arifkarim
معطل
قیمت اتنی زیادہ بھی نہ رکھیں کہ فانٹ ناقابل فروخت ہو کر سرد خانے میں پڑا رہے۔
دہلوی نستعلیق
- صاحب لڑی ناظم رضا مصباحی
- تاریخ ابتداء
متلاشی
محفلین
اگر آپ اس کا کوئی بہترین قابلِ عمل حل بتا سکیں کہ ہمیں ہمارا حقِ محنت بھی مل جائے اور فونٹ بھی ریلیز ہو جائے تو میں تو اسی وقت فونٹ ریلیز کرنے پر تیار ہوں ۔۔۔
ناظم رضا مصباحی
محفلین
ابوحمدان
محفلین
ناظم رضا مصباحی بھائی آپ کے اپلوڈ کئے گئے نسخے میں نے ڈاؤنلوڈ کئے ہیں اور اُن کی ٹریسنگ شروع کی ہے۔ ہو سکے تو اس خط کے جتنے نمونے آپ کے پاس ہوں وہ اپلوڈ کر لیں۔اصل دہلوی نستعلیق۔ ایک پرانی کتاب سے۔ اب تو شاید ہی ایسا لکھنے والے موجود ہوں۔
ناظم رضا مصباحی
محفلین
واہ بھئی واہ ضرور . میں عرصہ سے دہلوی نستعلیق کے نمونے جمع کر رہا ہوں. ٹریسنگ رزلٹ ضرور دکھائیں. میں یہیں اپلوڈ کرتا رہوں گا. دہلوی نستعلیق پر کام کرنے کا ارادہ ہے. امید ہے آپ اس سلسلے میں پیش رفت فرمائیں گے.
arifkarim
معطل
کوشش کریں زیادہ سے زیادہ اشکال ٹریس ہوں جنکی مدد سے فانٹ بن سکے گا
ناظم رضا مصباحی
محفلین
ابوحمدان
محفلین
انشاءاللہ، ضرور شیئر کرتا رہوں گا۔
ناظم رضا مصباحی
محفلین
متلاشی
محفلین
ابوحمدان ناظم رضا مصباحی
بہت خوشی ہوئی کہ آپ لوگ دہلوی نستعلیق پر کام کرنا چاہ رہے ہیں ۔ میں کچھ گذارشات پیش کرنا چاہ رہا ہوں ۔ تاکہ فونٹ میکنگ کے ابتدائی مراحل میں ان کو ملحوظِ خاطر رکھا جائے۔
۱۔ سب سے اہم بات یہ ہے کہ اگر آپ دہلوی نستعلیق کا کوئی اچھا فونٹ بنانا چاہتے ہیں تو آپ کے پاس تمام اشکال ایک ہی خطاط کی لکھی ہونی ضروری ہیں۔ مختلف خطاطین کی اشکال لے کر کوئی خوبصورت فونٹ نہیں بنایا جا سکتا۔ اگر ایک ہی خطاط کی لکھی ہوئی تمام اشکال میسر نہ ہوں تو کم از کم ایک ہی استاذ خطاط کی لکھی ہوئی اشکال اور پھر باقی اشکال انہیں کے شاگرد خطاط حضرات کی لکھی ہوئی ہونی چاہیں۔۔ یہ اس لیے ضروری ہے تاکہ پورے فونٹ کی روشِ خطاطی ایک ہی رہے۔ جس طرح لاہوری طرزِ نستعلیق میں مختلف اساتذہ خطاطین کی الگ الگ روشیں ہیں اسی طرح دہلوی نستعلیق کا بھی یہی حساب ہے ۔ لاہوری نستعلیق میں ، جناب یوسف سدیدی مرحوم صاحب کا اپنا الگ انداز ہے، جناب تاج الدین زریں رقم صاحب کا اپنا مختلف انداز ہے، اور جناب سید نفیس شاہ صاحب رحمہ اللہ کا اپنا منفرد انداز ہے۔ لیکن انداز (روش) مختلف ہونے کے باوجود یہ سب لاہوری نستعلیق ہی کے خطاط تھے۔ اور پھر ان مشہور اساتذہ کے شاگردوں نے اپنے ہی اساتذہ کی روشوں کو اپنایا ہے۔ فونٹ میں یکسانیت کے لیے ایک ہی روش کے خطاطین کی خطاطی کی اشکال ہونا لازمی ہیں ۔ ورنہ اتنی محنت کے باوجود رزلٹ کچھ نہیں نکلتا اور کھچڑی پک جاتی ہے۔
۲۔ دوسرا اہم پوائنٹ یہ ہے کہ آپ کا دہلوی نستعلیق کے ماہرکسی اچھے خطاط کے ساتھ تعلق لازمی ہونا چاہیے جسے کمپیوٹر اور اس کی لمیٹیشنز کا علم ہو۔ اور وہ خطاط بھی اسی روشِ نستعلیق کا مقلد ہو جس کا آپ فونٹ بنانا چاہ رہے ہوں۔
بہت خوشی ہوئی کہ آپ لوگ دہلوی نستعلیق پر کام کرنا چاہ رہے ہیں ۔ میں کچھ گذارشات پیش کرنا چاہ رہا ہوں ۔ تاکہ فونٹ میکنگ کے ابتدائی مراحل میں ان کو ملحوظِ خاطر رکھا جائے۔
۱۔ سب سے اہم بات یہ ہے کہ اگر آپ دہلوی نستعلیق کا کوئی اچھا فونٹ بنانا چاہتے ہیں تو آپ کے پاس تمام اشکال ایک ہی خطاط کی لکھی ہونی ضروری ہیں۔ مختلف خطاطین کی اشکال لے کر کوئی خوبصورت فونٹ نہیں بنایا جا سکتا۔ اگر ایک ہی خطاط کی لکھی ہوئی تمام اشکال میسر نہ ہوں تو کم از کم ایک ہی استاذ خطاط کی لکھی ہوئی اشکال اور پھر باقی اشکال انہیں کے شاگرد خطاط حضرات کی لکھی ہوئی ہونی چاہیں۔۔ یہ اس لیے ضروری ہے تاکہ پورے فونٹ کی روشِ خطاطی ایک ہی رہے۔ جس طرح لاہوری طرزِ نستعلیق میں مختلف اساتذہ خطاطین کی الگ الگ روشیں ہیں اسی طرح دہلوی نستعلیق کا بھی یہی حساب ہے ۔ لاہوری نستعلیق میں ، جناب یوسف سدیدی مرحوم صاحب کا اپنا الگ انداز ہے، جناب تاج الدین زریں رقم صاحب کا اپنا مختلف انداز ہے، اور جناب سید نفیس شاہ صاحب رحمہ اللہ کا اپنا منفرد انداز ہے۔ لیکن انداز (روش) مختلف ہونے کے باوجود یہ سب لاہوری نستعلیق ہی کے خطاط تھے۔ اور پھر ان مشہور اساتذہ کے شاگردوں نے اپنے ہی اساتذہ کی روشوں کو اپنایا ہے۔ فونٹ میں یکسانیت کے لیے ایک ہی روش کے خطاطین کی خطاطی کی اشکال ہونا لازمی ہیں ۔ ورنہ اتنی محنت کے باوجود رزلٹ کچھ نہیں نکلتا اور کھچڑی پک جاتی ہے۔
۲۔ دوسرا اہم پوائنٹ یہ ہے کہ آپ کا دہلوی نستعلیق کے ماہرکسی اچھے خطاط کے ساتھ تعلق لازمی ہونا چاہیے جسے کمپیوٹر اور اس کی لمیٹیشنز کا علم ہو۔ اور وہ خطاط بھی اسی روشِ نستعلیق کا مقلد ہو جس کا آپ فونٹ بنانا چاہ رہے ہوں۔
arifkarim
معطل
ناظم رضا مصباحی
محفلین
جی بالکل. یہ سارے نمونے میں جوڑ و پیوند اور اشکال کی ترکیب دیکھنے کے لیے جمع کر رہا ہوں. فونٹ کی تمام اشکال کسی ایک خطاط یا اس کی تقلید کرنے والوں کی ہی اخذ کریں گے. ایسا ممکن نہ ہونے پر انہیں اشکال کو پیش نظر رکھتے ہوئے میں خود ڈرا کروں گا. تاکہ اشکال کے قط اور نوک پلک میں یکسانیت رہے.
ظہیراحمدظہیر
لائبریرین
میرے پاس استاد شمس الدین اعجاز کے رسالے نظمِ پروین ، اعجاز رقم ، مرقع نگاریں اور ارژنگِ چین مجلد صورت مین موجود ہیں ۔ ان رسائل میں درجنوں کے حساب سے تختیاں موجود ہیں کہ جن میں الفاظ کے وصل و فصل اور کرسی کے نمونے بہت ہی عمدہ حالت میں موجود ہین ۔ اس کے علاوہ حروف کے جوڑ اور پیوند وں کی ان گنت تختیاں بھی موجود ہیں ۔ یہ کتاب میر محمد کتب خانہ آرام باغ کراچی سے شائع ہوئی تھی ۔ مجھے یقین ہے کہ یہ اب بازار مین دستیاب نہیں ۔ میں نےتقریبا اکتیس بتیس سال پہلے پرانے لاہور کی کسی گلی میں کتابوں کی ایک چھوٹی سی دکان سے ڈھونڈ ڈھانڈ کر خریدی تھی ۔ بدقسمتی سے میرے پاس اتنا وقت نہیں کہ میں اس کتاب کو اسکین کرسکوں ۔ اگر کرنا شروع بھی کروں تو یہ نہین معلوم کہ کب تک مکمل کرسکوں گا ۔ البتہ اگر کوئی دوست یہ کتاب مستعار لینا چاہے تو میں بذریعہ کوریئر سروس بھیج سکتا ہوں ۔
ناظم رضا مصباحی
محفلین
مجھے ان کتابوں کی اشد ضرورت ہے. اول تو یہاں یہ کتابیں اب دستیاب نہیں ہیں اور جو ہیں بھی وہ انتہائی ناقص کوالٹی کی. منشی شمس الدین اعجاز رقم صاحب اور ان کے چند شاگردوں کا لکھا ہوا اتنا سارا مواد موجود ہے کہ مستقبل میں ان کے خط پر مبنی فونٹ بنایا جا سکتا ہے.
اگر آپ اسکین نہیں کر سکتے تو فوٹو کھینچ کر مجھے میل کردیں. بہت مشکور ہوں گا.
ظہیراحمدظہیر
لائبریرین
مصباحی صاحب اتنے سارے صفحات کے قابل قبول فوٹو کھینچنا بھی کارِ دشوار ہے ۔ کتاب کے صفحے کو درمیان سے کھول کر سیدھا رکھنا اور پھر فوٹو لینا ایک آدمی کے لئے مشکل اور وقت طلب کام ہے ۔ میں پہلے ہی یہ کوشش کرچکا ہوں ۔ اس سے کم محنت تو اسکین کرنے میں ہوگی ا ور نتیجہ بھی اچھا نکلے گا ۔ بہرحال ، میں کوشش کرتا ہوں کہ صرف تختیوں کے کچھ نمونے ہی اسکین کرکے یہاں لگادوں ۔
مصباحی صاحب ، اگر کتاب آپ کو چاہئے تو میں بھجوادیتا ہوں اس نیت سے کہ آپ کے ہاتھوں میں آکر کسی فونٹ کے بننے میں مدد دے سکے ۔ میں اب اس کتاب سے استفادہ تو نہیں کرتا لیکن ایک دلی وابستگی ضرور ہے جیسا کہ ہر کتاب جمع کرنے والے کو ہوتی ہے۔ لیکن یہ اگر واقعی آپ کے کام آسکے تو میں بخوشی آپ کو تحفتاً دینے پر تیار ہوں ۔ اگر آپ مناسب سمجھیں تو ذاتی پیغام میں رابطہ کرلیجئے ۔
امان اللہ خان
محفلین
ابوحمدان
محفلین
ظہیراحمدظہیر آپ اگر مناسب سمجھے تو مجھے بھجوادیں۔سکین کرنے کے بعد آپ کو واپس بھجوا دی جائیں گی۔
arifkarim
معطل
ظہیراحمدظہیر مصباحی انڈیا میں مقیم ہے۔ بہتر ہوگا کہ حمدان کو بھجوا دیں۔ وہ فانٹ ڈیزائنر بھی ہیں یوں اسکین کرکے واپس بھیج دیں گے۔
ناظم رضا مصباحی
محفلین
خدا کا شکر ہے۔ مجھے اپنی کتابیں مل گئیں۔ یہ الگ بات ہے کہ ظہیراحمدظہیر صاحب کی کتابیں اچھی کوالٹی میں ہوں۔ بہرحال ان سے بھی کام چلے گا۔