سولھویں سالگرہ سالگرہ مبارگ ڈنڈا ہٹا کے !

[زیک]

شکر ہے عنوان میں ڈنڈا ہٹا کے لکھا تھا ورنہ سکول والے ڈنڈے سے کوئی خوشگوار یادیں وابستہ نہیں ہیں۔

 

[سیما علی]

بہت عمدہ ظہیر بھائی جیتے رہیے بہت ڈھیر ساری مبارک باد ۔۔۔
آپکا لکھا ہر لفظ اُردو محفل کی شان بڑھاتا ہے ڈھیروں دعائیں سلامت رہیے ۔۔۔۔۔۔۔

 

[ظہیراحمدظہیر]

اس بار ایک ہی وقت میں سولہویں، ششدہم اور شانزدہم سالگرہ چل رہی ہے۔

تابش بھائی ، محفل کے سرورق پر ششدہم کو شانزدہم سے بدل دیجئے ۔ درست ہوجائے گا ۔

 

[ظہیراحمدظہیر]

شکر ہے عنوان میں ڈنڈا ہٹا کے لکھا تھا ورنہ سکول والے ڈنڈے سے کوئی خوشگوار یادیں وابستہ نہیں ہیں۔

بدقسمتی سے پاکستان کے بعض دیہی علاقوں میں اب بھی صورتحال نہیں بدلی ۔ ڈنڈا ماسٹری ہورہی ہے۔

یہ آپ کی ڈی پی میں اپنی تصویر ہے یا IKEA والوں کا پوسٹر ہے ؟

 

[ظہیراحمدظہیر]

بہت عمدہ ظہیر بھائی جیتے رہیے بہت ڈھیر ساری مبارک باد ۔۔۔
آپکا لکھا ہر لفظ اُردو محفل کی شان بڑھاتا ہے ڈھیروں دعائیں سلامت رہیے ۔۔۔۔۔۔۔

شکریہ آپا ۔
آپ کو محفل کی سالگرہ مبارک ہو!

 

[ظہیراحمدظہیر]

تابش بھائی ، محفل کے سرورق پر ششدہم کو شانزدہم سے بدل دیجئے ۔ درست ہوجائے گا ۔

اوہو ! یہ تو غلط والے تابش ٹیگ ہوگئے ۔ بہت معذرت جناب ۔ دراصل محمد تابش صدیقی کوٹیگ کرنا تھا ۔

 

[زیک]

یہ آپ کی ڈی پی میں اپنی تصویر ہے یا IKEA والوں کا پوسٹر ہے ؟

آئیکیا کا پوسٹر ہی ہے۔

 

[محمداحمد]

دلچسپ بلکہ بقول خلیل بھائی مزیدار مزیدار

ہم فی الحال ڈنڈنے لگانے اور ہٹانے سے گریز کر رہے ہیں کہ اوپر کی تمام پوسٹ (ڈنڈوں) سے بچتے بچاتے یہاں تک پہنچے ہیں۔

 

[زوجہ اظہر]

کبھی ف کی بولی۔

خوب یاد دلایا
میں نے بچوں کوخصوصا فے کی بولی سکھائی ہے

بچوں کو وہ چیزیں بھی سکھانا کہ جن سے ہم خود کبھی محظوظ ہوئے ہوں
ان کے ساتھ تعلق کے لئے کارآمد گر ہے

 

[زوجہ اظہر]

تابش بھائی ، محفل کے سرورق پر ششدہم کو شانزدہم سے بدل دیجئے ۔ درست ہوجائے گا ۔

شانز دہم ؟
ششدہم سمجھ میں آرہا تھا کہ چھے اور دس

 

[ظہیراحمدظہیر]

شانز دہم ؟
ششدہم سمجھ میں آرہا تھا کہ چھے اور دس

فارسی میں سولہ کو شانزدہ کہتے ہیں ۔ اس لئے سولہویں کو شانزدہم کہا جائے گا ۔

 

[نیرنگ خیال]

میں تو اس آس پر آیا تھا کہ محفلین کو لگے ڈنڈے۔۔۔ لیکن یہاں تو بات نقطوں تک جا پہنچی ہے۔

ظہیر بھائی کیا انداز ہے آپ کا ۔۔۔۔ زبردست

 

[فہد اشرف]

لیکن یہاں تو بات نقطوں تک جا پہنچی ہے۔

سوچیے اگر نقطے بھی ہٹا دیے کسی نے تو کیا بچے گا

سرگوشی

بے نقط

 

[محمد تابش صدیقی]

میں تو اس آس پر آیا تھا کہ محفلین کو لگے ڈنڈے۔۔۔ لیکن یہاں تو بات نقطوں تک جا پہنچی ہے۔

ظہیر بھائی کیا انداز ہے آپ کا ۔۔۔۔ زبردست

آپ برے آدمی ہیں ط لگا کے۔

 

[گُلِ یاسمیں]

میں تو اس آس پر آیا تھا کہ محفلین کو لگے ڈنڈے۔۔۔ لیکن یہاں تو بات نقطوں تک جا پہنچی ہے۔

ظہیر بھائی کیا انداز ہے آپ کا ۔۔۔۔ زبردست

زیادہ دنوں بعد آئیں گے تو آسیں آسیب بنتی جائیں گی۔۔

 

[محمد عبدالرؤوف]

آپ برے آدمی ہیں ط لگا کے۔

واہ واہ تابش بھائی

 

[گُلِ یاسمیں]

سوچیے اگر نقطے بھی ہٹا دیے کسی نے تو کیا بچے گا

سرگوشی

بے نقط

واقعی بے نقط سنائی جائیں تو پتھر بھی بول اٹھیں

"مجھ پر یہ ضرب لگائی کس نے"

 

[سید رافع]

ظہیر بھائی آپ جب بھی لکھتے ہیں بہت لطف آتا ہے۔ آپکے لکھے نثر میں طلسماتی کشش ہے۔ زبردست!!

 

[نیرنگ خیال]

سوچیے اگر نقطے بھی ہٹا دیے کسی نے تو کیا بچے گا

سرگوشی

بے نقط

وہ کیا شعر تھا فہد۔۔۔۔
بتائے کون کہ کاغذ کی سطح ِ خالی پر
بغیر حرف بھی نقطہ وجود رکھتا ہے

ایسا تھا کچھ۔۔۔ اب ظہیراحمدظہیر بھائی کا نقطہ ہٹا دیں تو یہ ان سے طہارت ٹپکنے لگتی ہے۔ یہ تو ہر طرف سے محفوظ ہیں اس لیے کھل کر کھیل رہے ہیں۔۔۔

 

[نیرنگ خیال]

آپ برے آدمی ہیں ط لگا کے۔

کوئی دور تھا کہ یار لوگ ہمیں ہٹا کر یہ جملہ کہا کرتے تھے۔ آپ لگا کر کہہ رہے ہیں۔ آپ تو مقام عرفیت سے بھی آگے نکل گئے۔