دیئے گئے لفظ پر شاعری

[راجہ صاحب]

جھوٹ کی منڈی لگی تھی شہر میں
ہم نے سچ بولا تو مجرم ہو گئے


'' منڈی ''

 

[مغزل]

شمشاد بھائی اگلا لفظ آپ نے دیا ہی نہیں ۔۔ سو میں نے خود ہی ’’سچ / سچا ‘‘ اخذ کرلیا ہے۔

یہ ش۔ہرِ صداقت بھی ع۔جب ش۔ہر ہے انجم
اک شخص بھی ہم نے یہاں سچا نہیں دیکھا
انجم شادانی ابن ِ مولوی بنّے میاں

اگلا لفظ ہے ’’ صداقت ‘‘

 

[خرم شہزاد خرم]

یہ تو ناجائز ہے۔ جو شعر آپ نے پوسٹ کیا ہے اس میں تو خرم کہیں نہیں ہے، حالانکہ روایت تو یہی چل رہی ہے۔ کہ دیئے گئے شعر میں شامل کسی لفظ کا اگلے شعر میں استعمال کرناہوتا ہے۔

معافی چاہتا ہوں مجھے اس بارے میں بالکل پتہ نہیں‌تھی

 

[ہما]

شمشاد بھائی اگلا لفظ آپ نے دیا ہی نہیں ۔۔ سو میں نے خود ہی ’’سچ / سچا ‘‘ اخذ کرلیا ہے۔

یہ ش۔ہرِ صداقت بھی ع۔جب ش۔ہر ہے انجم
اک شخص بھی ہم نے یہاں سچا نہیں دیکھا
انجم شادانی ابن ِ مولوی بنّے میاں

اگلا لفظ ہے ’’ صداقت ‘‘

سبق پھر پڑھ صداقت کا شرافت کا عدالت کا
لیا جائے گا تجھ سے کام دُنیا کی امامت کا

دنیا

 

[راجہ صاحب]

زندہ رہیں تو کیا ہے جو مر جائیں ہم تو کیا
دُنیا سے خاموشی سے گُزر جائیں ہم تو کیا


خاموشی

 

[ہما]

رات کی بے سُخن خاموشی میں
رو رہا ہوں کہ سو نہیں سکتا
راحتوں کے محل بناتا ہے
دل جو آباد ہو نہیں سکتا

آباد

 

[محمداحمد]

میں‌ جو اک برباد ہوں آباد رکھتا ہے مجھے
دیر تک اسمِ محمد(صلی اللہ علیہ وسلم ) شاد رکھتا ہے مجھے

شاد

 

[ہما]

کہاں ہے شاد میں تو شاد سا ہوں
وہ شادِ خوش نوا تو مر چُکا ہے ۔۔۔۔۔۔!

خوش

 

[ہما]

لیکن میں نے تو اس پیغام کی بات کی تھی جو خرم بھائی نے پوسٹ کیا تھا۔

مُجھے ایسا لگا ۔۔۔۔!‌کہ میری پوسٹ ۔۔کا جواب ہے ۔۔۔۔۔۔۔۔۔۔۔۔۔۔!‌

 

[محمداحمد]

خوش آئے تجھے شہرِ منافق کی امیری
ہم لوگوں کو سچ کہنے کی عادت بھی بہت تھی

عادت

 

[امر شہزاد]

خوش تھے کچھ ایسے تیری محبت کے شوق میں
منزل گنوا دی ہم نے مسافت کے شوق میں


مسافت

 

[ہما]

بے نام مُسافت ہی مُقدر ہے تو کیا غم
منزل کا تعین کبھی ہوتا ہے سفر سے ؟

منزل​

 

[محمداحمد]

منزلوں کی بات چھوڑو کس نے پائی منزلیں
اک سفر اچھا لگا، اک ہمسفر اچھا لگا

ہمسفر

 

[ہما]

ہمسفر ہوتا کوئی تو بانٹ ‌لیتا دوریاں
راہ چلتے لوگ کیا سمجھیں‌میری مجبوریاں‌۔۔۔۔۔۔!

لوگ

 

[محمد وارث]

کیا کہیں پھر کوئی بستی اجڑی
لوگ کیوں جشن منانے آئے

(فراز)

جشن

 

[مغزل]

ج۔۔شنِ مقتل ہی نہ برپا ہوا، ورنہ ہم بھی
پابجولاں ہی سہی ، ناچتے گاتے جاتے
فراز​

اگلا لفظ ہے۔ پابجولاں

 

[امر شہزاد]

آج بازار میں پا بجولاں چلو
دست افشاں چلو، مست ورقصاں چلو
خاک بر سر چلو، خوں بداماں چلو
راہ تکتا ہے سب شہر جاناں چلو
فیض احمد فیض
​

افشاں

 

[الف عین]

زخم نے داد نہ دی تنگیٔ دل کی یارب
تیر بھی سینۂ بسمل سے پر افشاں نکلا
چچا کا یہ شعر چلے گا نا۔۔۔۔۔

زخم

 

[ثناءاللہ]

ہر اک زخم شناسائی اک کہانی ہے
ملے نہیں ہیں جو لوگ ، ان کی مہربانی ہے

"شناسائی"

 

[مغزل]

بات کرتے ہو، تم مسیحا ہو
زخمِ دل کی دوا کرے کوئی

مسیحا