دیئے گئے لفظ پر شاعری - دوسرا دور

[فرخ منظور]

پھر دیکھئے اندازِ گلفشانی گفتار
رکھ دے کوئی پیمانۂ صہبا مِرے آگے

گلفشانی

پھر دیکھیے اندازِ گل افشانیِ گفتار
رکھ دے کوئی پیمانۂ صہبا مرے آگے
(غالب)

 

[غ۔ن۔غ]

وقت كرتا ہے ہر سوال كو حل
زیست مكتب ہے امتحان نہیں

سوال

تو اپنے بارے میں مجھ سے کبھی سوال تو کر​

میں عمر بھر تیرے بارے جواب لکھتا رہوں​

جواب​

 

[فرخ منظور]

یہ شکست کا جہنّم کہیں پھر بھڑک نہ اُٹھے
مرے عشق کے کھنڈر پر، نہ کریں وہ گلفشانی
(احمد ندیم قاسمی)
کھنڈر

 

[غ۔ن۔غ]

پھر دیکھیے اندازِ گل افشانیِ گفتار
رکھ دے کوئی پیمانۂ صہبا مرے آگے
(غالب)

بہت شکریہ جناب

 

[سارہ خان]

یہ شکست کا جہنّم کہیں پھر بھڑک نہ اُٹھے
میرے عشق کے کھنڈر پر، نہ کریں وہ گلفشانی
(احمد ندیم قاسمی)
کھنڈر

کھدائی کو کھنڈر کوئی نہیں ہے
اب اِس مٹی میں زر کوئی نہیں ہے

خیالوں میں یہ کس کی دستکیں ہیں
اگر بیرونِ در کوئی نہیں کوئی نہیں ہے
صابر ظفر

مٹی

 

[غ۔ن۔غ]

کھدائی کو کھنڈر کوئی نہیں ہے
اب اِس مٹی میں زر کوئی نہیں ہے

خیالوں میں یہ کس کی دستکیں ہیں
اگر بیرونِ در کوئی نہیں کوئی نہیں ہے
صابر ظفر

مٹی

مٹی کے محبت میں ہم آشفتہ سروں نے ​

وہ قرض اتارے ہیں جو واجب بھی نہیں تھے​

آشفتہ سر​

 

[سارہ خان]

اٹھے ہم خستہ دل آشفتہ سر بے اختیار اٹھے
بہار آئی قدم پھر دشت کو دیوانہ وار اٹھے
سرور عالم راز سرور

دشت

 

[غ۔ن۔غ]

اٹھے ہم خستہ دل آشفتہ سر بے اختیار اٹھے
بہار آئی قدم پھر دشت کو دیوانہ وار اٹھے
سرور عالم راز سرور

دشت

دشتِ دل میں سراب تازہ ہیں
بجھ چکی آنکھ خواب تازہ ہیں

کوئی موسم ہو دل گلستاں میں
آرزو کے گلاب تازہ ہیں

سراب

 

[سارہ خان]

اِک سرابِ سیمیا میں رہ گئے
لوگ جو بِیم و رجا میں رہ گئے

کِس شبِ نغمہ کی ہیں یہ یادگار!
چند نوحے جو ہَوا میں رہ گئے
امجد اسلام امجد

یادگار

 

[غ۔ن۔غ]

اِک سرابِ سیمیا میں رہ گئے
لوگ جو بِیم و رجا میں رہ گئے

کِس شبِ نغمہ کی ہیں یہ یادگار!
چند نوحے جو ہَوا میں رہ گئے
امجد اسلام امجد

یادگار

کچھ یادگار شہر ستم گر ہی لے چلیں
آئے ہیں اس گلی میں تو پتھر ہی لے چلیں

یوں کس طرح کٹے گا کڑی دھوپ کا سفر
سر پر خیال یار کی چادر ہی لے چلیں

پتھر

 

[شمشاد]

ماشاء اللہ اس دھاگے میں تو رونق لگ رہی ہے۔
-----------------------------------------------------------

جمع کر رکھے ہیں لیکن یہ بتاؤں کس کو​

جتنے بھی آئے ترے ہاتھ سے آئے پتھر​

(قدیر انصاری)​

​

​

ہاتھ​

 

[عمر سیف]

ہاتھ چھوٹے بھی تو رشتے نہیں چھوڑا کرتے
وقت کی شاخ سے لمحے نہیں توڑا کرتے
جس کی آواز میں سلوٹ ہو نگاہوں میں شکن
ایسی تصویر کے ٹکڑے نہیں جوڑا کرتے

سلوٹ

 

[مدثر اقبال]

یہ کاغذ کے حسین ٹکڑے کیا بیاں کریں گے داستاں میری
مزا تو تب ہے کہ تحریر کو لگ جاءے زباں میری

 

[شمشاد]

مدثر اقبال صاحب اردو محفل میں خوش آمدید۔

یہ بیت بازی کا دھاگہ نہیں بلکہ دیئے گئے لفظ پر شعر دینے والا دھاگہ ہے۔

 

[عمر سیف]

سوچوں تو سِلوٹوں سے بھری ہے تمام روح
دیکھو تو اک شکن بھی نہیں ہے لباس میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اگلا لفظ شکن

 

[شمشاد]

تو بھی کسی کے باب میں عہد شکن ہو غالباً​

میں نے بھی ایک شخص کا قرض ادا نہیں کیا​

(جون ایلیا)​

​

شخص​

 

[عمر سیف]

سمجھے یا نا سمجھے وہ انداز محبت کے
اک شخص کو آنکھوں سے شعر سنانا ہے

انداز

 

[شمشاد]

ہیں اور بھی دنیا میں سخنور بہت اچھّے
کہتے ہیں کہ غالبؔ کا ہے اندازِ بیاں اور
(چچا)


دنیا

 

[عمر سیف]

دنیا میں قتیل اُس سا منافق نہیں کوئی
جو ظلم تو سہتا ہے بغاوت نہیں کرتا

منافق

 

[غ۔ن۔غ]

دل منافق تھا شبِ ہجر میں سویا کیسا
اور جب تجھ سے ملا ٹوٹ کے رویا کیسا

شبِ ہجر