خدا

[عرفان سرور]

مارا دیار غیر میں مجھ کو وطن سے دور
رکھ لی میرے خُدا نے میری بے کسی کی شرم۔۔۔!

 

[راجہ صاحب]

بصارت کُچھ نہیں کرتی بصیرت کام آتی ہے
نظر آتا نہیں لیکن خُدا محسوس ہوتا ہے​

 

[عرفان سرور]

لائے اُس بُت کو التجا کرکے
کُفر ٹوٹا خدا خدا کرکے

 

[عرفان سرور]

عمر بھر کی نواح گری کا صلہ
اے خدا کوئی ہمنوا ہی دے۔۔۔!
ناصر کاظمی

 

[شمشاد]

خدا کرے کہ مرے اک بھی ہم وطن کےلیے​

حیات جرم نہ ہو زندگی وبال نہ ہو​

(احمد ندیم قاسمی)​

 

[محمدظہیر]

ان بتوں کو خدا سے کیا مطلب
توبہ توبہ خدا خدا کیجے
(غالبؔ)

 

[شمشاد]

تنگ آیا ہوں یا خدا توبہ
دل کا کہنا کروں میں یا توبہ
(نظام رامپوری)

 

[مغزل]

خدا آباد رکھے میکدہ یہ تو سمجھ ساقی
ہزاروں بادہ کش ہیں ایک پیمانے سے کیا ہوگا
استاد قمر جلالوی

 

[شمشاد]

تُو وہ بُت ہے کہ دیکھتے ہی تجھے​

لوگ کہتے ہیں، یا خدا توبہ​

(نظام رامپوری) ​

 

[کاشفی]

بیخودی میں ہم تو تیرا در سمجھ کر جُھک گئے
اب خدا معلوم کعبہ تھا کہ وہ بتخانہ تھا
(طالب جے پوری)

 

[عین عین]

بندگی نے ہزار رنگ بدلے
جو خدا تھا وہی خدا ہے ہنوز

 

[محمدظہیر]

گئے دونوں جہان کے کام سے ہم، نہ اِدھر کے رہے نہ اُدھر کے رہے
نہ خدا ہی مِلا نہ وصالِ صنم، نہ اِدھر کے رہے نہ اُدھر کے رہے
شاعر: مرزا صادق شرر

 

[عرفان سرور]

اسد اُس جفا پر بتوں سے وفاکی
میرے شعر شاباش رحمت خُدا کی

 

[عرفان سرور]

دل مرحوم کو خُدا بخشے
ایک ہی غم گُسار تھا نہ رہا۔۔۔!

 

[عرفان سرور]

کسی رئیس کی محفل کا ذکر ہی کیا امیر
خُدا کے گھر بھی نہ جائیں گے بن بلائے ہوئے۔۔۔!
امیر مینائی

 

[مغزل]

خدا ہم کو ایسی خدائی نہ دے
کہ اپنے سوا کچھ دکھائی نہ دے

 

[مغزل]

خدا ، خدا کے لیے مجھ کو مت کہو لوگو
کسی نے بھی نہ سنا احتجاج پتھر کا !!!!!!
نفیس علی آزر

 

[جاسمن]

اب تو مَیں بھی نظر نہیں آتا
اے خُدا ! کون سی ڈگر آئی ؟

بشیر بدؔر

 

[جاسمن]

خُدا کرے، وہ حقیقت میں ہم کو ہوں حاصل
جنھیں ہم اپنا تصوّر میں مان بیٹھے ہیں

شفیق خلؔش

 

[زیرک]

اب مرے واسطے تریاق ہے الحاد کا زہر
تم کسی اور پجاری کے خدا ہو جانا​