دیئے گئے لفظ پر شاعری - دوسرا دور

[زھرا]

کہیں ذرہ ...کہیں صحرا ...کہیں قطرہ ...کہیں دریا
محبت اور اس کا سلسلہ یوں بھی ہے اور یوں بھی
جگر

سلسلہ

 

[شمشاد]

نادم ہے کیوں نگارِ سحر میرا کیا گیا
خوابوں کا سلسلہ ہی تو ٹوٹا ہے اور بس
(حزیں صدیقی)

سحر

 

[جاسمن]

خورشید نے جو رُخ سے اُٹھایا نقابِ شب
در کھُل گیا سحر کا ،ہؤا بند بابِ شب
نقاب

 

[شمشاد]

چراغ طور جلاؤ! بڑا اندھیرا ہے
ذرا نقاب اٹھاؤ! بڑا اندھیرا ہے
(ساغر صدیقی)

چراغ

 

[جاسمن]

شمار اس کی سخاوت کا کیا کریں کہ وہ شخص
چراغ بانٹتا پھِرتا ہے چھِین کر آنکھیں
سخاوت

 

[شمشاد]

ایک دنیا نے یہاں پیاس بجھائی ندیم
اِس سخاوت میں سمندر ہوا پایاب اپنا
(احمد ندیم قاسمی)

سمندر

 

[جاسمن]

میں شوق کا دریا ہوں میری راہ میں حائل
صحرا ہے سمندر میں اُترنے نہیں دیتا
(نصراللہ خان ناصر)
شوق

 

[شمشاد]

نہیں بے حجاب وہ چاند سا کہ نظر کا کوئی اثر نہ ہو
اسے اتنی گرمئ شوق سے بڑی دیر تک نہ تکا کرو
(بشیر بدر)

حجاب

 

[زھرا]

اے حسن اپنی حوصلہ افزائیاں تو دیکھ
مانا کہ چشم شوق بہت بے حجاب ہے
جگر
حوصلہ افزائیاں

 

[شمشاد]

حوصلہ افزائیاں تو نہیں البتہ "حوصلہ" پر شعر ہے۔
----------------------------------------------------------

بے مے کِسے ہے طاقتِ آشوبِ آگہی
کھینچا ہے عجزِ حوصلہ نے خط ایاغ کا
(چچا)

خط

 

[جاسمن]

ہمارے پاس بہت سے خطوط ہیں اُس کے
ہر ایک خط میں لکھا ہے اِسے جلا دینا

لکھا

 

[شمشاد]

فقیر بن کر تم ان کے در پر ہزار دھونی رما کے بیٹھو
جبیں کے لکھے کو کیا کرو گے جبیں کا لکھا مٹا کے بیٹھو
(ابن انشاء)

فقیر

 

[جاسمن]

بنا کے فقیروں کا ہم بھیس غالب
تماشائے اہلِ کرم دیکھتے ہیں
(چچا)
بھیس

 

[شمشاد]

کیوں جناب ِ داغ یاد، اللہ میرے یاد ہے
بھیس بدلے رات کو آتے تھے کس کے گھر سے آپ
(داغ دہلوی)

داغ

 

[جاسمن]

کب نظر میں آئے گی بے داغ سبزے کی بہار
خون کے دھبے دُھلیں گے کِتنی برساتوں کے بعد

دھبے

 

[شمشاد]

ساری دستاروں پہ دھبے ہیں لہو کے اظہر
ایسے کوفے میں تو عزت بھی نہیں مانگتے ہم
(اظہر ادیب)

لہو

 

[جاسمن]

یہ فسانۂ محبت،یہ وفا کی داستانیں
کوئی اور ذکر چھیڑو،میرا دِل لہو لہو ہے

فسانہ

 

[شمشاد]

سناؤں میں کسے افسانہ ء خیال ملال
تری کمی ہی رہی اور مری کمی ہی رہی
(جون ایلیا)

خیال

 

[جاسمن]

اے بے خودی ٹھہر کہ بہت دِن گُذر گئے
مُجھ کو خیالِ یار کہیں ڈھونڈتا نہ ہو

بے خودی

 

[شمشاد]

جس وقت آئے ہوش میں کچھ بیخودی سے ہم
کرتے رہے خیال میں باتیں اُسی سے ہم
(داغ دہلوی)

ہوش