دل

[گرو جی]

میں اس کی یاد کو دل سے بھلاؤں کیسے
اس کی یادکے ہر اک نقش کو مٹاؤں کیسے
جسے میں جی جاں سے چاہتا ہوں اے ظفر
وہ نہ مانےاس کو، تو اسے یہ بتاؤں کیسے

 

[راجہ صاحب]

دل سے اُس کی طغیانی نے درد کی سہل سرکائی تھی
کیا کیا آنکھوں سے برسی تھی آنسو ایسی اِک لڑکی

 

[گرو جی]

وہ دل ہی کیا جو تیرے جینے کی دعا نہ کرے
میں‌تجھ سے بچھڑ کر زندہ رہوں خدا نہ کرے

 

[راجہ صاحب]

وہ دل ہی کیا جو تیرے جینے کی دعا نہ کرے
میں‌تجھ سے بچھڑ کر زندہ رہوں خدا نہ کرے

گرو جی اصل شعر شاید کچھ یوں ہے

وہ دل ہی کیا جو تیرے ملنے کی دعا نا کرے
میں‌تجھ کو بھول کر زندہ رہوں خدا نا کرے

قتیل شفائی

 

[شمشاد]

دل کی بات چھپانی مشکل، لیکن خوب چھپاتے ہو
بن میں دانا، شہر کے اندر دیوانے کہلاتے ہو
(ابن انشاء)

 

[راجہ صاحب]

مجبور براہین و دلائل نہ ہوا تھا
دل اپنا کسی بات پہ قائل نہ ہوا تھا

 

[شمشاد]

دم غسل سے مرے پیشتر، اسے ہمدموں نے یہ سوچ کر
کہیں جائے اس کا نہ دل دہل، میری لاش پر سے ہٹا دیا
(بہادر شاہ ظفر)

 

[تیشہ]

اُلجھن تمام عمر یہ تار ِنفس میں تھی
دِل کی مُراد عاشقی میں یا ہوس میں تھی

در تھا کھلا،پہ بیٹھے رہے پرَ سمیٹ کر
کرتے بھی کیا کہ جائے اماں ہی قفس میں تھی

سکتے میں سب چراغ تھے ،تارے تھے دم بخود
میں اُس کے اختیار میں، وہ میرے بس میں تھی

اب کے بھی ہے ،جمی ہوئی آنکھوں کے سامنے
خوابوں کی ایک دُھند جو پیچھلے برس میں تھی

کل شب تو اس کی بزم میں ایسے لگا مجھے
جیسے کائنات مری دسترس میں تھی ، ،،

 

[شمشاد]

لے گیا چھین کے کون تیرا صبر و قرار
بے قراری تجھے اے دل کبھی ایسی تو نہ تھی
(بہادر شاہ ظفر)

 

[راجہ صاحب]

نہ گئی تیرے غم کی سرداری
دل میں یوں روز انقلاب آئے
(فیض)

 

[گرو جی]

نعت شریف کا ایک شعر آپ کی سماعتوں‌کی نظر

دل میں ہو یاد تیری گوشہ تنہائی ہو
پھر تو خلوت میں عجب انجمن آرائی ہو

آج جو عیب کسی پر نہیں‌کھلنے دیتے
کب وہ چاہیں گے میری حشر میں رسوائی ہو

کبھی ایسا نہ ہوا ان کہ کرم کے صدقے
جھولی کے پھہلنے سے پہلے نہ بھیک آئی ہو

 

[راجہ صاحب]

جزاک اللہ

بہت خوب گرو

 

[گرو جی]

شکریہ آپ کا

 

[راجہ صاحب]

دیا ہے دل اگر اس کو، بشر ہے، کیا کہیے
ہوا رقیب تو ہو، نامہ بر ہے کیا کہیے
(غالب)

 

[شمشاد]

زرد رُتوں میں تیرا دل بہلائے گی
چڑیا کوئی روشندان میں رکھا کر

 

[راجہ صاحب]

دل دھڑکنے کا سبب یاد آیا
وہ تیری یاد تھی اب یاد آیا

 

[شمشاد]

جو خلش ہو دل کو سکوں ملے ، جو تپش ہو سوز دروں ملے
وہ حیات اصل میں کچھ نہیں ، جو حیات غم سے بری رہی
(سید نصیر الدین نصیر)

 

[راجہ صاحب]

وفا کیسی کہاں کا عشق جب سر پھوڑنا ٹھہرا
تو پھر اے سنگ ِدل تیرا ہی سنگِ آستاں کیوں ہو ،،

 

[شمشاد]

آ گئی تھی دلِ مضطر میں شکیبائی سی
بج رہی تھی میرے غم خانے میں شہنائی سی

 

[تیشہ]

ہم کہ ٹھہرے اجنبی اتنی ملاقاتوں کے بعد
پھر بنیں گے آشنا کتنی مدارتوں کے بعد

دل تو چاہا پر شکست ِدل نے مہلت ہی نہ دی
کچھ گلے ِشکوے بھی کرلیتے مناجاتوں کے بعد