زندگی

[شمشاد]

زہر لگتی ہے مجھے آب و ہوائے زندگی
یعنی تجھ سے تھی اسے ناسازگاری ہائے ہائے
(غالب)

 

[فرحت کیانی]

صحرا نورد لوگ ہیں، ہمارا نہ پوچھنا
ہم سے ہمارے بارے میں دوبارہ نہ پوچھنا
دیتی ہے کس جرم پر تعزیر زندگی
ایسا کوئی سوال دوبارہ نہ پوچھنا

 

[شمشاد]

رات سونے لگی صبح ہونے لگی
شمع بجھنے لگی دل مچلنے لگے
وقت کی روشنی میں نہائی ہوئی
زندگی پے عجب سا نکھار آ گیا
(روشن نندا)

 

[عمر سیف]

زندگی اُس کے تصور میں کٹی
دور رہ کر بھی وہی کام آیا

 

[شمشاد]

زندگی تیری عطا ہے تو یہ جانے والے
تیری بخشش تیری دہلیز پہ دھر جائے گا
(احمد فراز)

 

[عمر سیف]

زندگی اک دوڑ ہے تو سانس پھولے گی ضرور
یا بدل مفہوم اس کا یا پھر فریاد نہ کر

 

[عمر سیف]

زندگی اک دوسرے کو ڈھونڈنے میں کٹ گئی
جستجو میری بھی دشمن تھی عدو اس کی بھی تھی

 

[عمر سیف]

زندگی اتنی پریشان ہے یہ سوچا بھی نہ تھا
اس کے اطراف میں شعلوں کا سمندر دیکھا

 

[عمر سیف]

زندگی آئینہ ہے، آئینہ آرائی ہے
اجنبی بھی ہے وہی جس سے شناسائی ہے

 

[عمر سیف]

زندگی بھر ساتھ دینے کی قسم کھاؤ‌ نہ
میں نے سایوں کو بھی دیکھا ہے جُدا ہوتے ہوئے

 

[عمر سیف]

زندگی اک آئینہ ہے جس کا پسِ منظر ہے رنگ
تو فقط منظر کو دیکھ ! پسِ منظر نہ دیکھ

 

[عمر سیف]

زندگی بھر مجھے جلنے کے لیے چھوڑ دیا
سبز پتوں میں یہ کیا آگ لگا دی تُو نے

 

[عمر سیف]

زندگی بھی تو پشیمان ہے یہاں لا کے مجھے
ڈھونڈتی ہے کوئی حیلہ میرے مر جانے کا

 

[عمر سیف]

زندگی بھی ہے گوارہ کس کو
زندگی بخشش و احسان ہی سہی

 

[عمر سیف]

زندگی تجھ سے اُمیدِ وفا کیا رکھوں
جب مجھے چھوڑ گئے دوست پُرانے میرے

 

[عمر سیف]

زندگی تجھ سے ہر اک سانس پہ سمجھوتہ کر لوں
شوق جینے کا ہے مجھ کو مگر اتنا بھی نہیں

 

[عمر سیف]

زندگی تو اک مسلسل ارتقاء کا نام ہے
کل مظفر کیا جئیں گے آج اگر زندہ نہیں

 

[عمر سیف]

زندگی تیری عطا تھی سو تیرے نام کی ہے
ہم نے جیسے بھی بسر کی تیرا احسان جانا

 

[عمر سیف]

زندگی جن کے تصور سے جلا پاتی ہے
ہائے کیا لوگ تھے جو دامِ اجل میں آئے

 

[عمر سیف]

زندگی سنگ بنی تھی، تجھے رخصت کرکے
دل نہ دھڑکا تھا تو مرنے میں بھی آسانی تھی