دریا

[ہما]

اک درد کا پھیلا ہوا صحرا ہو کہ میں ہوں
اک موج میں آیا ہوا دریا ہے کہ تُم ہو
احمد فراز ​

 

[شمشاد]

تنہائی سے گھبرا کے اب آنکھ کناروں سے
دریاؤں کا بہتے رہنا اچھا لگتا ہے
(نزھت عباسی)

 

[راجہ صاحب]

مری آنکھوں کے آگے آئے گا کیا جوش میں دریا
ہمیشہ صورت ساحل ہے یاں‌ آغوش میں دریا

 

[ہما]

کہہ رہا ہے سمندر سے دریا کا سکوت
جتنا جس کا ظرف ہے اُتنا وہ خاموش ہے

 

[ہما]

دل کی خلش تو ساتھ رہے گی تُما م عمر
دریائے غم کے پار اُتر جائیں ہم تو کیا​

 

[راجہ صاحب]

کیا یہ بھی محبت کے تقاضوں میں ہے شامل
دری۔ا میں ن۔ظ۔۔ر آی۔۔ا ت۔۔و صح۔۔را نظ۔۔ر آی۔۔ا

 

[شمشاد]

ڈوب جائیں ہماری سوچیں بھی
سیل دریا نما نہ تھے ایسے
(نزھت عباسی)

 

[ہما]

دریائے اشک چشم سے جس آن بہہ گیا
سُن لیجیو کہ عرش کا ایوان بہہ گیا​

 

[راجہ صاحب]

میں تو صحرا کی تپش، تشنہ لبی بھول گیا
جو مرے ہم نفسوں پر لبِ دریا گزری

 

[نوید صادق]

میرے دریا! میں تری رہ سے بہت گزرا ہوں
تو ہی بہتے ہوئے دھاروں سے نہیں دیکھ سکا

شاعر: اقبال کوثر

 

[راجہ صاحب]

کون کہتا ہے کہ موت آئی تو مر جاؤں‌گا
میں تو دریا ہوں سمندر میں اتر جاؤں‌گا

 

[نوید صادق]

دریا کے دو کناروں کی صورت ہے ان دنوں
یا ضدِ اختلاف ہے ، یا اجتناب ہے

شاعر: سید آلِ احمد

 

[راجہ صاحب]

ہر ستمگر کے مَحبّت بھرے لہجے پہ نہ جا
کبھی صحرا بھی تو دریا کی مانند ملتا ہے

 

[محمداحمد]

کشتیاں کیوں بناتے رہتے ہو
کون دریا کے پار رہتا ہے

 

[راجہ صاحب]

کس سے کہتے اور کیا کہتے کون کسی کی سنتا ہے
بس۔۔تی بس۔۔تی گھ۔وم آئے ہ۔م دری۔۔ا دری۔۔ا پھ۔ر آئے

 

[شمشاد]

دھرتی دھڑک رہی ہے مرے ساتھ ایفریقا
دریا تھرک رہا ہے تو بن دے رہا ہے تال
(فیض)

 

[راجہ صاحب]

دریائے معاصی ُتنک آبی سے ہوا خشک
میرا سرِ دامن بھی ابھی تر نہ ہوا تھا

غالب

 

[شمشاد]

دشمنوں سے ہی اب غمِ دل کا مداوا مانگیں
دوستوں نے تو کوئی بات نہ مانی اپنی

آج پھر چاند افق پر نہیں ابھرا محسن
آج پھر رات نہ گزرے گی سہانی اپنی
(محسن نقوی)

 

[شمشاد]

میری کشتی کو بھلا موج ڈبو سکتی تھی
میں اگر خود نہ شریک کف دریا ہوتا
تجھ پہ کھل جاتی مری روح کی تنہائی بھی
میری آنکھوں میں کبھی جھانک کے دیکھا ہوتا
(ن م راشد)

 

[راجہ صاحب]

ہوئے مر کے ہم جو رُسوا، ہوئے کیوں‌ نہ غرقِ دریا
نہ کبھی جنازہ اُٹھتا، نہ کہیں مزار ہوتا

غالب