دیئے گئے لفظ پر شاعری - دوسرا دور

[سیما علی]

کیسی دعا ہے کہ جی جاتی نہیں
زندگی اب ہم سے کی جاتی نہیں

امجد میاں لفظ تو نہیں دیا

 

[امجد میانداد]

امجد میاں لفظ تو نہیں دیا

ارے، یہ کیسے بھول گیا میں۔
لفظ بھول

 

[سیما علی]

ارے، یہ کیسے بھول گیا میں۔
لفظ بھول

ہاں ‘ کوئی خطا نہیں تمھاری
ہاں ‘ ہم سے ہوئی ہے بھول یارو
شکیب جلالی

یارو

 

[صاد الف]

کوئی تدبیر کرو، وقت کو روکو، یارو
صبح دیکھی ہی نہیں شام ہوئی جاتی ہے

تدبیر

 

[شکیل احمد خان23]

تدبیر سے بگڑی ہوئی تقدیر بنالے اپنے پہ بھروسا ہے تویہ داؤ لگالے ۔۔۔۔۔۔۔۔۔۔۔۔۔۔ساحرلدھیانوی

تدبیر سے قسمت کی برائی نہیں جاتی بگڑی ہوئی تقدیر ۔۔بنائی نہیں جاتی ۔۔۔۔۔۔۔۔۔۔۔۔۔۔۔۔داغ دہلوی

ہماری عقلِ بے تدبیر پر تدبیر ہنستی ہے اگر تدبیر ہم کرتے ہیں تو تقدیر ہنستی ہے ۔۔۔۔۔۔۔۔۔۔۔۔۔۔۔۔۔۔۔حاتم ؔ

زندگی کا ہر نَفَس ممنون ہے تدبیر کا واعظو!،دھوکا نہ دو انسان کوتقدیر کا ۔۔۔۔۔۔۔۔۔۔۔۔۔۔۔۔۔۔اسد بھوپالی

دو۔!

 

[سیما علی]

قیس جنگل میں اکیلا ہے مجھے جانے دو
خوب گزرے گی جو مل بیٹھیں گے دیوانے دو
میاں داد خان سیاح
۔۔۔۔۔۔۔۔۔۔۔۔۔۔۔۔۔
عمر دراز مانگ کے لائے تھے چار دن
دو آرزو میں کٹ گئے، دو انتظار میں

بہادر شاہ ظفر
۔۔۔۔۔۔۔۔۔۔۔۔۔۔۔۔۔۔۔
کرلے ابھی بھی وقت ہے کچھ نیکیاں یہاں
دو دن کی زندگی ہے تری دائمی نہیں

شاہد وصی
۔۔۔۔۔۔۔۔۔۔۔۔۔۔۔۔۔۔۔۔۔۔
ہر اہتمام ہے دو دن کی زندگی کے لیے
سکون قلب نہیں پھر بھی آدمی کے لیے
ابو ا لمجاہد زاہد
۔۔۔۔۔۔۔
قلب

 

[شمشاد]

قلب انسانی میں رقص عیش و غم رہتا نہیں
نغمہ رہ جاتا ہے لطف زیر و بم رہتا نہیں
علامہ اقبال

رقص

 

[صاد الف]

ابھی تو چاک پہ جاری ہے رقص مٹی کا
ابھی کمہار کی نیت بدل بھی سکتی ہے
(علینا عترت)

مٹی

 

[سیما علی]

تکلف برطرف آنکھوں میں میری اِک ذرا جھانکو
وہاں تُم کو نظر آئے گی اِک تصویر مٹی کی
۔۔۔۔۔۔۔۔۔۔۔۔۔۔۔۔۔۔۔۔
تصویر

 

[صاد الف]

دل آباد کہاں رہ پائے اس کی یاد بھلا دینے سے
کمرہ ویراں ہو جاتا ہے اک تصویر ہٹا دینے سے
جلیل عالی

کمرہ

 

[شمشاد]

کبھی کبھی آتی تھی پہلے وصل کی لذت اندر تک
بارش ترچھی پڑتی تھی تو کمرہ گیلا ہوتا تھا
اظہر فراغ

وصل

 

[سیما علی]

وصل دشمن کی خبر مجھ سے ابھی کچھ نہ کہو
ٹھہرو ٹھہرو مجھے اپنی تو خبر ہونے دو

ٹھہرو

 

[شمشاد]

سخن سو طرح سے اک رمز کی رسوائی کرتا ہے
سخن بکواس ہے بکواس جو ٹھہرا ہے فن میرا
جون ایلیا

فن

 

[صاد الف]

اب آیا تیر چلانے کا فن تو کیا آیا
ہمارے ہاتھ میں خالی کمان باقی ہے
جاوید اختر

کمان

 

[شمشاد]

اک رنگ سی کمان ہو خوشبو سا ایک تیر
مرہم سی واردات ہو اور زخم کھاؤں میں
جون ایلیا

زخم

 

[صاد الف]

ہمارے زخمِ تمنا پرانے ہو گئے ہیں
کہ اس گلی میں گئے اب زمانے ہو گئے ہیں
جون ایلیا

گلی

 

[سیما علی]

ہمارے زخمِ تمنا پرانے ہو گئے ہیں
کہ اس گلی میں گئے اب زمانے ہو گئے ہیں
جون ایلیا

گلی

ہِجّے: حروف سے الفاظ بنائیں

اک مہک روز آ کے کہتی ہے
منتظر ہے کوئی گلی میری

جانے کب دل سے آنکھ تک آکر
بہہ گئی چیز قیمتی میری
عرفان ستار
قیمتی

 

[شمشاد]

زندگی بھر اپنی گونگی دھڑکنوں کے ساتھ ساتھ
ہم بھی گھر کے قیمتی سامان میں رکھے رہے
راحت اندوری

دھڑکن

 

[صاد الف]

فریب آرزو کی سہل انگاری نہیں جاتی
ہم اپنے دل کی دھڑکن کو تری آواز پا سمجھے
فیض احمد فیض

فریب

 

[شکیل احمد خان23]

جوبات دل میں تھی اُس سے نہیں کہی ہم نے وفا کے نام سے ۔۔۔دوہ بھی فریب کھا جاتا

اے مجھ کو فریب دینے والے ۔۔۔۔۔۔۔میں تجھ پہ یقین کرچکا ہوں

عقل کہتی ہے دوبارہ آزمانا جہل ہے ۔۔۔۔۔دل یہ کہتا ہے فریبِ دوست کھاتے جائیے

آدمی جان کے کھاتا ہے محبت میں فریب ۔۔////////۔خود فریبی ہی محبت کا صلہ ہو جیسے

آدمی