زندگی

[عمر سیف]

زندگی کیا ہے ! طلسمات کی وادی کا سفر
پھر بھی فرصت نہیں ملتی مجھے حیرانی کی

 

[عمر سیف]

زندگی ہم نے اندھیروں میں بسر کی ساجد
اس پہ تہمت ہے کہ سورج کے پرستار ہوئے

 

[عمر سیف]

زندگی یوں تو ہمیشہ سے پریشاں سی تھی
اب تو ہر سانس گراں بار ہوئی جاتی ہے

 

[عمر سیف]

زندگی ہے یا کوئی طوفان ہے
ہم تو اس جینے کے ہاتھوں مر چلے

 

[عمر سیف]

زندگی یوں تو نہ بانہوں میں چلی آ
غمِ دوراں کے ذرا ناز آٹھاؤ یارو

 

[فرحت کیانی]

زندگی کیا ہے ! طلسمات کی وادی کا سفر
پھر بھی فرصت نہیں ملتی مجھے حیرانی کی

بہت خوب ضبط

 

[فرحت کیانی]

میں زند گی کی دعا مانگنے لگاہوں بہت

جو ہو سکے تودعائوں کو بے اثر کر دے ۔
(افتخار عارف)

 

[شمشاد]

ضبط کیا زندگی کے موضوع پر آج ہی سارے اشعار لکھ دیئے؟

 

[شمشاد]

زندگی کیا ہے چند عناصر کا ظہورِ ترتیب
موت کیا ہے انہی اجزاء کا پریشاں ہونا

 

[ہما]

زندگی کیا کِسی مُفلس کی قبا ہو جِس میں
ہر گھڑی درد کی پیوند لگے جاتے ہیں

 

[شمشاد]

منفرد سا کوئی پیدا وہ فن چاہتی ہے
زندگی ایک نیا طر زِسخن چاہتی ہے
(نوشی گیلانی)

 

[عمر سیف]

ضبط کیا زندگی کے موضوع پر آج ہی سارے اشعار لکھ دیئے؟

نہیں کچھ باقی ممبران کے لیے رکھ چھوڑے ہیں۔

 

[عمر سیف]

موت کا نام ہی دنیا میں بڑا ہے ورنہ
زندگی میں بھی ہزار ایسے مقام آتے ہیں

 

[شمشاد]

زندگی کی شراب مانگتے ہو
ہم کو دیکھو کہ پی کے پیاسے رہے
(جاوید اختر)

 

[محمد وارث]

مجھ سے پوچھتے کیا ہو زندگی کے بارے میں
اجنبی بتائے کیا اجنبی کے بارے میں

انجم یوسفی

 

[شمشاد]

منفرد سا کوئی پیدا وہ فن چاہتی ہے
زندگی ایک نیا طر زِسخن چاہتی ہے
(نوشی گیلانی)

 

[محمد وارث]

نہیں کچھ باقی ممبران کے لیے رکھ چھوڑے ہیں۔

آپکی اس دریا دلی کا بہت شکریہ


کیا عشق ایک زندگیء مستعار کا
کیا عشق پایدار سے نا پایدار کا

کر پہلے مجھ کو زندگیء جاوداں عطا
پھر ذوق و شوق دیکھ دلِ بے قرار کا

اقبال

 

[شمشاد]

راحتیں جتنی بھی ہیں سب مشکلوں کے دم سے ہیں
زندگی میں جو بھی سکھ ہیں خواہشوں کے دم سے ہیں
(منیر نیازی)

 

[عمر سیف]

کتنی مانوس سی صدا ہوتی ہے
پلٹ کر دیکھوں، تو ہوا ہوتی ہے
وہ مجھے زندگی کی طرح لگتا ہے
زندگی بھی تو بےوفا ہوتی ہے

 

[شمشاد]

تیرے وعدے پر ستمگر ابھی اور صبر کرتے
اگر اپنی زندگی کا ہمیں اعتبار ہوتا
(داغ دہلوی)