رات، رتیاں، رین اور شب کے الفاظ پر مبنی اردو اشعار

[محمد عدنان اکبری نقیبی]

اک رات وہ گیا تھا جہاں بات روک کے
اب تک رکا ہوا ہوں وہیں رات روک کے

فرحت احساس

 

[زیرک]

دن اسی فرق کے جنگل میں گزر جاتا ہے
رات یادوں کا وہی زہر پلاتی ہے مجھے​

 

[عبدالرحمن آزاد]

ایک رات چاندنی مرے بستر پہ آٸی تھی
میں نے تراش کر ترا چہرا بنا دیا
احمد مشتاق

 

[زیرک]

چراغوں کو آنکھوں میں محفوظ رکھنا
بڑی دور تک رات ہی رات ہوگی
بشیر بدر

 

[زیرک]

رات کی رات مسافر ہوں تری بستی میں
شب کا تارا ہوں نظر آ کے چلا جاؤں گا​

 

[زیرک]

تمام شہر میں تھا سر پھری ہواؤں کا رقص
چراغ میری ہی بستی کے کیوں بجھے ہر شب​

 

[زیرک]

یہ جو خون تھوکتا ہوں ناں رات دن
کچھ باتیں تھیں جو اندر سے چیر گئیں​

 

[زیرک]

سنا ہے پہلے بھی ایسے میں بجھ گئے ہیں چراغ
دلوں کی خیر مناؤ، بڑی اداس ہے رات​

 

[زیرک]

دل دُکھاتا ہے وہ مل کر بھی مگر آج کی رات
اُسی بے درد کو لے آؤ کہ کچھ رات کٹے
ناصر کاظمی​

 

[زیرک]

کیسا پاگل شخص ہے ساری ساری رات
دیواروں کو درد سنایا کرتا ہے​

 

[زیرک]

یخ بستہ شبِ ہجر کی برفیلی ہوا میں
مجھ کو تِرا غم، تجھ کو تِری شال مبارک
رحمان فارس​

 

[خالق داد]

بہت خوب

 

[خالق داد]

رات یوں دل میں تری کھوئی ہوئی یاد آئی

جیسے ویرانے میں چپکے سے بہار آ جائے

جیسے صحراؤں میں ہولے سے چلے باد نسیم

جیسے بیمار کو بے وجہ قرار آ جائے

 

[زیرک]

ورنہ دن رات میں سر توڑ مشقت کرتا
کیا کروں پیار کمایا بھی نہیں جا سکتا
شہزاد نیر​

 

[زیرک]

بال اپنے اس پری رو نے سنوارے رات بھر
سانپ لوٹے سیکڑوں دل پر ہمارے رات بھر
مادھو رام جوہر​

 

[زیرک]

زلفیں منہ پر ہیں، منہ ہےزلفوں میں
رات بھر صبح، شام دن بھر ہے
مادھو رام جوہر​

 

[زیرک]

راتوں کو بھٹکنے کی دیتا ہے سزا مجھ کو
دشوار ہے پہلو میں، دل تیرے بِنا رکھنا
قتیل شفائی​

 

[جاسمن]

ہم نے تو چراغوں کی طرح فرض نبھایا
اب رات کی کالک کو سحر کون کرے گا
پاکیزہ بیگ

 

[جاسمن]

ردائے شب پہ نئے طرز سے وصال لکھا
بچھڑنے والوں نے اک دوسرے سے باتیں کیں
(عدنان محسن)

 

[جاسمن]

اب چلو رات ہے بابرؔ
شام کی چھب خدا حافظ
احمد سجاد بابر