دوسری شادی کیلئے پہلی بیوی سے اجازت ضروری نہیں : چیئرمین اسلامی نظریہ کونسل

[لئیق احمد]

اسلام آباد ( وقائع نگار خصوصی + نیوز ایجنسیاں) اسلامی نظریہ کونسل نے کہا ہے کہ مرد کو دوسری شادی کے لئے پہلی بیوی سے اجازت لینا لازمی نہیں عائلی قوانین 1961ء کی اس شق کو غیر شرعی قرار دیا گیا جس کے تحت شادی کے لئے پہلی بیوی سے اجازت لینے کا پابند بنایا گیا ہے۔ اسلامی کونسل کا اجلاس مولانا محمد خان شیرانی کی صدارت میں ہوا۔ مولانا شیرانی نے کہا کہ شریعت نے شوہر کو اس بات کا پابند بنایا ہے کہ وہ تمام بیویوں سے عدل و انصاف کرے اور یکساں سلوک روا رکھے۔ آن لائن کے مطابق کونسل نے سود سمیت دیگر اسلامی احکامات کے کیسز کی جلد سماعت کیلئے چیف جسٹس آف پاکستان اور وفاقی شرعی عدالت کو خط لکھنے کا اصولی فیصلہ کرلیا، چیئرمین محمد خان شیرانی نے حکومت طالبان مذاکرات کو سیاسی مسئلہ قرار دیتے ہوئے کہا ہے کہ کونسل کا اس سے کوئی تعلق نہیں، ایک سے زائد شادیوں کا قانون سہل اور نکاح، طلاق، بلوغت و میراث پر قانون سازی کی اشد ضرورت ہے، اسلامی نظریاتی کونسل کا اجلاس آج پھر ہوگا، حدود و قصاص قوانین کی تشکیل کیلئے خواتین ماہرین کی آراء ،تحفظ پاکستان آرڈیننس سمیت دیگر معاملات کا جائزہ لیا جائیگا۔ اجلاس میں تحفظ پاکستان آرڈیننس، آزاد کشمیر اسلامی نظریاتی کونسل کی حدود و قصاص قوانین کی تشکیل میں خواتین کی آراء شامل کرنے کیلئے خواتین ماہر قانون سے بھی مشاورت سمیت دیگر امور بھی زیر بحث آئینگے اور مفصل بحث کے بعد اسلامی نظریاتی کونسل ان معاملات پر اپنی سفارشات مرتب کریگی۔
http://www.nawaiwaqt.com.pk/national/11-Mar-2014/287720

 

[x boy]

دوسری شادی کیلئے پہلی بیوی سے اجازت غیر ضروری قرار دیدی گئی
10 مارچ 2014 (21:25)

اسلام آباد ( مانیٹرنگ ڈیسک)اسلا،می نظریاتی کونسل نے دوسری شادی کے لئے پہلی بیوی سے اجازت غیر ضروری قراردیدی ہے اور پاکستان کے عائلی قوانین مجریہ 1961ءکی دفعہ 6 باطل قراردیتے ہوئے ختم کرنے کی تجویز پیش کردی ہے۔ اسلامی نظریاتی کونسل کے سربراہ مولانا محمد خان شیرانی کے زیر صدارت اجلاس میں 1961ءکے عائلی قوانین کا جائزہ لیا گیا جس میں محمد خان شیرانی کا کہنا تھا کہ 1961ءکے عائلی قوانین میں کئی شقیں خلاف شریعت ہیں۔ شریعت میں ایک سے زائد شادیوں کا طریقہ کار اور احکامات موجود ہیں۔ کونسل نے عائلی قوانین 1961ءکی دفعہ 6 کو غیر آئینی قرار دیتے ہوئے کہا کہ دوسری شادی کے لئے پہلی بیوی سے اجازت کی ضرورت نہیں تاہم دوسری شادی کی صورت میں دونوں بیویوں کے درمیان عدل قائم کرنا ہوگا جس کے احکامات قرآن و سنت میں موجود ہیں۔ اسلامی نظریاتی کونسل نے ملک میں مختلف انداز سے اور مالیاتی اداروں میں رائج سودی نظام جاری رہنے پر بھی تنقید کی ۔ کونسل نے سپریم کورٹ کو ایک خط لکھنے کا بھی فیصلہ کیا ہے جس میں سود سے متعلق مقدمات جلد نمٹانے کے لئے کہا جائے گا۔

 

[یوسف-2]

جنہیں دوسری شادی کرنی ہوتی ہے، وہ پہلی بیوی سے اجازت ملنے کے محتاج ہی نہیں ہوتے۔ اور اگر کوئی بیوی بلا اجازت دوسری شادی کرنے پر شوہر کو قانونی کاروائی کی دھمکی دے تو اسے بیک ڈیٹ پر مطلقہ بنانے کی جوابی دھمکی کا سامنا کرنا پڑتا ہے۔ اگر کوئی عورت اللہ کے قانون کے خلاف ورزی کرتے ہوئے ملکی قانون کا سہارا لے تو آخرت میں اس کے ساتھ جو ہوگا سو ہوگا، اسی دنیا میں وہ ”بے گھر“ ہوجاتی ہے۔

اسلامی نظریاتی کونسل جو مرضی چاہے کرتی رہے۔ ٹُن پارلیمنٹ اراکین لاجز میں مجرے دیکھتے ہوئے ایسی تمام اسلامی سفارشات کو اور دوسری شادی کے خواہشمند اس ملکی قانون اپنے پاؤں تلے روندتے رہیں گے۔ رہے نام اللہ کا

 

[x boy]

بہت اچھی خبر ہے ویسے بھی آج کل مردوں کو ایک سے فرصت نہیں ملتی ، وہ تو کب کا سوچ چکا ہوگا کہ دوسری شادی مطلب اپنے لئے بدسکونی ہوگی۔

 

[لئیق احمد]

کویت میں دوسری شادی عام سی بات ہے۔ بلکہ میرے سامنے ایک بیوی خود اپنے شوہر کو دوسری شادی کے لئے راضی کر رہی تھی مگر شوہر مان نہیں رہا تھا۔ بیوی نے یہ بھی یقین دلایا کہ وہ اپنی سوتن کے ساتھ بہنوں کی طرح رہے گی۔
مگر میں نے بڑے بڑے امیر کویتیوں کو دو شادیوں کی وجہ سے سر پیٹتے (محاورۃً ) بھی دیکھا ہے۔

 

[سعود الحسن]

ارے ان سے دستور پاکستان کا آرٹیکل 11 کیسے نظرانداز ہوگیا ، جس کی رو سے پاکستان میں غلامی کو ممنوع قرار دیا گیا ہے؟

 

[محمداحمد]

کویت میں دوسری شادی عام سی بات ہے۔ بلکہ میرے سامنے ایک بیوی خود اپنے شوہر کو دوسری شادی کے لئے راضی کر رہی تھی مگر شوہر مان نہیں رہا تھا۔ بیوی نے یہ بھی یقین دلایا کہ وہ اپنی سوتن کے ساتھ بہنوں کی طرح رہے گی۔
مگر میں نے بڑے بڑے امیر کویتیوں کو دو شادیوں کی وجہ سے سر پیٹتے (محاورۃً ) بھی دیکھا ہے۔

اس اصرار کے پیچھے کیا محرکات تھے؟

 

[شمشاد]

دوسری شادی کے لیے پہلی بیوی سے اجازت لینا ضروری نہیں ہے۔ ہاں دنیاوی قانون کے مطابق جیسے جی چاہے قانون بنا لیں۔

اسلامی نقطہ نظر سے دوسری شادی کے لیے جو شرائط ہیں، اگر مرد ان پر پورا اترتا ہے اور دوسری شادی کا خواہشمند بھی ہے تو پہلی بیوی کی اجازت کے بغیر دوسری شادی کر سکتا ہے۔

 

[محمداحمد]

دوسری کے لئے پہلی سے اجازت
تیسری کے لئے پہلی اور دوسری سے
اور چوتھی کے لئے پہلی، دوسری اور تیسری سے۔

یعنی گیمز کی طرح ہر آنے والا راؤنڈ پہلے سے زیادہ مشکل۔


ویسے یہاں بھی وہی قانون لگے گا غالباً کہ جو گرجتے ہیں وہ برستے نہیں۔ یعنی جو اجازت مانگتے ہیں وہ شادی نہیں کرتے اور راست معکوس (vice versa) ۔۔۔۔۔

 

[لئیق احمد]

ارے ان سے دستور پاکستان کا آرٹیکل 11 کیسے نظرانداز ہوگیا ، جس کی رو سے پاکستان میں غلامی کو ممنوع قرار دیا گیا ہے؟

تو کیا آپ کی رائے میں اسلام ایک آزاد مسلمان کو غلام بنانے کی اجازت دیتا ہے؟

 

[لئیق احمد]

اس اصرار کے پیچھے کیا محرکات تھے؟

اس کا مجھے علم نہیں ہوسکا ، اور پوچھنا میں نے مناسب نہیں سمجھا انکا ذاتی معاملہ ہونے کی وجہ سے۔ البتہ یہ تبصرہ میں نے ضرور کیا تھا کہ میں نے زندگی میں ایسی پہلی خاتون دیکھی ہے جو اپنے شوہر کی دوسری شادی کرانے کی خواہش مند ہے۔

 

[محمود احمد غزنوی]

اس کا مجھے علم نہیں ہوسکا ، اور پوچھنا میں نے مناسب نہیں سمجھا انکا ذاتی معاملہ ہونے کی وجہ سے۔ البتہ یہ تبصرہ میں نے ضرور کیا تھا کہ میں نے زندگی میں ایسی پہلی خاتون دیکھی ہے جو اپنے شوہر کی دوسری شادی کرانے کی خواہش مند ہے۔

اسی سے اندازہ لگالیں کہ وہ خاتون اپنے شوہر سے کس قدر تنگ آچکی ہوگی۔۔۔۔
خلیفہ بغداد کے پاس کچھ لوگ ایک گورنر کی شکایت لیکر ائے کہ اسے تبدیل کردیا جائے بہت ظالم اور برا آدمی ہے، لیکن خلیفہ نے یہ کہہ کر انکی درخواست مسترد کردی کہ گویا تم مجھ پر الزام لگا رہے ہو کہ میں نے ایک نا اہل شخص کو چنا۔۔ دوسری مرتبہ ان لوگوں نے اپنا ایک سمجھدار نمائندہ دربار میں بھیجا جس نے جاکر خلیفہ سے درخواست کی کہ گورنر کو کسی اور علاقے میں بھیج دیا جائے۔خلیفہ نے کہا کہ وہ تو اتنا عمدہ حکمران ہے، آدمی نے فورا کہا کہ لازم ہے کہ دوسرے علاقوں کو بھی ایسے عمدہ حکمران کی برکات سے فیضیاب کیا جائے، تا۔کہ کوئی محروم نہ رہ جائے۔۔۔۔۔خلیفہ بہت ہنسا اور درخواست قبول کرلی۔

 

[سعود الحسن]

تو کیا آپ کی رائے میں اسلام ایک آزاد مسلمان کو غلام بنانے کی اجازت دیتا ہے؟

میری کہاں، ہاں یہ نام نہاد سیاسی علما جو نظریاتی کونسل میں بیٹھے ہیں اس پر متفق ہیں۔ آپ میرا سلطان تو دیکھ ہی رہے ہونگے؟

یہ لنک بھی پڑھیے

 

[شمشاد]

یہ واقعہ یہاں بھی پیش آ چکا ہے کہ ایک خاتون اپنے خاوند کی دوسری شادی کروائی، پھر دونوں نے ملکر اس کی تیسری شادی بھی کروائی۔

 

[ساقی۔]

اس اصرار کے پیچھے کیا محرکات تھے؟

ہو سکتا ہے وہ پرکھ رہی ہو کہ میاں جی مستقبل کے ارادے کیا ہیں۔
ہوسکتا ہے میاں "اچھا جی اچھا جی "کی گردان کیے رکھتا ہو۔ اور بیوی یہ سمجھتی ہو کہ کہاں آ کر پھنس گئی ہوں۔ کچھ" ہلچل" ہونی چاہی لائف میں۔
یا یہ کہ میاں جی تو پھیلتے ہی جاتے ہیں ان کو سمارٹ کرنے کا یہی ایک طریقہ سوجھا ہو بیگم کو۔

ہونے کو تو بہت سے محرکات ہو سکتے ہیں ۔ مگر یہ زیادہ اہم ہیں ۔

(منجانب: اڑتی خبریں ڈاٹ کام)

 

[لئیق احمد]

میری کہاں، ہاں یہ نام نہاد سیاسی علما جو نظریاتی کونسل میں بیٹھے ہیں اس پر متفق ہیں۔ آپ میرا سلطان تو دیکھ ہی رہے ہونگے؟

یہ لنک بھی پڑھیے

میں تاریخ کو فلموں، ڈراموں اور ناولوں سے جاننے کا قائل نہیں، میں میرا سلطان بھی نہیں دیکھتا۔
آپ کے پاس کوئی حوالہ ہے کہ جو سیاسی علماء اسلامی نظریاتی کونسل میں بیٹھے ہیں وہ آزاد مسلمان کو غلام بنانے کی اجازت کے قائل ہیں۔؟

 

[لئیق احمد]

اسی سے اندازہ لگالیں کہ وہ خاتون اپنے شوہر سے کس قدر تنگ آچکی ہوگی۔۔۔ ۔
خلیفہ بغداد کے پاس کچھ لوگ ایک گورنر کی شکایت لیکر ائے کہ اسے تبدیل کردیا جائے بہت ظالم اور برا آدمی ہے، لیکن خلیفہ نے یہ کہہ کر انکی درخواست مسترد کردی کہ گویا تم مجھ پر الزام لگا رہے ہو کہ میں نے ایک نا اہل شخص کو چنا۔۔ دوسری مرتبہ ان لوگوں نے اپنا ایک سمجھدار نمائندہ دربار میں بھیجا جس نے جاکر خلیفہ سے درخواست کی کہ گورنر کو کسی اور علاقے میں بھیج دیا جائے۔خلیفہ نے کہا کہ وہ تو اتنا عمدہ حکمران ہے، آدمی نے فارا کہا کہ لازم ہے کہ دوسرے علاقوں کو بھی ایسے عمدہ حکمران کی برکات سے فیضیاب کیا جائے۔۔۔ خلیفہ بہت ہنسا اور درخواست قبول کرلی۔

ان دونوں میاں بیوی کی باتوں سے نہیں لگتا تھا کہ انکے درمیان کوئی سنجیدہ اختلاف ہے۔ باقی اللہ بہتر جانتا ہے۔

 

[محمداحمد]

ہو سکتا ہے وہ پرکھ رہی ہو کہ میاں جی مستقبل کے ارادے کیا ہیں۔
ہوسکتا ہے میاں "اچھا جی اچھا جی "کی گردان کیے رکھتا ہو۔ اور بیوی یہ سمجھتی ہو کہ کہاں آ کر پھنس گئی ہوں۔ کچھ" ہلچل" ہونی چاہی لائف میں۔
یا یہ کہ میاں جی تو پھیلتے ہی جاتے ہیں ان کو سمارٹ کرنے کا یہی ایک طریقہ سوجھا ہو بیگم کو۔

ہونے کو تو بہت سے محرکات ہو سکتے ہیں ۔ مگر یہ زیادہ اہم ہیں ۔

(منجانب: اڑتی خبریں ڈاٹ کام)

ہاہاہاہاہا۔۔۔۔

یعنی دل میں کچھ اس قسم کی بات تھی "ایک بار ہاں تو کہہ کہ دیکھ۔۔۔۔۔"

 

[سعود الحسن]

میں تاریخ کو فلموں، ڈراموں اور ناولوں سے جاننے کا قائل نہیں، میں میرا سلطان بھی نہیں دیکھتا۔
آپ کے پاس کوئی حوالہ ہے کہ جو سیاسی علماء اسلامی نظریاتی کونسل میں بیٹھے ہیں وہ آزاد مسلمان کو غلام بنانے کی اجازت کے قائل ہیں۔؟

حضرت تھوڑی محنت کرکے وہ لنک پڑھ لیجیے جو میں نے دیا ہے ، محفل میں اس حوالے سے کافی بحثیں ہو چکی ہیں، جو لنک میں نے دیا ہے اس میں بھی ایک بحث یہ ہے کہ قرآن اور حدیث کی رو سے غلام عورتیں (کنیزیں) سے مسلمان مرد مالک بغیر نکاح کے بھی تعلق رکھ سکتا ہے

مزید یہ کہ اقبال کے اس شعر کی تشریح کیجیے

ایک ہی صف میں کھڑے ہو گئے محمود و ایاز
نہ کوئی بندہ رہا نہ کوئی بندہ نواز

 

[لئیق احمد]

حضرت تھوڑی محنت کرکے وہ لنک پڑھ لیجیے جو میں نے دیا ہے ، محفل میں اس حوالے سے کافی بحثیں ہو چکی ہیں، جو لنک میں نے دیا ہے اس میں بھی ایک بحث یہ ہے کہ قرآن اور حدیث کی رو سے غلام عورتیں (کنیزیں) سے مسلمان مرد مالک بغیر نکاح کے بھی تعلق رکھ سکتا ہے

مزید یہ کہ اقبال کے اس شعر کی تشریح کیجیے

ایک ہی صف میں کھڑے ہو گئے محمود و ایاز
نہ کوئی بندہ رہا نہ کوئی بندہ نواز

وہ لنک میں نے دیکھ لیا۔ اس لنک میں کنیزوں کے ساتھ جنسی تعلق کا ذکر ہے۔ مگر میرا سوال یہ نہیں تھا۔
آپ نے میرے سوال کا جواب نہیں دیا۔ میرا سوال یہ تھا " کیا اسلام آزاد مسلمان کو غلام بنانے کی اجازت دیتا ہے؟

تو کیا آپ کی رائے میں اسلام ایک آزاد مسلمان کو غلام بنانے کی اجازت دیتا ہے؟

اور

آپ کے پاس کوئی حوالہ ہے کہ جو سیاسی علماء اسلامی نظریاتی کونسل میں بیٹھے ہیں وہ آزاد مسلمان کو غلام بنانے کی اجازت کے قائل ہیں۔؟