دل کے موضوع پر اشعار!

[عبدالرحمن آزاد]

کبھی آنکھوں پہ کبھی سر پہ بٹھائے رکھنا
زندگی تلخ سہی، دل سے لگائے رکھنا
بخش لائلپوری

 

[عبدالرحمن آزاد]

اے دل بتا ذرا مجھے
تو نے کیا ہے پیار کیوں

 

[عبدالرحمن آزاد]

محبت کے ساغر چھلکنے لگے ہیں
وہ دل بن کے دل میں دھڑکنے لگے ہیں
ابراھیم اشک

 

[زیرک]

راتوں کو بھٹکنے کی دیتا ہے سزا مجھ کو
دشوار ہے پہلو میں، دل تیرے بِنا رکھنا
قتیل شفائی​

 

[لاريب اخلاص]

چل ساتھ کہ حسرت دلِ محروم سے نکلے
عاشق کا جنازہ ہے ذرا دُھوم سے نکلے
فدوی لاہوری

 

[زیرک]

دل میں کہرام سا مچا ہوا ہے
کسی خواہش نے خودکشی کر لی
ناز مظفرآبادی​

 

[زیرک]

یاد آتا ہے، اسے جب بھی بھلانا چاہوں
دل کا دروازہ ''مقفل'' نہیں ہونے دیتا
ناز مظفرآبادی​

 

[طاہر شیخ]

دشمنی لاکھ سہی ختم نہ کیجے رشتہ
دل ملے یا نہ ملے ہاتھ ملاتے رہئے

ندا فاضلی

 

[جاسمن]

اسی کے نام سے ہر وقت میرا دل دھڑکتا ہے
میں زندہ اس لیے ہوں کہ مرا دل دار زندہ ہے

ارم زہرا

 

[جاسمن]

تو نے اے سنگ دلی! آج جسے دیکھا ہے
ہم اسے دیکھ کے دل تھام لیا کرتے تھے
نجیب احمد

 

[فیصل عظیم فیصل]

دل تو کہتا ہے کہ ہر روز یہاں آبیٹھوں
ہائے مجبوری حالات مجھے روکے ہے

 

[ایس ایس ساگر]

شام سے کچھ بجھا سا رہتا ہوں
دل ہوا ہے چراغ مفلس کا

(میر تقی میر)

 

[ایس ایس ساگر]

دل کی ویرانی کا کیا مذکور ہے
یہ نگر سو مرتبہ لوٹا گیا
(میر تقی میر)

 

[سیما علی]

اسی کے نام سے ہر وقت میرا دل دھڑکتا ہے
میں زندہ اس لیے ہوں کہ مرا دل دار زندہ ہے

ارم زہرا

مصور نے تو ساری دل کشی تصویر میں بھر دی
رہے گا فن سلامت جب تلک فن کار زندہ ہے

 

[سیما علی]

تو نے اے سنگ دلی! آج جسے دیکھا ہے
ہم اسے دیکھ کے دل تھام لیا کرتے تھے
نجیب احمد

ہمارا دل کسی جاگیر سے نہیں ارزاں
ہم اس کے سامنے مال و منال کیا رکھتے

 

[سیما علی]

جو اپنے دل سے ارمؔ کو نکال بیٹھا ہے!!!
ہم اس کے سامنے ہجر و وصال کیا رکھتے

 

[سیما علی]

دل کے دروازے پہ جب بھی یاد کی دستک ہوئی
میں تصور میں جگر اپنا رفو کرتی رہی۔۔۔۔۔۔۔۔

 

[سیما علی]

گور کس دل جلے کی ہے یہ فلک
شعلہ اک صبح یاں سے اٹھتا ہے

 

[سیما علی]

یہی دل تھا کہ ترستا تھا مراسم کے لئے
اب یہی ترکِ تعلق کے بہانے مانگے!!

 

[سیما علی]

وہ دل میں کھبنے والی آنکھیں کیا ہوئیں
وہ ہونٹ مسکرانے والے کیا ہوئے