خاصانِ خدا کے اشعار

[سیما علی]

حاجیِ عاقل طواف چند کند ہفت ہفت
حاجیِ دیوانہ ام من نشمارم طواف

مولانا جلال الدین رُومی علیہ الرحمہ

عاقل اور ہوش و حواس والا حاجی کچھ طواف (گِن کے) سات سات بار کرتا ہے، میں ایک دیوانہ حاجی ہوں میں طواف شمار ہی نہیں کرتا۔

 

[سیما علی]

’’اللہ عزوجل نے اس کا نام فاطمہ علیہ السلام اس لیے رکھا کہ اسے اور اس سے محبت کرنے والوں کو آتش دوزخ سے آزاد فرما دیا‘‘(۱۳)

امام احمد رضا قادری نے آپ کی شان اقدس میں یوں نذرانہ عقیدت پیش کیا:

جس کا آنچل نہ دیکھا مہ و مہر نے
اس ردائے نزاہت پہ لاکھوں سلام

سیدہ ، زاہرہ ، طیبہ ، طاہرہ
جان احمدﷺ کی راحت پہ لاکھوں سلام

 

[یاسر شاہ]

نہ میں دیوانہ ہوں اصغر نہ مجھ کو ذوق_ عریانی
کوئی کھینچے لیے جاتا ہے خود جیب و گریباں کو
___________________اصغر گونڈوی

 

[یاسر شاہ]

مری کھل کر سیہ کاری تو دیکھو
اور ان کی شان_ستاری تو دیکھو

گڑا جاتا ہوں جیتے جی زمیں میں
گناہوں کی گراں باری تو دیکھو

کرے بیعت حفیظ اشرف علی سے
بایں غفلت یہ ہشیاری تو دیکھو

_________حفیظ جونپوری

 

[صابرہ امین]

یہ چمکتے ہوئے تارے یہ فلک سیر نجوم
ابر و باراں و سبک گام صبا، بادِ سموم

کرسیء و لوح و قلم، حکمت و اسماء و علوم
ساز و آواز کے پردوں میں مقید مفہوم

عقل حیراں ہے کہ یہ جلوہ گری کس کی ہے
وجد ہے روح کو یہ نغہ گری کس کی ہے

جمیل نقوی

 

[یاسر شاہ]

جو چپ بیٹھوں تو اک کوہ گراں معلوم ہوتا ہوں
جو لب کھولوں تو دریائے رواں معلوم ہوتا ہوں

جو ہوں دراصل صورت سے کہاں معلوم ہوتا ہوں
بہار_بے خزاں ہوں گو خزاں معلوم ہوتا ہوں

الگ سب سے ہوں سب کے درمیاں معلوم ہوتا ہوں
کہاں پہنچا ہوا ہوں میں کہاں معلوم ہوتا ہوں

بظاہر تو میں رسوائے جہاں معلوم ہوتا ہوں
دم _مستی مگر شاہ_ شہاں معلوم ہوتا ہوں

شریک_ بزم _رنداں ہوں مگر ازروئے کیفیت
شریک _محفل _روحانیاں معلوم ہوتا ہوں

عزیز الحسن مجذوب رح

 

[سیما علی]

یارب یہ کیا طلسم ہے ادراک و فہم یاں
دوڑے ہزار آپ سے باہر نہ جا سکے

گو بحث کر کے بات بٹھائی بھی کیا حصول
دل سے اٹھا غلاف اگر تو اٹھا سکے

خواجہ میر درد

 

[یاسر شاہ]

کوئی تجھ سے کچھ کوئی کچھ مانگتا ہے
الہی!! میں تجھ سے طلبگار تیرا
تو کر بے خبر ساری خبروں سے مجھکو
رہوں ایک میں بس خبردار تیرا

حاجی امداد اللہ مہاجر مکی

 

[سیما علی]

آسمانوں پہ ستاروں کوسجاتا تو ہے
اور مہتاب کا فانوس جلاتا تو ہے
یہ تری شانِ کریمی ہے کہ ہر بندے پر
عقل و حکمت کے خزینوں کو لٹاتا تو ہے

محسن احسان

 

[ریحان احمد ریحانؔ]

مسلمان آن فقیر کج کلاہی
رمید از سینہ او سوز آہی
دلش نالد چرا نالد نداند
نگاہے یارسول اللہ نگاہی

علامہ محمد اقبال رحمۃ اللہ علیہ

 

[یاسر شاہ]

اگر ہیں آپ صادق اپنے اقرار_محبت میں
طلب خود کر لیے جائیں گے دربار_ محبت میں

مولانا محمد احمد پرتابگڑھی

 

[یاسر شاہ]

ایک بزرگوں سے سنا ہوا شعر:

سن لے اے دوست جب ایام بھلے آتے ہیں
گھات ملنے کی وہ خود آپ ہی بتلاتے ہیں

شاعر نا معلوم

 

[یاسر شاہ]

روتی ہے خلق میری خرابی کو دیکھ کر
روتا ہوں میں کہ ہائےمری چشم تر نہیں
حاجی امداد اللہ مہاجر مکی

 

[یاسر شاہ]

ہم نے طے کی اس طرح سے منزلیں
گر پڑے ،گر کر اٹھے،اٹھ کر چلے

شاعر نامعلوم

 

[سیما علی]

ہم پہ بے انتہا کرم فرما
دور دنیا کے سارے غم فرما

ظلمتیں پے بہ پے امڈتی ہیں
بارشِ نور دم بہ دم فرما

ہے یہ تیرے حبیبﷺ کی امت
قومِ آخر کو محترم فرما

اس کے ہاتھوں ہے تنگ خلقِ خدا
سرِ طاغوت اب تو خم فرما

یا الہی بحقِ ختمِ رسل ﷺ
اونچا ایمان کا عَلم فرما

( حفیظ تائب ؒ )

 

[سیما علی]

اک لب بھی تر نہ کر سکے اور ہوگئے شہید
کیسے بیاں ہو رنجِ علمدارِ کربلا
۔
مولا ترا "ذکی" بھی ہے دیوانہء حسین
اس کو بھی ہو زیارتِ دربارِ کربلا
۔
( ذکی طارق بارہ بنکوی )

 

[یاسر شاہ]

داغ_دل چمکے گا بن کے آفتاب
لاکھ اس پر خاک ڈالی جائے گی
مجذوب رح

 

[سیما علی]

خبر سب کی رکھتا ہے ہرحال میں
مسافر ہو کوئی کہ ہو وہ مقیم
۔
قمر در پہ اس کے ہی کر سر کو خم
اگر ہے تجھے کچھ بھی عقل سلیم
۔
سید مظاہر عالم قمرؔ شمشی

 

[سیما علی]

نہ شریعت نہ طریقت نہ محبت نہ حیا
جس پہ ہو چاہے وہ اس عہد میں تہمت رکھے
(اکبر)

 

[سیما علی]

اس کو نہ چھوسکے کبھی رنج و بلا کے ہاتھ
اٹھے ھیں‌ جس کے حق میں‌رسولِِ خداﷺ کے ہاتھ

آئی ھے جالیوں سے بھی شائد لگا کے ہاتھ
کیا خوش مہک رھے ھین یہ باد۔ صبا کے ہاتھ