سحری اور افطار میں کیا کھایا، کیا پیا؟

[شمشاد]

شکر الحمد للہ کہ اللہ کیسی کیسی نعمتیں عطا فرماتا ہے۔
افطارے میں سموسے، پکوڑے، چنا چاٹ، پھلوں کی چاٹ، ملک شیک اور آخر میں چائے۔
کھانا کھانے کی نوبت نہیں آتی، پھر سحری میں ہی کھاتے ہیں۔

 

[عثمان]

آجکل سحری میں عموماً بیگل سینڈوچ، دہی اور چائے
اور افطاری میں کھجور، چاول سالن

 

[شمشاد]

سحری میں وہی پراٹھا اور دہی ہو گا، لیکن آج شلجم کا سالن بھی بنایا گیا ہے۔

 

[عمار نقوی]

ابھی کچھ دیر پہلے سحری سے فارغ ہوئے۔
زیادہ کچھ نہیں بس آلو گوشت روٹی اور چائے۔

 

[عثمان]

افطاری میں چکن بریڈ اور مصر چاول

 

[سیما علی]

روٹی دہی سحری میں سب سے بہتر آخر میں ہماری چائے اور دوا!!!!!

 

[شمشاد]

میں تو ابھی سحری کرنے جا رہا ہوں۔
اور سحری میں حسب معمول وہی پراٹھا میٹھی دہی کے ساتھ، پھر چائے اور دوا۔

 

[عرفان سعید]

حسن نے اپنا پہلا روزہ رکھا تو روزہ کشائی کے اہتمام میں چند کھانے کی اشیا بنائیں
(تصاویر پچھلے رمضان کی ہیں، لیکن لڑی کی مناسبت سے سوچا کہ شیئر کر دی جائیں)۔

چکن فروٹ سینڈوچ

چکن پیٹیز

پکوڑے اور سموسے

فروٹ چاٹ

آلو چنے کی چاٹ

دہی بڑے

گلاب جامن

 

[ام عبدالوھاب]

میں نے کل افطاری میں فروٹ چاٹ اور بریانی بنائی۔ساتھ دہی میں اناردانے اور پودینے کی چٹنی۔
عبدالوھاب سموسے بھی لے آیا۔
مجھے افطاری میں زیادہ چیزیں پسند ںہیں کیونکہ زیادہ کھایا نہیں جاتا تو باقی خراب ہوتا ہے۔
صبح سہری میں دہی روٹی اور ٹینڈے گوشت کا سالن۔ساتھ میں لسی تو لازمی جزو ہے۔

 

[ام عبدالوھاب]

سوچ رہی ہوں کہ افطاری میں کیا بناؤں۔ یہ فیصلہ کرنا بہت مشکل ہے

 

[گُلِ یاسمیں]

شامی کباب بنا لیجئیے اور ساتھ میں چکن پلاؤ۔ ہمیں اچھا لگتا ہے۔

 

[آورکزئی]

ملائی جمع چپاتی جمع جائے۔۔۔۔۔۔۔۔۔۔۔۔اور ہاں ساتھ میں مربہ

 

[ام عبدالوھاب]

شامی کباب بنا لیجئیے اور ساتھ میں چکن پلاؤ۔ ہمیں اچھا لگتا ہے۔

ارے۔۔۔۔۔۔۔۔۔۔۔۔۔۔ مجھے بھی یہ بہت پسند ہیں۔شامی تو بنا کر فریزر میں رکھ چھوڑتی ہوں۔
آج پلاؤ بنایا۔۔۔۔۔ ساتھ میں رشئین سیلڈ۔اور پکوڑے۔
ساتھ ساتھ سہری کیلیئے چکن کا وائٹ قورمہ بنا لیا ہے۔۔۔۔۔۔اف چکن کتنا مہنگا ہوگیا ہے۔

 

[گُلِ یاسمیں]

ارے۔۔۔۔۔۔۔۔۔۔۔۔۔۔ مجھے بھی یہ بہت پسند ہیں۔شامی تو بنا کر فریزر میں رکھ چھوڑتی ہوں۔
آج پلاؤ بنایا۔۔۔۔۔ ساتھ میں رشئین سیلڈ۔اور پکوڑے۔
ساتھ ساتھ سہری کیلیئے چکن کا وائٹ قورمہ بنا لیا ہے۔۔۔۔۔۔اف چکن کتنا مہنگا ہوگیا ہے۔

معلوم نہیں کتنا مہنگا ہوا۔ لیکن ابھی کچھ دیر پہلے بھائی سے بات ہو رہی تھی تو انھوں نے کہا کہ مرغیاں کیوں نہیں پالتی ہو۔ کل کو گھر کے دیسی انڈے ہوں گے۔ مرغیوں کے بچے ہوں گے۔
ہم سمجھے کہ بس اب ہماری کھچائی شروع ہونے کو ہے۔۔۔ ان کا اگلا جملہ ہو گا شیخ چلّی کی کہانی جیسا۔
لیکن انھوں نے کہا کہ جب وہ بچے بڑے ہوں گے تو گھر کی دیسی مرغیاں کھانے کو ملیں گی۔
ہم سوچ ہی رہے تھے کہ بولیں گھر کی مرغی تو دال برابر ہوتی ہے۔
اچانک بھابی نے امھیں آواز دے لی۔۔۔۔۔ اجی سنتے ہووووووووو۔۔
لازمی مارکیٹ بھیجنا ہو گا،

خیر وہ جانیں اور ان کی بیوی کی گروسری لسٹ۔۔۔ ہم نے ٹھان لی ہے کہ اگلے سال مرغیاں پالنی ہی پالنی ہیں بشرطیکہ صحت و زندگی۔
ہائے صدقے جاواں اس پلاؤ کے اور ام عبدالوھاب بہنا کے۔ پکوڑے بھی ہمیں پسند ہیں۔ لیکن رمضان میں ابھی تک نہیں بنائے۔

 

[شمشاد]

ہیں یہ کیا رمضان کے 8 روزے گزر گئے اور ابھی تک آپ تک پکوڑے نہیں کھائے افطاری میں۔ پکوڑے تو افطاری کا لازمی جزو بن کر رہ گئے ہیں۔

 

[گُلِ یاسمیں]

دیکھ لیں پھر ۔۔۔۔ کیسی صابر و شاکر محفلین آئی ہے آپ کی محفل میں جس نے روزوں کی رسم ہی توڑ دی پکوڑوں والی ۔۔۔ بس سموسے ای سموسے۔۔ایک نہیں ، دو نہیں ۔۔۔ تین نہیں۔۔چار چار۔

 

[شمشاد]

آپ کو اس قانون شکنی پر عدالت کا سامنا بھی کرنا پڑ سکتا ہے۔

 

[زوجہ اظہر]

یہ کیا بھئ ،سیاسی گہماگہمی میں،کھانے پینے کی لڑی کی فراموشی


افطار میں پزا بنائے لیکن خاص بات یہ رہی کہ پہلی دفعہ اوون کے بغیر ، بگونے اور پین کےاستعمال سے بنائے

 

[عبدالصمدچیمہ]

سحری میں ایک روٹی اور ساتھ سالن جو بھی بنا ہو۔ کبھی کبھار دہی۔
افطاری میں پکوڑے اور روح افزاء۔

 

[سید عاطف علی]

بطخ کا سالن ۔ مچھلی اور روٹی ۔ساتھ نارنگی اور کیوی ۔
کل کی افطاری ۔