خدا

[شمشاد]

عیشل تیسرے مصرعے میں " پر کٹے " نہیں " پر کیئے " ہے۔

 

[شمشاد]

تنہائی میں یادِ خدا تھی
تنہائی میں خوفِ خدا تھا
(ناصر کاظمی)

 

[عیشل]

عیشل تیسرے مصرعے میں " پر کٹے " نہیں " پر کیئے " ہے۔

ہاں جی،جلدی میں غلطی ہو گئی،بتانے کا شکریہ۔

 

[عیشل]

سحر کے بعد چراغوں کو بھولنے والو!
خدا کے واسطے کچھ تو خیالِ شام کرو​

 

[شمشاد]

"کسے گواہ کروں کس سے منصفی چاہوں"
بجُز خدا کے میرا کوئی رازداں بھی نہیں
(نزہب عباسی)

 

[فرحت کیانی]

خدا ہم کو ایسی خدائی نہ دے
کہ اپنے سوا کچھ دکھائی نہ دے
خدا ایسے احساس کا نام ہے
رہے سامنے اور دکھائی نہ دے

 

[شمشاد]

نجانے کتنے خداؤں کے درمیاں ہوں، لیکن
ابھی میں اپنے ہی حال میں ہوں، خدا نہیں ہوں
(قاسم)

 

[ہما]

 

[شمشاد]

انسان کی طینت ہے جدا سب سے یہاں
ہر شخص یہ کہتا ہے ، خدا بن جاؤں

 

[راجہ صاحب]

خدا نہ کردہ، کسی قوم پر یہ وقت آئے
کہ خواب دفن رہیں شاعروں کے سینوں میں

 

[شمشاد]

مرے خدا مجھے وہ تابِ نے نوائی دے
مَیں چپ رہوں بھی تو نغمہ مرا سنائی دے

 

[عیشل]

یارو خدا کا خوف کرو،خوش رہا کرو
دشمن کی دوستی سے ڈرو، خوش رہا کرو
یہ بھی نہیں ضرور کہ بے حد ہنسو مگر
رو رو کے میکدہ نہ بھرو،خوش رہا کرو۔​

 

[شمشاد]

اس رشتہء لطیف کے اسرار کیا کھلیں
تو سامنے تھا اور تصور خدا کا تھا
(احمد ندیم قاسمی)

 

[تیشہ]

بڑا مزہ ہو کہ محشر میں ہم کریں شکوہ
وہ منتوں سے کہیں چپ رہو خدُا کے لئے ۔

 

[شمشاد]

سب تمہارے کئے کا حاصل ہے
جو خدا کی رضا سمجھتے ہو!
(سرور)

 

[نوید صادق]

لوگ آوازے کس رہے ہیں نوید
خوب، گویا خدا نہیں میرا

شاعر: نوید صادق

 

[شمشاد]

حرم میں میر جنتا بُت پرستی پر ہے تو مائل
خدا ہی ہو تو اتنا بت کدے میں برہمن نکلے

 

[نوید صادق]

‮وہ خدا ہے کہ صنم ہاتھ لگا کر دیکھیں
آج اس شوخ کو نزدیک بلا کر دیکھیں

شاعر: عرفان صدیقی

 

[شمشاد]

مِلاتا ہے یہ لَے اُس کے نفَس کے زیر و بم سے
خدارا دل کی میرے طرزِ گویائی تو دیکھو
(ناہید ورک)

 

[شعیب خالق]

یہی دعا ہے خدا ئے بزرگ و برتر سے
کہ نامُراد کی پوری کوئی مراد کریں
جمیل عظیم آبادی