سادہ سا سوال ہے !

[لئیق احمد]

سوال یہ ہے کہ گلاب کے پھول کے پاس جامن رکھ دینے سے گلاب جامن کا حصول ممکن ہے کہ نہیں؟

اگر کسی کو گلاب اور جامن دونوں پسند ہوں ، اور اسے گلاب جامن بنانے آتے ہوں تو بالکل ممکن ہے۔

 

[عرفان سعید]

سوال یہ ہے کہ گلاب کے پھول کے پاس جامن رکھ دینے سے گلاب جامن کا حصول ممکن ہے کہ نہیں؟

اسی پر
کس گُلے یا گُلی کا رس نکال کر رس گُلا بنتا ہے؟

 

[حمیرا عدنان]

ایک سوال میری طرف سے بھی،
عید ملنے والوں کے بارے میں کیسے اندازہ لگایا جا سکتا ہے کہ وہ ایک دفعہ ملے گا یا تین دفعہ؟

 

[جان]

اگر انسان دو بار ادھ موا ہو جائے تو کیا مکمل موت واقع ہو جائے گی؟

ہاف لائف۔

 

[محمد تابش صدیقی]

ایک سوال میری طرف سے بھی،
عید ملنے والوں کے بارے میں کیسے اندازہ لگایا جا سکتا ہے کہ وہ ایک دفعہ ملے گا یا تین دفعہ؟

اس کا حل یہ ہے کہ اندازہ لگانے کا کام دوسرے بندے پر چھوڑیں۔ اپنے طریقے پر ڈٹ جائیں۔

 

[حمیرا عدنان]

اس کا حل یہ ہے کہ اندازہ لگانے کا کام دوسرے بندے پر چھوڑیں۔ اپنے طریقے پر ڈٹ جائیں۔

کبھی کبھی ڈھیٹ قسم کے لوگ بھی مل جاتے ہیں جن سے آپ ایک دفعہ ملنا چاہتے ہوں اور وہ تین دفعہ مل کر پیچھے ہٹیں تب کسے زیادہ شرمندہ ہونا چاہیے

 

[یاز]

اسی پر
کس گُلے یا گُلی کا رس نکال کر رس گُلا بنتا ہے؟

برف سے برفی بنانے کی بابت بھی روشنی ڈالئے گا۔

 

[محمد تابش صدیقی]

کبھی کبھی ڈھیٹ قسم کے لوگ بھی مل جاتے ہیں جن سے آپ ایک دفعہ ملنا چاہتے ہوں اور وہ تین دفعہ مل کر پیچھے ہٹیں تب کسے زیادہ شرمندہ ہونا چاہیے

مشاہدہ یہی ہے کہ تین دفعہ کی خواہش والا ہی اپنا سا ہاتھ لے کر رہ جاتا ہے۔ جبکہ ایک دفعہ والا اگلے بندے سے گلے مل رہا ہوتا ہے۔

 

[نکتہ ور]

سوال یہ ہے کہ گلاب کے پھول کے پاس جامن رکھ دینے سے گلاب جامن کا حصول ممکن ہے کہ نہیں؟

بہت سادہ سا سوال ہے ،
کیا جامن کے درخت کے نیچے گلاب کا پودا لگانے سےگلاب جامن لگ جائیں گی ؟

اگر جامن ٹوٹ کر سیدھا گلاب کے پھول پر گر کر وہیں ٹکا رہے تب ایسے ہو گا۔

 

[محمد تابش صدیقی]

کبھی کبھی ڈھیٹ قسم کے لوگ بھی مل جاتے ہیں جن سے آپ ایک دفعہ ملنا چاہتے ہوں اور وہ تین دفعہ مل کر پیچھے ہٹیں تب کسے زیادہ شرمندہ ہونا چاہیے

ایک اور حل یہ ہے کہ پہلی دفعہ ہی اتنی گرم جوشی سے گلے ملیں، کہ تین دفعہ والا اگلی دفعہ کی ہمت ہی نہ کر پائے۔

 

[خالد محمود چوہدری]

میں نے تو جاپان میں خوب کاکیاں کھائیں۔

ہمیں یہ "کاکیاں" بالکل بھی پسند نہیں ہیں ۔

 

[محمد عدنان اکبری نقیبی]

ایک اور حل یہ ہے کہ پہلی دفعہ ہی اتنی گرم جوشی سے گلے ملیں، کہ تین دفعہ والا اگلی دفعہ کی ہمت ہی نہ کر پائے۔

بھیا کیونکہ کسی کی پسلی توڑوانی ہے ۔

 

[یاز]

بھیا کیونکہ کسی کی پسلی توڑوانی ہے ۔

یہ شیروانی سے اختراع نکلی ہے کیا؟

 

[عرفان سعید]

اگر میں ناکامی پر کتاب لکھوں اور وہ بالکل نہ بِکے تو اسے کامیابی کہیں گے یا ناکامی؟

 

[یاز]

اگر میں ناکامی پر کتاب لکھوں اور وہ بالکل نہ بِکے تو اسے کامیابی کہیں گے یا ناکامی؟

اصل کامیابی تو یہ ہو گی کہ کتاب لکھنے میں ہی ناکام ہو جائیں۔

 

[عرفان سعید]

اصل کامیابی تو یہ ہو گی کہ کتاب لکھنے میں ہی ناکام ہو جائیں۔

فقرے بازی میں جواب نہیں آپ کا۔ بہت اعلی!

سرگوشی

ایک دفعہ کورس شروع ہو جائے، وہاں دھر لیں گے آپ کو۔

 

[یاز]

فقرے بازی میں جواب نہیں آپ کا۔ بہت اعلی!

سرگوشی

ایک دفعہ کورس شروع ہو جائے، وہاں دھر لیں گے آپ کو۔

حضور کی ذرہ نوازی ہے، ورنہ بندہ کس قابل ہے۔

 

[عرفان سعید]

فطرانہ ۱۴ اگست کو پرچم کشائی سے پہلے دیتے ہیں یا بعد میں؟

 

[یاز]

فطرانہ ۱۴ اگست کو پرچم کشائی سے پہلے دیتے ہیں یا بعد میں؟

ہم نے تو منہ دکھائی سے پہلے کا سنا تھا۔

 

[یاز]

سوال یہ تھا کہ
شامی کباب ہوتا ہے تو کیا صبحی کباب یا دوپہری کباب وغیرہ بھی ہوتے ہیں؟