دیئے گئے لفظ پر شاعری

[شمشاد]

ثناء اللہ بھائی آج چوری چھپے یہاں حاضری لگوائی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کس کو قاتل میں کہوں کس کو مسیحا سمجھوں
سب یہاں دوست ہی بیٹھے ہیں کسے کیا سمجھوں
(احمد ندیم قاسمی)

قاتل

 

[مغزل]

تم کو تو قتل بھی جائز ہو بنامِ غیرت
میں اگر شعر بھی لکھدوں تو بغاوت ٹھہرے

صائمہ علی (اسلام آباد)

اگلا لفظ ہے۔۔۔۔۔۔۔۔ غیرت

 

[جیہ]

اس غیرت ناہید کی ہر تان ہے دیپک
شعلہ سا لپک جائے آواز تو دیکھو


آواز

 

[شمشاد]

کل شب مجھے بے شکل کی آواز نے چونکا دیا
میں نے کہا تُو کون ہے، اُس نے کہا ’’آوارگی‘‘
(محسن نقوی)

شکل

 

[مغزل]

خوش شکل و خوش لباس ہوں کیا جانیئے کیا ہو
پھر بھی بہت اداس ہوں کیا جانیئے کیا ہو
ناصر جمشید

لباس

 

[ہما]

کبھی اے حقیقتِ مُنتظر نظر آ لباسَ مجاز میں
کہ بزاروں سجدے تڑپ رہے ہیں میری جبینِ نیاز میں
علامہ اقبال

حقیقت

 

[الف عین]

گہری حقیقتیں بھی اُترتی رہیں گی پھر
خوابوں کی چاندنی تو لبِ جُو بکھیریے
پروین شاکر

چاندنی

 

[شمشاد]

چاندنی رات میں اس پیکرِ سیماب کے ساتھ
میں بھی اُڑتا رہا اک لمحہ بے خواب کے ساتھ
(محسن نقوی)

لمحہ

 

[امر شہزاد]

مانگ کر میں نے گزاری نہیں کیا عمرِ تمام
میرا ہر لمحہ تیرے پاس رہا ہے کہ نہیں

تمام

 

[شمشاد]

خدا کرے کہ سلامت رہیں ندیم مرے
تمام عمر پڑی ہے فریب کھانے کو
(مقسط ندیم)

فریب

 

[امر شہزاد]

کھائے ہیں وہ فریب محبت کے نام پر
اب اپنے آپ پر بھی نہیں ہم کو اعتبار

اعتبار

 

[شمشاد]

اعتبار دوستی کا ذکر کوئی کیا کرے
اعتبار دشمنی ہی اب تو اٹھتا جائے ہے
(سرور)

دشمنی

 

[راجہ صاحب]

اک زندگی گذیدہ سے یہ دشمنی نہ کر
اے دوست مجھکو عمر ابد کی دعا نہ دے

 

[الف عین]

اگلا لفظ راجہ صاحب

 

[راجہ صاحب]

اگلا لفظ

گذیدہ

 

[مغزل]

اس کی مثال ایسی ہے جیسے کہ صبح دم
اک شب گزیدہ ، دشت سے پلٹا تو گھر گیا
(خالد علیگ کے سانحہ ارتحال پر ناچیز کی ایک نظم سے ۔۔۔ )

اگلا لفظ ہے _____________ ’’دشت ‘‘

 

[راجہ صاحب]

دشتِ تنہائی میں اے جان جہاں لرزاں‌ ہیں‌
تیری آواز کے سائے تیرے ہونٹوں کے سراب


اگر کوئی غلطی ہو تو درستگی کر دیں‌

 

[محمداحمد]

بالکل ٹھییک ہے صرف "سے" کو "کے" کر لیجے۔ اور اگلا لفظ بھی بتا دیجے!

 

[راجہ صاحب]

اگلا لفظ

تنہائی

 

[محمداحمد]

بہت شکریہ راجہ صاحب

یہ لیجے شعر حاضر ہے

کبھی تو ایسی بھی رُت بھیج موسموں کے خدا
کہ میرے گھر کا پتہ بھول جائے تنہائی


​