۔

ہاہاہا
بال تو نہیں البتہ کپڑے ضرور سفید کر لیے ہیں جو کہ آپ اس دن پہن کر گئے تھے
کوشش سے ہی تو سب کچھ ہوتا ہے نا
کہانی کی صورت میں لکھ لیں پھر

 

[محب علوی]

کمال کا دھاگہ ہے نیرنگ خیال ۔

بھائی ، یہ نظر کیوں نہیں آیا مجھے پہلے۔

دانا اور سیانا پر جو کہا ہے وہ یوں سمجھوں میرے دل کی آواز ہے۔

میرا اندازہ ہے کہ پرانے زمانے میں لوگ مفت مشورے نہیں دیتے تھے تو لوگ مل جل کر چند بستیوں میں کسی ایک مفت مشورے دینے والے کا انتطار کر لیتے تھے اور اس کے بہلانے کو اس کا نام دانا یا سیانا رکھ چھوڑتے تھے۔
سیانا اور دانا کے قصوں اور حکایتوں سے میں نے تو یہی حساب لگایا ہے کہ جو غلط مشورہ ہے وہ ماضی کے کسی سیانے یا دانا کا ہی مفت مشورہ ہے اس لیے ہی اب لوگ طنزا کہتے ہیں

تو بڑا سیانا اے

زیادہ سیان پتی مت کر

بہت دانا ہو تم

 

[محب علوی]

بہت ہی اعلی دھاگہ ہے ، میں نے مزید کچھ حکایتیں پڑھی ہیں اور مجھ پر پرانی حکایتیں جدید زمانے کے عنوان کے تحت خیالات کی بارش ہو رہی ہے۔

بہت زبردست اور امید ہے کہ نیلم کی مزیدار حکایتیں ایسے ہی نیرنگی خیال پیدا کرتی رہیں گی۔

کوئی ایک آدھ حکایت نیرنگ خیال سے بچ گئی کبھی تو ہاتھ صاف کرنے کا موقع مل سکتا ہے۔

 

[نیلم]

بہت ہی اعلی دھاگہ ہے ، میں نے مزید کچھ حکایتیں پڑھی ہیں اور مجھ پر پرانی حکایتیں جدید زمانے کے عنوان کے تحت خیالات کی بارش ہو رہی ہے۔

بہت زبردست اور امید ہے کہ نیلم کی مزیدار حکایتیں ایسے ہی نیرنگی خیال پیدا کرتی رہیں گی۔

کوئی ایک آدھ حکایت نیرنگ خیال سے بچ گئی کبھی تو ہاتھ صاف کرنے کا موقع مل سکتا ہے۔

تو ٹھیک ہے پھر اگلی حکایت آپ کی

 

[نیرنگ خیال]

کمال کا دھاگہ ہے نیرنگ خیال ۔

بھائی ، یہ نظر کیوں نہیں آیا مجھے پہلے۔

دانا اور سیانا پر جو کہا ہے وہ یوں سمجھوں میرے دل کی آواز ہے۔

میرا اندازہ ہے کہ پرانے زمانے میں لوگ مفت مشورے نہیں دیتے تھے تو لوگ مل جل کر چند بستیوں میں کسی ایک مفت مشورے دینے والے کا انتطار کر لیتے تھے اور اس کے بہلانے کو اس کا نام دانا یا سیانا رکھ چھوڑتے تھے۔
سیانا اور دانا کے قصوں اور حکایتوں سے میں نے تو یہی حساب لگایا ہے کہ جو غلط مشورہ ہے وہ ماضی کے کسی سیانے یا دانا کا ہی مفت مشورہ ہے اس لیے ہی اب لوگ طنزا کہتے ہیں

تو بڑا سیانا اے

زیادہ سیان پتی مت کر

بہت دانا ہو تم

آپ نے نگاہ ہی نہیں کی۔ یہ دھاگہ میں کوئی 8 کے قریب حکایتیں ہے محب بھائی۔