زندگی

[نوید صادق]

عشق میں پوری زندگی کو سنبھال
اس میں جی کا نہیں زیاں خالی

شاعر: بانی

 

[شمشاد]

اس زندگی میں اتنی فراغت کسے نصیب
اتنا نہ یاد آ کے تجھے بھول جائیں ہم
(احمدفراز)

 

[عمر سیف]

زندگی ہوگئی ہے سلگتا سفر
دور تک آ رہا ہے دھواں سا نظر

 

[عیشل]

ہوش والوں کو خبر کیا،بے خودی کیا چیز ہے
عشق کیجئے پھر سمجھیئے زندگی کیا چیز ہے

 

[شمشاد]

دل سے پیہم خیال کہتا ہے
اتنی شیریں ہے زندگی اس پل
ظلم کا زہر گھولنے والے
کامراں ہو سکیں گے آج نہ کل
جلوہ گاہِ وصال کی شمعیں
وہ بجھا بھی چکے اگر تو کیا
چاند کو گل کریں تو ہم جانیں
(فیض احمد فیض)

 

[عمر سیف]

زندگی اک اذیت ہے مجھے
تجھ سے ملنے کی ضرورت ہے مجھے

 

[شمشاد]

میری زندگی تو فراق ہے وہ ازل سے دل میں مکیں سہی
وہ نگاہِ شوق سے دور ہیں رگِ جاں سے لاکھ قریں سہی

 

[عیشل]

ڈھوندتی پھرتی ہے دشت و بیاباں میں ہمیں
زندگی ہم سے بچھڑ کر خود بھی پچھتائی بہت

 

[شمشاد]

زندگی سے نظر ملاؤ کبھی
ہار کے بعد مسکراؤ کبھی

ترکِ اُلفت کے بعد اُمیدِ وفا
ریت پر چل سکی ہے ناؤ کبھی
(پروین شاکر)

 

[عیشل]

غم ِ زندگی تیری راہ میں ،شبِ آرزو تیری چاہ میں
جو بچھڑ گئے وہ ملے نہیں ،جو اُجڑ گئے وہ بسے نہیں

 

[شمشاد]

تُو زندگی کے حقائق کی تہ میں یُوں نہ اُتر
کہ اس ندی کا بہاؤ چناب جیسا ہے

 

[عمر سیف]

بے کلی ، بے خودی ، بے بسی دے گیا
ایک نیا تجربہ اجنبی دے گیا
اُس کی سوداگری میں بھی انصاف تھا
زندگی لے گیا ، زندگی دے گیا

 

[شمشاد]

زندگی ہے یا کوئی طوفان ہے
ہم تو اس جینے کے ہاتھوں مر چلے

 

[عمر سیف]

زندگی کے بھید کو میرے سوا جانے گا کون
زندگی کچھ بھی نہیں تیری تمنا کے سوا

 

[شمشاد]

قطرہ قطرہ زندگی کے زہر کا پینا ہے غم
اور خوشی ہے دو گھڑی پی کر بہک جانے کا نام
(آنند نرائن ملا)

 

[عیشل]

یوسف نہ تھے مگر سرِ بازار آگئے
خوش فہمیاں یہ تھیں کہ خریدار آگئے
آواز دے کے زندگی ہر بار چھپ گئ
ہم ایسے سادہ دل تھے کہ ہر بار آگئے

 

[شمشاد]

دل سے پیہم خیال کہتا ہے
اتنی شیریں ہے زندگی اس پل
ظلم کا زہر گھولنے والے
کامراں ہو سکیں گے آج نہ کل
جلوہ گاہِ وصال کی شمعیں
وہ بجھا بھی چکے اگر تو کیا
چاند کو گل کریں تو ہم جانیں
(فیض احمد فیض)

 

[نوید صادق]

زندگی کس کے بھروسے پہ محبت میں کروں
اک دلِ غم زدہ ہے سو بھی ہے آفات کے بیچ


شاعر: میر تقی میر

 

[شمشاد]

جانِ افسانہ یہی کچھ بھی ہو افسانے کا نام
زندگی ہے دل کی دھڑکن تیز ہو جانے کا نام

 

[نوید صادق]

عشق میں پوری زندگی کو سنبھال
اس میں جی کا نہیں زیاں خالی!!


شاعر: بانی