زندگی

[سیدہ شگفتہ]

ارشاد ارشاد ۔۔۔

سارہ مجھے مار پڑوانی ہے کیا سب شعراء سے

زندگی میں اگر دکھ بویا کرو گے
تو آخر میں یونہی رویا کرو گے

 

[سارہ خان]

سارہ مجھے مار پڑوانی ہے کیا سب شعراء سے

زندگی میں اگر دکھ بویا کرو گے
تو آخر میں یونہی رویا کرو گے

بات تو بڑی گہری کی ہے ۔۔
نہیں مارتے شعراء حوصلہ افزائی کریں گے۔۔ آپ طبع آزمائی کرتی رہیئے ۔۔۔

 

[سیدہ شگفتہ]

بات تو بڑی گہری کی ہے ۔۔
نہیں مارتے شعراء حوصلہ افزائی کریں گے۔۔ آپ طبع آزمائی کرتی رہیئے ۔۔۔

آپ مجھے مزید اُکسا رہی ہیں سارہ
پہلے ہی میرا دیوان ڈھائی اشعار پر مشتمل موجود ہے

 

[سارہ خان]

آپ مجھے مزید اُکسا رہی ہیں سارہ
پہلے ہی میرا دیوان ڈھائی اشعار پر مشتمل موجود ہے

ماشاءاللہ اتنا بڑا دیوان ۔۔۔ تھک گئی ہونگیں اتنے زیادہ شعر کہہ کہہ کر آپ تو ۔۔

 

[آرزو]

زندگی تو اک زندان ہے ۔ کر دیتی ہے زخم خوردہ ۔۔۔

 

[آرزو]

لگتا یے سارے مصورف ہیں رمضان میں۔

 

[وقار علی ذگر]

جب بھی چاہا کروں ترک تعلق تجھ سے
زندگی تجھ سے کوئی کام نکل آتا ہے

 

[جاسمن]

سِتَم سے اُن کےخلؔش، زندگی لبِ دم ہے
مگر وہ ہیں کہ ، ابھی اور ٹھان بیٹھے ہیں

شفیق خلؔش

 

[زیرک]

زندگی دی ہے مجھے آگ کے دریا کی طرح
پار اترنے کے لیے موم کی کشتی دی ہے
ظفر گورکھپوری

 

[زیرک]

بانٹ ڈالا ہے زندگی نے ہمیں
اپنے حصے میں ہم نہیں آئے
ن م راشد

 

[زیرک]

موت آئے تو دن پھِریں شاید
زندگی نے تو مار ڈالا ہے
خمار بارہ بنکوی

 

[زیرک]

اک پری زاد کے یادوں میں اتر آنے سے
زندگی وصل کی بارش میں نہائ ہوئ ہے
مبشر سعید

 

[زیرک]

میں کسی روز بھاگ جاؤں گا
زندگی قیدِ بامشقت ہے

 

[زیرک]

پوشاکِ زندگی تجھے سِیتے سنوارتے
سو چھید ہو گئے ہیں رفوگر کے ہاتھ میں
منیر انور

 

[زیرک]

ہم نے ایسے اجاڑ دی جیسے
زندگی باپ کی کمائی ہو
جون ایلیا

 

[زیرک]

زندگی کیوں اجاڑ دی ناصر
باپ ترکے میں دے گیا تھا کیا؟
ناصر ملک

 

[زیرک]

زندگی ایسا بیاباں ہے کہ جس کے موسم
صرف اک شخص کے آنے سے سہانے ہو جائیں
سلیم کوثر

 

[زیرک]

ہجوم لاکھ سہی زندگی کے میلے میں
مِرے وجود میں اک آدمی اکیلا ہے

 

[زیرک]

سرحدِ کرب سے گزر کر بھی
زندگی تیرے امتحان میں ہوں​

 

[زیرک]

آج جمیل الدین عالی جی کا یومِ وفات ہے، مرحوم کے ایصالِ ثواب کیلئے دعا کیجئے گا۔

ادا نہیں ہے یہ ہے زندگی ان آنکھوں میں
بہت حسین بہت مضطرب بہت غم ناک