دل کی بات شعر کے ساتھ

[غ۔ن۔غ]

​

تجھ کو پایا تو چاک سی لیں گے​

غم بھی امرت سمجھ کے پی لیں گے​

ورنہ یوں ہے کہ دامن ِ دل میں​

چند سانسیں ہیں، گن کے جی لیں گے​

 

[مہ جبین]

ذکر اس پری وش کا اور پھر بیاں اپنا
بن گیا رقیب آخر تھا جو رازداں اپنا
غالب

 

[صائمہ شاہ]

میں پوچھ لوں کہ کیا ہے میرا جبر و اختیار
یا رب ! یہ مسئلہ کبھی آغاز سے اٹھا

 

[کاشف اکرم وارثی]

رھتا تھا سامنے تیرا چہرہ کھلا ھوا​

پڑھتا تھا میں کتاب یہی ھر کلاس میں​

کانٹوں کی باڑ پھاند گیا تھا مگر شکیب​

رستہ نہ مل سکا مجہے پھولوں کی باس میں​

 

[فاتح]

اوہ میرے خد! یہ تو اب دیکھا کہ گذشتہ شب نیند کے غلبے کے باعث میں اشعار پر پسندیدگی کی بجائے نا پسندیدگی کا بٹن دباتا رہا ہوں۔
@غ۔ن۔غ، مہ جبین اور صائمہ شاہ صاحبات سے معذرت خواہ ہوں۔

 

[مہ جبین]

اوہ میرے خد! یہ تو اب دیکھا کہ گذشتہ شب نیند کے غلبے کے باعث میں اشعار پر پسندیدگی کی بجائے نا پسندیدگی کا بٹن دباتا رہا ہوں۔
@غ۔ن۔غ، مہ جبین اور صائمہ شاہ صاحبات سے معذرت خواہ ہوں۔

کوئی بات نہیں بھائی، معذرت کی ضرورت نہیں

 

[مہ جبین]

یوم پاکستان کے موقع پر اپنے ہم وطنوں کے نام :۔
دے ولولہء شوق جسے لذت پرواز
؎کرسکتا ہے وہ ذرہ مہ و مہر کو تاراج
مشکل نہیں یاران چمن!معرکہء باز
پر سوز اگر ہو نفس سینہء دراج
ناوک ہے مسلماں ہدف اسکا ہے ثریا
ہے سر سرا پردہءجاں نکتہء معراج
تو معنیء " والنجم "نہ سمجھا تو عجب کیا
ہے تیرا مدو جزر ابھی چاند کا محتاج
اقبال

 

[زبیر مرزا]

عجیب حبس کا موسم هے دل کے آنگن میں
ترس گئے ہیں تیرے ساتهہ گفتگو کے لیے

 

[امیداورمحبت]

ترے بغیر کسی چیز کی کمی تو نہیں
ترے بغیر طبیعت اداس رہتی ہے

(عدم)

 

[مہ جبین]

لوگو یہ نفرتوں کے شرارے سمیٹ لو
اس آگ سے ڈرو جو ابھی تک لگی نہیں
حزیں صدیقی

 

[کاشفی]

چھوڑ کر رنج اپنے مٹنے کا
منتظر ہوں اب اُن کے پٹنے کا
(اکبر الہ آبادی)

 

[کاشف اکرم وارثی]

بچھڑتے وقت اُن آنکھوں میں تھی ہماری غزل

غزل بھی وہ جو کسی کو کبھی سنائی نہ تھی۔۔۔۔۔​

 

[زبیر مرزا]

کوئی دن گر زندگانی اور ہے
اپنے جی میں ہم نے ٹھانی اور ہے
ہو چکیں غالب بلائیں سب تمام
ایک مرگِ ناگہانی اور ہے

 

[مہ جبین]

اک روئے دلفریب و دلآرا ہے زندگی
اک اور زندگی کا اشارہ ہے زندگی
یا میری چشم مست کا دھوکہ ہے زندگی
اے رب ذوالجلال بتا کیا ہے زندگی۔۔!
منیر نیازی

 

[صائمہ شاہ]

آو پھ۔ر۔۔۔۔ حلق میں۔۔۔۔۔۔۔۔ ٹوٹا ہوا نشتر کھینچیں
دل سے ممکن ہے کوئی حرف زباں تک پہنچے
آو پھر غور کریں۔۔۔۔۔۔۔۔۔۔۔۔۔ ہم کہ سر مقتل جاں
شوق دلداری جاناں میں۔۔۔۔۔۔ کہاں تک پہنچے

 

[زبیر مرزا]

یوں تو کہنے کو بہت لوگ شناسا میرے​

کہاں لے جاؤں تجھے اے دلِ تنہا میرے​

وہی محدود سا حلقہ ہے شناسائی کا​

یہی احباب مرے ہیں، یہی اعدا میرے​

​

احمد فراز​

 

[مہ جبین]

میری ساری زندگی کو بے ثمر اس نے کیا
عمر میری تھی مگر اسکو بسر اس نے کیا
منیر نیازی

 

[کاشفی]

طالبِ دُنیا کو اکبر کس طرح سمجھوں میں خضر
خود جو گم ہے فکر میں، وہ رہنما کیوں کر ہوا
(اکبر الہ آبادی)

 

[کاشفی]

مسجدیں چھوڑ کے جا بیٹھے ہیں مے خانوں میں
واہ کیا جوشِ ترقی ہے مسلمانوں میں

شیخ جی آپ کو اللہ سلامت رکھے
آپ کا دم بھی غنیمت ہے مسلمانوں میں

نام اللہ و رسول اب تو میں کم سنتا ہوں
پہلے رائج تھے یہ الفاظ مسلمانوں میں
(اکبر الہ آبادی)

 

[کاشفی]

نہیں ٹلتا، ہزار اسے ٹالو
عشق رہتا ہی ہے شباب کے گرد
(اکبر الہ آبادی)