دعا

[زیرک]

سنا ہے اس کو محبت دعائیں دیتی ہے
جو دل پہ چوٹ تو کھائے مگر گلہ نہ کرے
قتیل شفائی

 

[زیرک]

یہ ہم محبت میں لا تعلق سے ہو رہے ہیں تو دیکھ لینا
دعائیں تو خیر کون دے گا سلام ممکن نہیں رہے گا

 

[زیرک]

لاکھ گِرد اپنے حفاظت کی لکیریں کھینچو
ایک بھی ان میں نہیں ماں کی دعاؤں جیسی

 

[زیرک]

اِس طرح اُس کو لگی شہرِ جدائی کی ہوا
جیسے لگتی ہے کسی ماں کی دُعا شام ڈھلے

 

[زیرک]

دعا کرو کبھی پہلے نشے کا توڑ ملے
دعا کرو کہ مجھے دوسری محبت ہو

 

[زیرک]

اک دعا نے بچا لیا ہے ہمیں
ورنہ کس کس کی بد دعا ہے ہمیں
سلیم کوثر

 

[زیرک]

میں وہ درویشِ دعا گو ہوں کہ سب حرفِ دعا
آئیں ہونٹوں پہ تو تسبیح کے دانے ہو جائیں
سلیم کوثر

 

[زیرک]

لوٹ آئی ہے تو آ! سینے سے لگ
اے دعائے رائیگاں، خوش آمدید​

 

[زیرک]

دعائیں یاد کرا دی گئی تھیں بچپن میں
سو زخم کھاتے رہے اور دعا دئیے گئے ہم​

 

[لاریب مرزا]

ہوتی نہیں قبول دعا ترکِ عشق کی
دل چاہتا نہ ہو تو زباں میں اثر کہاں

حالی

 

[زیرک]

کہاں اب دعاؤں کی برکتیں، وہ نصیحتیں وہ ہدایتیں
یہ مطالبوں کا خلوص ہے، یہ ضرورتوں کا سلام ہے​

 

[زیرک]

نماز پڑھ کے دعا کی، مزید کیا کرتے
تِرے فراق میں ہم اور عید کیا کرتے​

 

[زیرک]

اتنا بھی اندھیرا نہ بڑھاؤ کہ کسی روز
بجھ جائے چراغوں کی طرح حرفِ دعا بھی
امید فاضلی​

 

[زیرک]

آج جمیل الدین عالی جی کا یومِ وفات ہے، مرحوم کے ایصالِ ثواب کیلئے دعا کیجئے گا۔

اب ایسی حیرت و وارفتگی کو کیا کہیے
دعا کو ہاتھ اٹھائے، اٹھا کے بھول گیا​

 

[زیرک]

کیوں وہ بے سمت ہوا، جب میں نے
اس کے بازو پہ دعا باندھی تھی​

آج خوشبو اور نازک احساسات کی ترجمان پروین شاکر کا جنم دن ہے

 

[زیرک]

زخم کھا کر تو دعائیں نہیں دے سکتا میں
معذرت! مجھ سے اداکاری نہیں ہوتی ہے
میثم علی آغا​

 

[زیرک]

لگے ہوئے ہو مجھے بھلانے کی کوششوں میں
مِری دعا ہے، خدا تجھ کو کامیاب کرے​

 

[زیرک]

وہ لطف، وہ احساں کر، اے چرخ! مِرے ساتھ
دوں میں بھی دعا تجھ کو مرا دل بھی دعا دے​

 

[زیرک]

مانا کہ دوا اور دعا دونوں نہیں ہیں
اس شہر میں کیا درد سنا بھی نہیں جاتا​

 

[عبدالرحمن آزاد]

دعا میں ذکر کیوں ہو مدعا کا
کہ یہ شیوہ نہیں اہل رضا کا
حسرت موہانی