خواب میں محوِ خواب میرے ساتھ ۔ فاتح الدین فاتح

[محمد منیر یونس]

خاکسار کی ایک غزل آپ احباب کی بصارتوں کی نذر:

خواب میں محوِ خواب میرے ساتھ
رات بھر تھے جناب میرے ساتھ

چاند، کرنوں کی رائگانی کا
کر رہا تھا حساب میرے ساتھ

مفلسی، بے کسی، ضعیفی پر
لڑ رہا تھا شباب میرے ساتھ

ایک کچے گھڑے کی آنکھوں میں
رو رہا تھا چناب میرے ساتھ

بر سرِ نوکِ خارِ جاں فاتح
جل رہا تھا گلاب میرے ساتھ

فاتح الدین فاتحؔ​

بہت عمدہ جناب

 

[فاتح]

بہت عمدہ جناب

محبت ہے آپ کی

 

[فاتح]

خوب غزل ہے فاتح صاحب کیا کہنے، لاجواب

آپ کی ذرہ نوازی ہے قبلہ

 

[جاسمن]

چاند، کرنوں کی رائگانی کا
کر رہا تھا حساب میرے ساتھ

بر سرِ نوکِ خارِ جاں فاتح
جل رہا تھا گلاب میرے ساتھ

کیا بات ہے فاتح بھائی! بہت خوب!بہت خوبصورت!
جیتے رہیے!

 

[ظہیراحمدظہیر]

بر سرِ نوکِ خارِ جاں فاتح
جل رہا تھا گلاب میرے ساتھ

اہا !! بہت خوبصورت! کیا نزاکت ہے!! بہت اچھا ہے!

 

[محمد تابش صدیقی]

بہت خوب فاتح بھائی

مفلسی، بے کسی، ضعیفی پر
لڑ رہا تھا شباب میرے ساتھ

ایک کچے گھڑے کی آنکھوں میں
رو رہا تھا چناب میرے ساتھ

اور شکریہ ظہیر بھائی کا، کہ ان کی بدولت آپ کا کلام پڑھنے کا موقع ملا۔

 

[محمداحمد]

واہ

اس اچھی غزل پر مکرر تحسین!

کیا کہنے۔

 

[ایم اے راجا]

واہ واہ بہت خوب بہت عمدہ

 

[فاتح]

کیا بات ہے فاتح بھائی! بہت خوب!بہت خوبسورت!
جیتے رہیے!

بہت شکریہ! یہ تو آپ نے آج گڑے مردے اکھیڑ ڈالے بلکہ یوں کہنا چاہیے کہ مردے میں زندگی پھونک دی۔

 

[فاتح]

اہا !! بہت خوبصورت! کیا نزاکت ہے!! بہت اچھا ہے!

حضور! محبت ہے آپ کی۔

 

[فاتح]

بہت خوب فاتح بھائی


اور شکریہ ظہیر بھائی کا، کہ ان کی بدولت آپ کا کلام پڑھنے کا موقع ملا۔

ممنون ہوں تابش بھائی۔ واقعی اس سے پہلے نہیں پڑھیں میری کاوشات؟

 

[فاتح]

واہ

اس اچھی غزل پر مکرر تحسین!

کیا کہنے۔

شکراً مکرراً یا اخی

 

[فاتح]

واہ واہ بہت خوب بہت عمدہ

پذیرائی پر بہت شکریہ راجا بھائی۔

 

[محمد تابش صدیقی]

ممنون ہوں تابش بھائی۔ واقعی اس سے پہلے نہیں پڑھیں میری کاوشات؟

میں گوشے کھنگالنے کے معاملے میں سست واقع ہوا ہوں۔
ان کے علاوہ ایک دو گزری تھیں نظر سے

 

[ساگر]

لاجواب شاندار واااااہ واااااہ واااااہ

 

[فاتح]

میں گوشے کھنگالنے کے معاملے میں سست واقع ہوا ہوں۔
ان کے علاوہ ایک دو گزری تھیں نظر سے

اس کے لیے ٹیگز کے بادلوں میں جانا نسبتاً آسان ہے۔ مثلاً اس لڑی کے اوپر جو ٹیگز نظر آ رہے ہیں ان میں سے میرے نام کے ٹیگ پر کلک کرنے سے میری اکثر غزلیں آپ کے سامنے آ جائیں گی۔

 

[فاتح]

لاجواب شاندار واااااہ واااااہ واااااہ

بہت شکریہ۔ ممنون ہوں

 

[ادب دوست]

خاکسار کی ایک غزل آپ احباب کی بصارتوں کی نذر:

خواب میں محوِ خواب میرے ساتھ
رات بھر تھے جناب میرے ساتھ

چاند، کرنوں کی رائگانی کا
کر رہا تھا حساب میرے ساتھ

مفلسی، بے کسی، ضعیفی پر
لڑ رہا تھا شباب میرے ساتھ

ایک کچے گھڑے کی آنکھوں میں
رو رہا تھا چناب میرے ساتھ

بر سرِ نوکِ خارِ جاں فاتح
جل رہا تھا گلاب میرے ساتھ

فاتح الدین فاتحؔ​

واہ، واہ فاتح بھائی، بہت خوب خیالات ، بہت بہت داد قبول کیجئے
ایک مختلف لہجے کی غزل ہے ۔

 

[فاتح]

واہ، واہ فاتح بھائی، بہت خوب خیالات ، بہت بہت داد قبول کیجئے
ایک مختلف لہجے کی غزل ہے ۔

محبت ہے حضور! شایدمختلف اس لیے لگا کہ یہ نوجوانی کے عہد کا شاخسانہ ہے۔ محفل کا رکن بننے سے بھی پہلے کی غزل ہے یہ۔

 

[نور وجدان]

صبح سویرے اٹھی اور محفل کھولی ۔ آپ کی تین غزلیں پڑھیں ۔۔ایک سے ایک بڑھ کے تھی ۔ ۔۔ماشاءاللہ