خائف ہیں ہست سے .....

[الف عین]

یہ میدان تو عزیزی بسمل شیخ بسمل کا ہے۔ لیکن مجھے نہیں لگتا کہ یہ رباعی کی بحر ہے۔ بہر حال درست بھی ہو تو ایسی بحروں سے احتراز بہتر ہے۔

 

[اکمل زیدی]

عروض انجن بعض اوقات درست تقطیع نہیں کر پاتا۔

شکریہ تابش بھائی ..میری tention دور کرنے کا کے میری اکثر بحر کی تقطیع یہ عروض انجن صحیح نہیں بتاتا . . .

 

[شاہد شاہنواز]

آج کل میں نے انہیں اس فورم پر نہیں دیکھا۔ ممکن ہے ٹیگ کرنے سے آجایئں ۔۔۔
مزمل شیخ بسمل

 

[محمد وارث]

یہ میدان تو عزیزی بسمل شیخ بسمل کا ہے۔ لیکن مجھے نہیں لگتا کہ یہ رباعی کی بحر ہے۔ بہر حال درست بھی ہو تو ایسی بحروں سے احتراز بہتر ہے۔

اعجاز صاحب، یہ رباعی کی بحر ہے، پچھلے صفحے پر اس پر بحث تھی

 

[محمد وارث]

یاس یگانہ کی چراغِ سخن سے رباعی کے چوبیس اوزان اور انکی مثالیں۔ ہماری مذکورہ بحر اس میں دیکھی جا سکتی ہے۔ بحر الفصاحت کی "سافٹ کاپی" میرے پاس نہیں ہے ورنہ اُس میں سے بھی متعلقہ بحث شامل کر دیتا

 

[الف عین]

عزیزی مزمل شیخ بسمل سے معذرت۔ نہ جانے کس دھن میں ان کو بسمل شیخ بسمل لکھ گیا!!

 

[مزمل شیخ بسمل]

رباعی کے حوالے سے میرا یہ مضمون ملاحظہ فرمائیں رباعی کے "دو" اوزان
مذکورہ بالا وزن کی وضاحت اپنے آپ ہو جائے گی۔
رباعی کی بحر کو غزل میں استعمال کرنا ممکن ہے۔ لیکن جیساکہ وارث صاحب نے کہا کہ روایتاً شعرا عام طور پر ایسا کرتے پائے نہیں گئے۔
مزید برآں، غزل کے حوالےسے عرض ہے وزن کی بحث کے علاوہ مندرجہ ذیل شعر کے مصرعِ ثانی میں لفظ "کیا" کا تلفظ بھی غلط باندھا ہے۔ کیا بر وزن "کا" ہے۔ لیکن یہاں کیا کو فعو پر باندھا ہے۔

مقصود اپنے سے خالی ہیں ارض و سما
کیسے سمجھے کوئی، کیا ہم ڈھونڈتے ہیں​

 

[محمد ریحان قریشی]

ویسے کیا غزل میں بھی یہ تمام اوزان ملائے جا سکتے ہیں؟؟

 

[مزمل شیخ بسمل]

ویسے کیا غزل میں بھی یہ تمام اوزان ملائے جا سکتے ہیں؟؟

جی تکنیکی طور پر اوزان کو جمع کرنے میں کوئی پابندی حائل نہیں۔
تاہم اردو میں رواج نہیں ہے، سو ہماری جمالیاتی حس اس سے مخالف سمت میں بہہ رہی ہے۔

 

[آوازِ دوست]

اچھی کاوش ہے ، عمدہ خیالات ہیں لیکن مصروں کا وزن جانچتے اور پورا کرتے آپ کا اپنا وزن کم ہو جائے گا۔ ناقدین کی سہولت کے لیے اسے نثری شاعری قرار دیں اور جان چھُڑائیں

 

[La Alma]

رباعی کے حوالے سے میرا یہ مضمون ملاحظہ فرمائیں رباعی کے "دو" اوزان
مذکورہ بالا وزن کی وضاحت اپنے آپ ہو جائے گی۔
رباعی کی بحر کو غزل میں استعمال کرنا ممکن ہے۔ لیکن جیساکہ وارث صاحب نے کہا کہ روایتاً شعرا عام طور پر ایسا کرتے پائے نہیں گئے۔
مزید برآں، غزل کے حوالےسے عرض ہے وزن کی بحث کے علاوہ مندرجہ ذیل شعر کے مصرعِ ثانی میں لفظ "کیا" کا تلفظ بھی غلط باندھا ہے۔ کیا بر وزن "کا" ہے۔ لیکن یہاں کیا کو فعو پر باندھا ہے۔

بہت شکریہ آپ کی توجہ کا ."کا " کو یک حرفی کٙ باندھا ہے .

 

[مزمل شیخ بسمل]

بہت شکریہ آپ کی توجہ کا ."کا " کو یک حرفی کٙ باندھا ہے .

جی جی۔ معذرت۔ غزل پڑھ کر جب تک تبصرے پر پہنچا تو ذہن میں یہی نہیں رہا کہ مصرع پر اعتراض کیا تھا۔
مقصد یہی تھا کہ کیا کو یک حرفی کَ باندھنا انتہائی قبیح عمل ہے۔

 

[محمد وارث]

ویسے کیا غزل میں بھی یہ تمام اوزان ملائے جا سکتے ہیں؟؟

یہ صرف تھیورٹیکل بحث ہے، پریکٹیکل تو ہمیں رباعی کے کسی ایک وزن میں کوئی غزل تک نہ ملتی سو غزل میں رباعی کے اوزان کو جمع کرنے کی مثال کہاں سے ملے گی۔ ویسے اگر کسی غزل میں آٹھ وزن تک جمع ہو سکتے ہیں (یہ بھی تھیورٹیکل ہے کہ ایک غزل میں زیادہ سے زیادہ تین چار اوزان ہی کی مثالیں ملتی ہیں، آٹھ کو جمع کرنے کی مثالیں مختلف غزلوں سے ملتی ہیں) تو پھر تکنیکی طور پر چوبیس کو بھی جمع کیا جانا چاہیے۔

صلائے عام ہے شاعروں کے لیے، کوئی ایک غزل کہے بارہ اشعار کی جس میں رباعی کے تمام چوبیس اوزان آ جائیں

 

[La Alma]

جی جی۔ معذرت۔ غزل پڑھ کر جب تک تبصرے پر پہنچا تو ذہن میں یہی نہیں رہا کہ مصرع پر اعتراض کیا تھا۔
مقصد یہی تھا کہ کیا کو یک حرفی کَ باندھنا انتہائی قبیح عمل ہے۔

درست .

یہ صرف تھیورٹیکل بحث ہے، پریکٹیکل تو ہمیں رباعی کے کسی ایک وزن میں کوئی غزل تک نہ ملتی سو غزل میں رباعی کے اوزان کو جمع کرنے کی مثال کہاں سے ملے گی۔ ویسے اگر کسی غزل میں آٹھ وزن تک جمع ہو سکتے ہیں (یہ بھی تھیورٹیکل ہے کہ ایک غزل میں زیادہ سے زیادہ تین چار اوزان ہی کی مثالیں ملتی ہیں، آٹھ کو جمع کرنے کی مثالیں مختلف غزلوں سے ملتی ہیں) تو پھر تکنیکی طور پر چوبیس کو بھی جمع کیا جانا چاہیے۔

صلائے عام ہے شاعروں کے لیے، کوئی ایک غزل کہے بارہ اشعار کی جس میں رباعی کے تمام چوبیس اوزان آ جائیں

سر ایک وزن ہضم نہیں ہو رہا آپ چوبیس کی بات کر رہے ہیں .

 

[محمد وارث]

سر ایک وزن ہضم نہیں ہو رہا آپ چوبیس کی بات کر رہے ہیں .

یہ نظامِ ہضم کی بھی خرابی ہو سکتی ہے آپ فکر نہ کریں۔ کوشش کریں، بارہ ہی تو اشعار ہونگے

 

[La Alma]

اچھی کاوش ہے ، عمدہ خیالات ہیں لیکن مصروں کا وزن جانچتے اور پورا کرتے آپ کا اپنا وزن کم ہو جائے گا۔ ناقدین کی سہولت کے لیے اسے نثری شاعری قرار دیں اور جان چھُڑائیں

آئیڈیا برا نہیں .

 

[La Alma]

یہ نظامِ ہضم کی بھی خرابی ہو سکتی ہے آپ فکر نہ کریں۔ کوشش کریں، بارہ ہی تو اشعار ہونگے

بائیں ہاتھ کا کھیل ہے یہ تو ...

 

[محمد تابش صدیقی]

اچھی کاوش ہے ، عمدہ خیالات ہیں لیکن مصروں کا وزن جانچتے اور پورا کرتے آپ کا اپنا وزن کم ہو جائے گا۔ ناقدین کی سہولت کے لیے اسے نثری شاعری قرار دیں اور جان چھُڑائیں

یہ شاعرہ کی خوش قسمتی ہے کہ ان کی بدولت بہت لوگوں کو سیکھنے کا موقع ملا ہے۔ مجھے تنقید نظر نہیں آئی، بلکہ سیکھنے سکھانے کا عمل نظر آیا ہے۔

 

[آوازِ دوست]

یہ شاعرہ کی خوش قسمتی ہے کہ ان کی بدولت بہت لوگوں کو سیکھنے کا موقع ملا ہے۔ مجھے تنقید نظر نہیں آئی، بلکہ سیکھنے سکھانے کا عمل نظر آیا ہے۔

آپ بالکل بجا فرما رہے ہیں مگراس سے کیا مفر کہ اِس کم بخت لفظ "وزن" پر نظر پڑتے ہی ہمارے سارے مندمل زخم ہرے ہو جاتے ہیں

 

[شاہد شاہنواز]

رباعی کے اوزان پر گزشتہ شعرا کی کسی غزل کا نہ ملنا ہی شعرائے اردو کا اس معاملے میں "اجماع" معلوم ہوتا ہے۔