خدا

[شمشاد]

خدا جانے رہِ الفت میں یوں ہوتا تو کیا ہوتا!
کہ آنکھیں بند ہوتیں اور تیرا سامنا ہوتا
(سرور)

 

[نوید صادق]

کہاں ہے شیشہء مے محتسب خدا سے ڈر
مری بغل میں جھلکتا ہے آبلہ دل کا

شاعر: مراد علی حیرت

 

[راجہ صاحب]

میر صاحب سے خدا جانے ہوئی کیا تقصیر
جس سے اس ظلمِ نمایاں کے سزاوار ہوئے
(میر)

 

[شمشاد]

ہم موحد ہیں بتوں کے پوجنے والے نہیں
پر خدا لگتی کہیں تو وہ صنم اپنی جگہ
(فراز)

 

[راجہ صاحب]

خدا کے خوف سے جو دل لرزتے رہتے ہیں
انہیں‌کبھی بھی زمانے سے ڈر نہیں‌آیا


امجد اسلام امجد

 

[شمشاد]

مسجدیں ہیں نمازیوں ک لیے
اپنے گھر میں کہیں خدا رکھنا

 

[نوید صادق]

میں کیا ہوں اور کیا ہے خدا چھوڑئے یہ بات
تخلیق کائنات کا مقصد ضرور ہے

شاعر: روحی کنجاہی

 

[راجہ صاحب]

پھر وہی سیلِ بلا، وہی دامِ امواج
ناخداوں میں سفینے کی جگہ بٹ نہ سکی
ساحر لدھیانوی

 

[شمشاد]

نہ کر کشی پہ بھروسہ کہ کشتیاں ڈوبیں
خدا کے ہوتے ہوئے، ناخدا کے ہوتے ہوئے
(فراز)

 

[راجہ صاحب]

محبت ہے خدا جیسی ‘ خدائی اس میں شامل ہے
ستارہ مت کہو اِس کو ‘ محبت ماہِ کامل ہے
(فاخرہ بتول)

 

[شمشاد]

حريف اپنا سمجھ رہے ہيں مجھے خدايان خانقاہي
انھيں يہ ڈر ہے کہ ميرے نالوں سے شق نہ ہو سنگ آستانہ
(علامہ)

 

[تانیہ]

جو میرے درد کی آواز کو سمجھتا ہو
اے زمانے کوئی ایسا خدا دے مجھکو

 

[ایمان علی]

یہ ٹھیک ہے نہیں مرتا کوئی جدائی میں
خدا کسی کو کسی سے مگر جدا نہ کرے

قتیل شفائی

 

[شمشاد]

ہم نہیں وہ جو کریں خون کا دعویٰ تجھ سے
بلکہ پوچھے گا خدا بھی تو مکر جائیں گے
(ابراہیم ذوق)

 

[عرفان سرور]

خُدا کو پا گیا واعظ مگر ہے
ضرورت آدمی کو آدمی کی۔۔۔!

 

[عرفان سرور]

عشق کو شرک کی حد تک نہ بڑھا
یوں نہ مل ہم سے خُدا ہو جیسے۔۔۔!

 

[عرفان سرور]

کوئی رستہ نہیں دُعا کے سوا
کوئی سُنتا نہیں خُدا کے سوا۔۔۔!

 

[عرفان سرور]

نہ کر کشی پہ بھروسہ کہ کشتیاں ڈوبیں
خدا کے ہوتے ہوئے، ناخدا کے ہوتے ہوئے
(فراز)

احسان ناخُدا کا اُٹھائے بلا میری
کشتی خُدا پہ چھوڑ دی لنگر کو توڑ کے۔۔۔!

 

[عرفان سرور]

خُدا محفوظ رکھنا چاہتا ہے جب کوئی شمع
تو پھر ظالم ہواؤں کو خبر ہونے نہیں دیتا۔۔۔!

 

[عرفان سرور]

اک روز خُدا کو منہ دکھانا ہے ضرور
بندے! کبھی جو بن پڑے تو نیکی کرنا۔۔۔!
جوش