دعا

[جاسمن]

ایسے اشعار جن میں لفظ دُعا آتا ہو۔

 

[جاسمن]

مالی نے آج کتنی دعائیں وصول کیں
کچھ پھول اِک فقیر کی جھولی میں ڈال کر

 

[محمد تابش صدیقی]

لب پہ آتی ہے دعا بن کے تمنا میری
زندگی شمع کی صورت ہو خدایا میری

 

[محمد تابش صدیقی]

اللہ رے ان کی شب خیزی وہ ذوقِ عبادت دستِ دعا
اف بخششِ امت کی خاطر بے چین ہے دل آرام نہیں
نظرؔ لکھنوی​

 

[لاریب مرزا]

جب ہاتھ دعا کو اٹھتے ہیں
الفاظ کہیں کھو جاتے ہیں
بس دھیان تمہارا رہتا ہے
اور آنسو سے آ جاتے ہیں
ہر خواب تمہارا پورا ہو
اس رب کی منت کرتے ہیں

ہم ایسی محبت کرتے ہیں
تم کیسی محبت کرتے ہو؟؟

 

[محمد تابش صدیقی]

یہ سکوں کی جنسِ گراں بہا میں بتا نہ دوں تجھے ہے کہاں
ہے ثنائے ربِ جلیل میں ہے دعائے قلبِ گداز میں
نظرؔ لکھنوی​

 

[یاز]

کیفی اعظمی نے درج ذیل دعا اپنی بیٹی اور مشہور اداکارہ شبانہ اعظمی کی سالگرہ کے موقع پر کہی تھی

اب اور کیا ترا بیمار باپ دے گا تجھے
بس اک دعا کہ خدا تجھ کو کامیاب کرے
وہ ٹانک دے ترے آنچل میں چاند اور تارے
تو اپنے واسطے جس کو بھی انتخاب کرے​

 

[یاز]

لازم نہیں ہر ایک دعا مستجاب ہو
ہر آرزو کو آج سے وقفِ دعا نہ کر
(ظہیر کاشمیری)

 

[یوسف سلطان]

مرے غم کی عمر دراز کر ، مرے دردِ دل کو دوام دے
میں دعا بدست ہوں اے خدا ! کوئی خاص شے مجھے عام دے
مشتاق عاجز

 

[مخلص انسان]

وہ بڑا رحیم و کریم ہے مجھے یہ صفت بھی عطا کرے
تجھے بھولنے کی دعا کروں تو میری دعا میں اثر نہ ہو

 

[محمد فہد]

کسی کے قُرب کی خواہش میں روز بڑھتے گئے ​

رکوع........ سجود.......دُعا.... ذِکر.... آہِ نیم شبی​

 

[محمد فہد]

ہے دعا یاد ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ناحرفِ دعا یاد ​

اب کچھ بھی نہیں مجھ کو محبت کے سوا یاد​

 

[ابن رضا]

کیا یہ کم لطف و کرم ہے کہ وہ سن لیتا ہے
میرا ہر حرفِ دعا عرضِ دعا سے پہلے

 

[عباد اللہ]

آئیے ہاتھ اٹھائیں ہم بھی
ہم جنہیں رسمِ دعا یاد نہیں
ہم جنہیں سوزِ محبت کے سوا
کوئی بت کوئی خدا یاد نہیں
آئیے عرض گزاریں کہ نگارِ ہستی
زہرِ امروز میں شیرینئ فردا بھر دو
۔۔۔۔۔۔
۔۔۔۔۔۔
(----الخ)
فیض احمد فیض

 

[عباد اللہ]

شتاب ہو مرے مولا مرادِ دل حاصل
خدا نہ خواستہ جنبش میں آوے دستِ دعا
نامعلوم

 

[زیرک]

تمام عمر سلامت رہیں، دعا ہے یہی
ہمارے سر پہ ہیں جو ہاتھ برکتوں والے

 

[زیرک]

کوئی تو پھول کھلائے دعا کے لہجے میں
عجب طرح کی گھٹن ہے ہوا کے لہجے میں
افتخار عارف

 

[ام اویس]

بخش دیتا ہے وہ خطاؤں کو
ہاتھ اٹھتے ہیں جب دعاؤں کو

دل سے گرتا ہوں جب میں سجدوں میں
دور کرتا ہے سب بلاؤں کو
اتباف ابرک

 

[زیرک]

عمر جاوید کی دعا کرتے
فیضؔ اتنے وہ کب ہمارے تھے

 

[محمد عدنان اکبری نقیبی]

آخر دعا کریں بھی تو کس مدعا کے ساتھ
کیسے زمیں کی بات کہیں آسماں سے ہم

احمد ندیم قاسمی