زیرک کے پسندیدہ اشعار

[زیرک]

ہر روز تجھ کو دیکھ تو سکتے ہیں نامراد
تیری گلی کے لوگ بڑے خوش نصیب ہیں
عبدالحمید عدم​

 

[زیرک]

عدم ہماری جوانی ہماری دولت تھی
بڑی فراخ دلی سے تباہ کی ہم نے
عبدالحمید عدم​

 

[زیرک]

شیخ جی! ہم تو جہنم کے پرندے ٹھہرے
آپ کے پاس تو فردوس کی چابی ہو گی
عبدالحمید عدم​

 

[زیرک]

ہم نے خود مسکرا کے دیکھا ہے
مسکراہٹ بھی نوحہ خوانی ہے
عبدالحمید عدم​

 

[زیرک]

تسکینِ دل کی ایک ہی تدبیر ہے فقط
سر پھوڑ لیجئے کوئی ""دیوار"" دیکھ کر
عبدالحمید عدم​

 

[زیرک]

سالہا سال کی عبادت سے
اک ندامت کی آه بہتر ہے
عبدالحمید عدم​

 

[زیرک]

جہاں چلتی ہو مرضی دوسروں کی
وہاں اپنی '''رضا''' کو بھول جاؤ
عبدالحمید عدم​

 

[زیرک]

جال میں آ گئے ہیں غم کتنے
اک خوشی کا شکار کرتے ہوئے​

 

[زیرک]

ایک ہی شہر میں ہیں ہم دونوں
بیچ میں ہیں کئی "جہاں" جاناں
عارف اشتیاق​

 

[زیرک]

مسلک جدا ملے، کہیں فرقہ جدا ملے
اب اتنی بھیڑ بھاڑ میں کیسے خدا ملے
عارف اشتیاق​

 

[زیرک]

ہمیں تو ذات کی تشہیر چاہیے ہے میاں
فقیری دھوکہ ہے اور شاعری بہانہ ہے
عارف امام​

 

[زیرک]

کیا خوب مزا تھا جینے میں، اک زخم چھپا تھا سینے میں
اس زخم کو کُھرچا ناخن سے اور خون بہا کر رقص کیا
عارف امام​

 

[زیرک]

یہ میرے ہاتھ میں تسبیح، یہ ماتھے پہ نشاں
سب تماشہ ہے مِرا، اس کو عبادت نہ سمجھ
عارف امام​

 

[زیرک]

میرے چہرے سے نہ اندازہ لگانا، کہ یہ عمر
مجھ پہ بیتی ہے بہت، میں نے گزاری کم ہے
عارف امام​

 

[زیرک]

دردِ ہجرت کے ستائے ہوئے لوگوں کو کہیں
سایۂ در بھی نظر آئے تو گھر لگتا ہے
بخش لائلپوری​

 

[زیرک]

ہمارے خواب چوری ہو گئے ہیں
ہمیں راتوں کو نیند آتی نہیں ہے
بخش لائلپوری​

 

[زیرک]

نام ہونٹوں پہ تِرا آئے تو راحت سی ملے
تُو تسلی ہے، دلاسہ ہے، دعا ہے، کیا ہے؟
نقش لائلپوری​

 

[زیرک]

خود کو جلا کے راکھ بنایا،۔۔ مٹا دیا
لو اب تمہاری راہ میں دیوار ہم نہیں
نقش لائلپوری​

 

[زیرک]

ہم نے کیا پا لیا ہندو یا مسلماں ہو کر
کیوں نہ انساں سے محبت کریں انساں ہو کر
نقش لائلپوری​

 

[زیرک]

جس کی چھاؤں میں بچپن میں کھیلا کرتے تھے
شجر وہ بوڑھا سا اب گاؤں میں نہیں ملتا
وحید نظامی​