زکریا کی خدمت میں سپاس نامہ

[عبدالقیوم چوہدری]

محفل کی نانی سے کچھ ناراض

نہیں۔۔۔۔۔

 

[arifkarim]

نہیں۔۔۔۔۔

نہیں کا کیا مطلب؟ میری ان سے فیس بک پر بات چیت رہتی ہے اور یہی وجہ ہے جو اوپر میں نے بتائی ہے۔ اسکے علاوہ بھی انتظامیہ سے کچھ تحفظات ہیں انکے جنکی بناء پر وہ چلے گئے ہیں۔

 

[Mystic Enigma]

نانی کون؟

 

[arifkarim]

نانی کون؟

جی زیک بانی ہیں، ہم بانی ثانی ہیں اور ابن سعید نانی ہیں۔

 

[نوشاب]

برادرم ہمیں انتہائی حیرت ہے کہ اس میں نہ اچھا لگنے والا پہلو کہاں سے نکل آیا۔ پھر بھی اگر کوئی ہے تو اسے جاننا ہماری دلچسپی سے عاری نہ ہوگا۔ اگر آپ کا اشارہ لفظ "کافر" کی جانب ہے تو جہاں تک ہمارا خیال ہے کہ اردو ادب میں یہ لفظ بہت ہی خوشگوار معنوں میں بلا تامل مستعمل رہا ہے۔ اس کے لغوی معنی ہیں "انکار کرنے والا" اور برادرم زیک نے اردو ویب کی ذمہ داریاں مزید اٹھانے سے عمومی انکار کیا ہے اس لحاظ سے وہ کافر گردانے جا سکتے ہیں۔ ایک شعر اسی حوالے سے عرض خدمت ہے:

طور پر کافر گیا کافر سے ملنے کے لیے
عمر بھر دریائے رحمت میں وہی کافر رہا

ابن سعید بھائی اس شعر کی تشریح بتائیں گے مجھے ؟؟
میں اس شعر کو سمجھ نہیں پا رہا۔

 

[نور وجدان]

تو محترم نایاب کیوں خفا ہیں!!!!

 

[ابن سعید]

ابن سعید بھائی اس شعر کی تشریح بتائیں گے مجھے ؟؟
میں اس شعر کو سمجھ نہیں پا رہا۔

غالباً اس شعر میں حضرت موسیٰ علیہ السلام اور رب کائینات دونوں کو کافر کہا گیا ہے، ان معنوں میں کہ وہ دونوں ہی باطل کا انکار کرنے والے۔

 

[Mystic Enigma]

بہت خوب! بہت عمدہ!! زبردست!!!

ملٹپل ریٹنگ کی واقعی ضرورت محسوس ہو رہی ہے۔

ملٹیپل ہوگا یا ملٹپل

 

[عبدالمغیث]

سپاس: شکریہ
نامہ: خط یا تحریر

سپاس کونسی زبان کا لفظ ہے؟ یہ شکریہ نامہ تو اُردو کی خدمات کے لیے لکھا گیا ہے۔

 

[Mystic Enigma]

برادرم ہمیں انتہائی حیرت ہے کہ اس میں نہ اچھا لگنے والا پہلو کہاں سے نکل آیا۔ پھر بھی اگر کوئی ہے تو اسے جاننا ہماری دلچسپی سے عاری نہ ہوگا۔ اگر آپ کا اشارہ لفظ "کافر" کی جانب ہے تو جہاں تک ہمارا خیال ہے کہ اردو ادب میں یہ لفظ بہت ہی خوشگوار معنوں میں بلا تامل مستعمل رہا ہے۔ اس کے لغوی معنی ہیں "انکار کرنے والا" اور برادرم زیک نے اردو ویب کی ذمہ داریاں مزید اٹھانے سے عمومی انکار کیا ہے اس لحاظ سے وہ کافر گردانے جا سکتے ہیں۔ ایک شعر اسی حوالے سے عرض خدمت ہے:

طور پر کافر گیا کافر سے ملنے کے لیے
عمر بھر دریائے رحمت میں وہی کافر رہا

یہ شعر کس کا ہے

 

[ابن سعید]

ملٹیپل ہوگا یا ملٹپل

جیسا آپ مناسب سمجھیں بٹیا۔

یہ شعر کس کا ہے

ہمیں اس کا علم نہیں۔ ہم نے یہ شعر کوئی اٹھارہ انیس برس قبل سنا تھا، اب تو یہ بھی یاد نہیں کہ شعر ایسے ہی تھا یا ہماری یاد داشت نے کوئی تحریف کی۔

 

[ابن سعید]

سپاس کونسی زبان کا لفظ ہے؟ یہ شکریہ نامہ تو اُردو کی خدمات کے لیے لکھا گیا ہے۔

فارسی!

 

[سین خے]

کچھ عرصہ قبل اردو ویب کے بانی اور محفل فورم کے ایڈمن زکریا نے اردو ویب چھوڑنے کا اعلان کر دیا تو بہت سے لوگ دیر تک صدمے کے عالم میں رہے۔ اب اس بات کو کئی مہینے ہو چکے ہیں تو مجھے خیال آیا کہ کیوں نہ زکریا کی خدمت میں ان کی اردو کے لیے خدمات کے اعتراف میں ایک سپاس نامہ پیش کیا جائے۔ میں اس سپاس نامے کے لیے موزوں عبارت تیار کرنے کی کوشش کر رہا تھا کہ مشتاق احمد یوسفی کی کتاب زرگزشت میں ایک سپاس نامہ نظر آیا جو کہ ان کے بینک منیجر اینڈرسن کو اس کی الوداعی پارٹی کے موقعے پر پیش کیا گیا تھا۔ یہ سپاس نامہ انگریزی محاوروں سے پُر ہے جس کا یوسفی صاحب نے بے مثال اردو ورژن پیش کیا ہے۔ مجھے خیال آیا کہ اسی سپاس نامے کو معمولی ترمیم کے ساتھ زکریا کے لیے سپاس نامے کے طور پر بھی استعمال کیا جا سکتا ہے۔ ذیل میں یہ سپاس نامہ ملاحظہ فرمائیے۔​

محترم زکریا اجمل!!
ہمارے لیے یہ انتہائی مسرت و ملال کا سنگم ہے کہ آپ تشریف لے جا رہے ہیں۔ آپ نے ہمیشہ انتظامی گتھیوں کے سینگ پکڑ کر ان کا مقابلہ کیا ہے۔ آپ نے یہ رخصت اپنی پیشانی کے پسینے سے کمائی ہے۔ آپ اپنی موم بتّی دونوں طرف سے جلاتے رہے ہیں۔ یہ اس نومولود فورم کے دانت نکلنے کا زمانہ تھا۔ مگر آپ نے کمال چابکدستی سے محفل فورم کی کشتی کو ایک طرف چٹان اور دوسری طرف بھنور سے بچا کر خشک ساحل پر لا کھڑا کیا۔ یہی نہیں، آپ نے مخالف ویب سائیٹوں کے بادبانوں کی ساری ہوا نکال دی۔ اس فورم کی ترقی کے لیے آپ نے کوئی پتھر اُتَّھل پُتَّھل کیے بغیر نہیں چھوڑا۔ آپ اپنی پتوار پر سر ٹکا کر نہیں سوئے۔ محفل فورم کا پرچم لہراتے ہوئے آپ نے کبھی اپنے پیروں کے نیچے کائی نہیں جمنے دی۔

ہم محفل فورم کے تمام عملے کی جانب سے حضور والا کو یہ یقین دلاتے ہیں کہ آپ کے بغیر محفل فورم کو چلانا ایسا ہی ہوگا جیسے کہ ہملٹ ڈرامہ پرنس آف ڈنمارک کے بغیر کھیلنا۔ ہمیں اس عارضی جدائی کا بڑا صدمہ ہے۔ ہم آپ کی خدمت میں گوٹے کا ہار اور آنسوؤں کا نذرانہ پیش کرتے ہیں۔ (ہار پہنایا جاتا ہے۔ تالیاں بجتی ہیں۔) ہم پورے وثوق سے کہہ سکتے ہیں کہ یہ مگرمچھ کے آنسو نہیں ہیں۔

آپ نے اس شیر خوار فورم کی خاطر اپنی کمزور صحت مکمل طور پر تباہ کر لی ہے، جس کی بحالی کے لیے ہم اور ہمارے معصوم اطفال چوبیس گھنٹے دعا کرتے رہیں گے۔ دنیا دیکھے گی کہ وقت کے ریگزار میں ہمارا ہر قدم آپ ہی کے نقش قدم پر پڑتا چلا جائے گا۔ ہم آئندہ بھی محفل فورم کو آپ کی دانائی سے حاملہ نصیحت کی روشنی میں چلاتے رہیں گے کہ فرض فرض ہے اور ایمانداری بہترین پالیسی ہے۔ ہمیں شیکسپئیر کا تو کوئی حسب حال شعر یاد نہیں ہے، لیکن ورناکیولر کے سب سے بڑے شاعر غالب نے اپنے بادشاہ کو دعا دی تھی کہ خدا تمہیں ایک ہزار سال سلامت رکھے اور ہر سال پچاس ہزار دن کا ہو۔ محترم زکریا اجمل! ہماری دعا ہے کہ آپ اتنے عرصے سلامت رہنے کے علاوہ اس فورم کے منتظم اعلی بھی رہیں (محفلین کورس میں آمین ثم آمین کہتے ہیں۔)

ہماری سمجھ میں نہیں آتا کہ اس سپاسنامے کو کیسے ختم کریں۔ ہم شرمندہ ہیں کہ مختصر نوٹس کے سبب ہم اسے چھپوا کر سنہری فریم میں پیش نہ کر سکے۔ ممکن ہے کہ آپ کو اس میں املا کی ضرورت سے زیادہ غلطیاں بھی نظر آئیں۔ مگر غلطی کرنا انسان کا کام ہے، معاف کرنا فرشتوں کا۔

ہم ہیں جناب کے انتہائی تابعدار اور غمزدہ
ارکان محفل فورم

مزے دار

 

[سین خے]

زیک بھائی کی کتنے دنوں بعد واپسی ہوئی تھی؟

محمد وارث بھائی

 

[محمد وارث]

زیک بھائی کی کتنے دنوں بعد واپسی ہوئی تھی؟

محمد وارث بھائی

ایک آدھ سال یا شاید کچھ اس سے بھی زیادہ عرصہ تو لگا تھا!

 

[سین خے]

ایک آدھ سال یا شاید کچھ اس سے بھی زیادہ عرصہ تو لگا تھا!

مجھے 2013 کا ہی سال یاد آرہا تھا۔ سوچا کہ شائد غلط یاد ہو اور ہو سکتا ہے اس سے پہلے واپسی ہو گئی ہو لیکن ۔۔۔۔