خواب

[جاسمن]

کئی اداؤں نے گدگدایا کئی نگاہوں نے دستکیں دیں
یہ واقعے دل نشیں بہت تھے مگر حقیقت میں خواب نکلے
عقیل نعمانی

 

[جاسمن]

یہ بھی تدبیر ہے اُس شوخ کی تدبیروں میں
میرے ہر خواب کو اُلجھا دیا تعبیروں میں
ڈاکٹر مقصود جعفری

 

[طاہر شیخ]

خواب میں جو کچھ دیکھ رہا ہوں اس کا دکھانا مشکل ہے
آئینے میں پھول کھلا ہے ہاتھ لگانا مشکل ہے
قمر جمیل

 

[جاسمن]

نہیں ہے نرخ کوئی میرے ان اشعار تازہ کا
یہ میرے خواب ہیں خوابوں کی قیمت کون رکھتا ہے
اعتبار ساجد

 

[جاسمن]

گماں گزرتا ہے دنیا کی تیز گامی سے
کہ لوگ خواب بھی دیکھیں گے دوربینوں سے
کاظم حسین کاظم