خواب

[سیما علی]

واہ واہ کیا خوب روہڑا ہے سیما اپیا ۔۔۔۔

دوہڑا ہے جس طرح دوہا ہوتا ہے اردو میں
بیت سنسکرت۔
بٹیا۔دوہڑے لکھنے والوں نے اکثر گائکی ہی کو سامنے رکھ کر دوہڑے بنائے

 

[شمشاد]

واہ واہ کیا خوب روہڑا ہے سیما اپیا ۔۔۔۔

واہ واہ تو ایسے کر رہی ہیں جیسے سرائیکی زبان پر عبور حاصل ہے۔

آپ کو سمجھ بھی آئی اس کی؟

 

[سیما علی]

واہ واہ تو ایسے کر رہی ہیں جیسے سرائیکی زبان پر عبور حاصل ہے۔

آپ کو سمجھ بھی آئی اس کی؟

میٹھی زبان کی میٹھاس سمجھ میں آجاتی ہے۔

 

[مومن فرحین]

واہ واہ تو ایسے کر رہی ہیں جیسے سرائیکی زبان پر عبور حاصل ہے۔

آپ کو سمجھ بھی آئی اس کی؟

ظاہر ہے نہیں سمجھ میں آیا ۔۔۔ پر سیما اپیا نے کیا ہے تو یقیناً کوئی اچھا انتخاب ہی ہوگا ۔
اور یہ سرائیکی کون سی زبان ہے ۔۔

 

[مومن فرحین]

میٹھی زبان کی میٹھاس سمجھ میں آجاتی ہے۔

بالکل ۔۔۔۔ یہی بات تھی

 

[وقار علی ذگر]

خوابوں کی دُنیا میں سوئے ہوئے ہم لوگ
جاگے ہوئے ہوں تب بھی آنکھیں نہیں کھلتی

احتشام انور

 

[مومن فرحین]

راتوں کو جاگتے ہیں اسی واسطے ، کہ خواب
دیکھے گا بند آنکھیں تو پھر لوٹ جائے گا

 

[شمشاد]

ظاہر ہے نہیں سمجھ میں آیا ۔۔۔ پر سیما اپیا نے کیا ہے تو یقیناً کوئی اچھا انتخاب ہی ہوگا ۔
اور یہ سرائیکی کون سی زبان ہے ۔۔

یہ لو میں ترجمہ کردیتا ہوں لیکن ظاہر ہے کہ ترجمے میں وہ چاشنی نہیں ہو گی جو سرائیکی زبان میں بیان کی گئی ہے۔

ہاسے (ہنسی) خط لکھ رہے تھے، ہمیں لکھتے لکھتے رات ہو گئی
پھر ایسا ہوا کہ ان آنکھوں سے آنسوؤں کی برسات ہو گئی
ہمیں لکھتے لکھتے نیند آ گئی، ایسے مہربان رب کی ذات ہو گئی
جس سجن کی دید کو ترس رہے تھے، خواب میں اس سے ملاقات ہو گئی

 

[شمشاد]

ظاہر ہے نہیں سمجھ میں آیا ۔۔۔ پر سیما اپیا نے کیا ہے تو یقیناً کوئی اچھا انتخاب ہی ہوگا ۔
اور یہ سرائیکی کون سی زبان ہے ۔۔

سرائیکی زبان پنجابی زبان سے ملتی جلتی ہے۔ اور صوبہ پنجاب کی ہی علاقائی زبان ہے۔ زیادہ تر ملتان کی طرف بولی جاتی ہے۔
پاکستان کے سابق وزیر اعظم یوسف رضا گیلانی اور موجودہ وزیر خارجہ شاہ محمود قریشی کا تعلق بھی ملتان سے ہے۔

 

[مومن فرحین]

اچھا شکریہ ۔۔۔ معلومات میں اضافہ ہوا

 

[وقار علی ذگر]

ہماری آنکھوں کو اب کے ایسے نہ خواب دینا
کہ اگلی نسلوں کو جن کا ہوگا حساب دینا

ہم ایک صحرا سے لوٹ کر آرہے ہیں کشفیؔ
ہماری تشنہ لبی اب نہ سراب دینا

عبدالغفورکشفیؔ​

 

[شمشاد]

تمہارے خواب سے ہر شب لپٹ کے سوتے ہیں
سزائیں بھیج دو ہم نے خطائیں بھیجی ہیں
(گلزار)

 

[مومن فرحین]

وہ خواب تھا بکھر گیا خیال تھا ملا نہیں
مگر یہ دل کو کیا ہوا کیوں بجھ گیا پتا نہیں

افتخار امام صدیقی

 

[شمشاد]

وہ خواب تھا بکھر گیا خیال تھا ملا نہیں
مگر یہ دل کو کیا ہوا یہ کیوں بجھا پتا نہیں

شاعر کا نام کیوں نہیں لکھتیں؟

یہ افتخار امام صدیقی کا کلام ہے۔

دوسرا مصرعہ ایسے ہے
مگر یہ دل کو کیا ہوا کیوں بجھ گیا پتا نہیں

 

[مومن فرحین]

یاد ہی نہیں رہتا ۔

 

[مومن فرحین]

عذاب دے گا تو پھر مجھ کو خواب بھی دیگا
میں مطمئں ہوں میرا دل تیری پناہ میں ہے

پروین

 

[شمشاد]

عذاب دے گا تو پھر مجھ کو خواب بھی دیگا
میں مطمئں ہوں میرا دل تیری پناہ میں ہے

پروین

دوسرے مصرعے میں ٹائپو ہے۔ "مطمئن" ہونا چاہیے۔

 

[شمشاد]

اب میں اردو محفل کی انتظامیہ، خاص کر شعر و سخن والے زمرے کے مدیر سے درخواست کروں گا کہ جو رکن غلط شعر دے، اس کو جرمانہ کیا جائے۔

 

[شمشاد]

ایسا بھی کبھی ہو میں جسے خواب میں دیکھوں
جاگوں تو وہی خواب کی تعبیر بتائے
(مصطفی شہاب)

 

[جاسمن]

بچا لیا تھا خواب جو مسافتوں کی دھوپ سے
وہ ابر و باد منظروں کے درمیان کھو دیا
ایوب خاور