زیرک کے پسندیدہ اشعار

[زیرک]

اک مئے کدے کی شام تو لکھ دو ہمارے نام
ہم بچ بچا کے گردشِ دوراں سے آئے ہیں
جوہر سعیدی​

 

[زیرک]

شب پرستو! درِ امکانِ سحر بند کرو
مجھ سے پہلے مِرے خوابوں کو نظر بند کرو
جوہر سعیدی​

 

[زیرک]

میرے دل کو بھی پڑا رہنے دو
چیز رکھی ہوئی کام آتی ہے
بسمل سعیدی​

 

[زیرک]

رِندوں کو ڈرا سکتے ہیں کیا حضرتِ واعظ
جو کہتے ہیں، اللہ سے ڈر کر نہیں کہتے
بسمل سعیدی​

 

[زیرک]

ٹھوکر کسی پتھر سے اگر کھائی ہے میں نے
منزل کا نشاں بھی اسی پتھر سے ملا ہے
بسمل سعیدی​

 

[زیرک]

تمہاری بات چھڑ جائے تو باتیں بیچ دیتا ہوں
ضرورت کچھ زیادہ ہو تو یادیں بیچ دیتا ہوں
خلیل الرحمٰن قمر​

 

[زیرک]

دیکھتے کیا ہو بھلا دور سے پانی کا بہاؤ
لطف لینا ہے تو پانی میں اتر کر دیکھو
نعیم بازید پوری​

 

[زیرک]

کھلنے کے باوجود وہ مجھ پر نہ کھل سکا
بندِ قبا کے بعد بھی گِرہیں بہت سی تھیں
نعیم بازید پوری​

 

[زیرک]

بے وفاؤں سے بچھڑ کر جو پلٹ کر دیکھے
آگ اس شخص کی آنکھوں کو لگا دی جائے
خلیل الرحمان قمر​

 

[زیرک]

امیرِ شہر میں خوگرِ سکون کہاں
تمام عمر مصیبت کوئی کھڑی رکھنا
خلیل الرحمان قمر​

 

[زیرک]

اے تیرگی کے کارکن جو کہہ دیا سو کہہ دیا
ہمیں دِیا عزیز ہے، تُو جا ہوا سے بات کر
عابی مکھنوی​

 

[زیرک]

تیری خوشبو عذاب توڑتی ہے
جیسے آندھی گلاب توڑتی ہے
توڑ دیتا ہوں جام توبہ پر
پھر یہ توبہ، شراب توڑتی ہے​

 

[زیرک]

یہی نہیں کہ محبت کے خواب دیکھے ہیں
سیاہ بختوں نے سارے عذاب دیکھے ہیں​

 

[زیرک]

میرا بچھڑا رانجھن موڑ سجن
مجھے چاہ نہ کوئی اور سجن
میں نے اوڑھا رنگ سیاہ فقط
دیئے کنگن، چُوڑی توڑ سجن​

 

[زیرک]

مِری آنکھوں کے سیاہ حلقوں پہ ہنسنے والو
اپنے بچھڑیں تو سبھی رنگ اتر جاتے ہیں​

 

[زیرک]

فقیر کیوں تجھے مرنے کی بد دعا دے گا
تیرا غرور ہی کر جائے گا تباہ تجھے​

 

[زیرک]

تمہاری یاد ہے ماتم کناں ابھی مجھ میں
تمہارا درد ابھی تک سیاہ لباس میں ہے​

 

[زیرک]

کیسےچپ چاپ ہی مر جاتے ہیں کچھ لوگ یہاں
جسم کی ٹھنڈی سی تاریک سیاہ قبر کے اندر​

 

[زیرک]

اٹھا کے پھرتے رہے ہیں عذابِ دربدری
کبھی بہشت، کبھی ذات سے نکالے ہوئے​

 

[زیرک]

اب تو کچھ نقش بچے ہیں، پسِ دیوارِ بدن
مجھ میں اک شخص مکیں تھا، کبھی پہلے پہلے​