دیئے گئے لفظ پر شاعری - دوسرا دور

[محمود احمد غزنوی]

قلندر جز دو حرفِ لا الٰہ کچھ نہیں رکھتا
فقیہہِ شہر قاروں ہے لغت ہائے حجازی کا
فقیہہ

 

[محمد شعیب خٹک]

پانی پانی کر گئی مجھ کو قلندر کیا یہ بات
تو جھکا جو غیر کے آگے، نہ من تیرا نہ تن

(نماز کھڑی ہو گئی ہے۔اللہ حافظ)

اگلا لفظ: تن

 

[محمد شعیب خٹک]

یہ آج کیا ہو رہا ہے۔میں اور محمود صاحب ٹکرا گئے۔۔۔۔

 

[جٹ صاحب]

شعیب بھائی یہ تو کچھ نہیں موسم پر تو میں نے بھی پوسٹ کردیا تھا پھر تدوین کے ذریعیے شعر بدل دیا۔

 

[جٹ صاحب]

یہ کیا آج میرے انٹرنیٹ سست چل رہا ہے اور یہاں پوسٹ پہ پوسٹ آرہی ہے میں نے تو ابھی شعیب بھائی کا جواب پوسٹ کیا تو دیکھا یہاں تو کہانی بہت دور نکل چکی ہے۔

 

[شمشاد]

آنکھوں میں لے کے جلتے ہوئے موسموں کی راکھ!
درد سفر کو تن کا لبادہ کیے ہوئے

دیکھو تو کون لوگ ہیں! آئے کہاں سے ہیں !
اور اب ہیں کس سفر کا لبادہ کیے ہوئے
(امجد اسلام امجد)


درد

 

[محمد شعیب خٹک]

ہم نے کانٹوں کو بھی نرمی سے چھوا ہے اکژ
لوگ بے درد ہیں پھولوں کو مسل دیتے ہیں

کانٹا

 

[جٹ صاحب]

میں نے ہر کانٹا تیری راہ کا پلکوں سے چنا
لوگ کہتے ہیں میں دشمن ہوں تیرا، تونے سنا؟

چُنا

 

[شمشاد]

چند کلیاں نشاط کی چُن کر مُدتوں محو یاس رہتا ہوں
تیرا ملنا خوشی کی بات سہی، تجھ سے ملکر اداس رہتا ہوں
(ساحر لدھیانوی)

کلی / کلیاں

 

[راجہ صاحب]

یہ لبوں کی تھرتھراہٹ یہ جو دل کی بے کلی ہے
ترے پیار کی بدولت مجھے میرے رب نے دی ہے

سعادت حسن

 

[جٹ صاحب]

راجہ صاحب اگلا لفظ تو دیتے جائیے۔

 

[محمد سہیل]

میں راجہ صاحب کے شعر میں سے لفظ "رب" پر شعر لکھ رہا ہوں

یا رب ! یہ درد مند ہے کس کی نگاہ کا
ہے ربطِ مشک و داغِ سوادِ ختن ہنوز

اگلا لفظ: داغ

 

[راجہ صاحب]

نہیں کھیل، اے داغ! یاروں سے کہہ دو
کہ آتی ہے اُردو زباں آتے آتے

اگلا لفظ " اردو "

 

[جٹ صاحب]

بھئی مجھے تو اردو سے کوئی شعر نہیں آتا۔۔۔!! کیا آپ میں سے بھی کسی کونہیں آتا؟؟؟

 

[عثمان رضا]

اردو ہے جس کا نام ہمیں جانتے ہیں داغ
ہندوستاں میں دھوم ہماری زباں کی ہے

زباں ۔۔ زبان

 

[شمشاد]

بہت شکریہ یہ دھاگہ دوبارہ اوپر لانے کا۔
-----------------------------------------------

زمانے میں کوئی تجھ سا نہیں ہے سیف زباں
رہے گی معرکے میں آتش آبرو تیری
(خواجہ حیدر علیی آتش لکھنوی)

اگلا لفظ “زمانہ“

 

[عثمان رضا]

اے دوست تری یاد بھی کتنی عجیب ہے
جب آگئی تو گویا زمانہ ٹھر گیا

عجیب

 

[شمشاد]

آبِ محیطِ عشق کا بحر عجیب بحر ہے
تَیرے تو غرق ہوگئے ، ڈوبے تو پار اُتر گئے
(عدیم ہاشمی)

عشق

 

[عثمان رضا]

دل کی ہستی سے کیا عشق نے آگاہ مجھے
دل جب آیا تو دھڑکنے کی صدا بھی آئی
فانی بدایونی
صدا

 

[شمشاد]

جو میں سربسجدہ ہوا کبھی، تو زمیں سے آنے لگی صدا
ترا دل تو ہے صنم آشنا، تجھے کیا ملے گا نماز میں
(علامہ)

سجدہ