سفری شاعری

[عاطف بٹ]

السلام علیکم عزیز محفلین،
پاکستان میں رہنے والے آپ میں سے تقریبآ ہر شخص کو ٹرکوں، بسوں اور رکشوں کے پیچھے ایسی "شاندار شاعری" پڑھنے کا موقع ملا ہوگا جسے پڑھنے کے بعد چہرہ کِھل اٹھتا ہے اور آنکھوں میں چمک سی آ جاتی ہے۔
تو بس اب کرنا یہ ہے کہ اسی شاعری کو یہاں محفل میں موجود اپنے پیاروں کے ساتھ شئیر کرنا ہے تاکہ جو چمک دمک اس شاعری کو پڑھ کر آپ کے چہرے اور آنکھوں میں پیدا ہوئی، اس کی جھلک کسی دوسرے کے چہرے پر بھی دکھائی دے سکے۔

 

[عاطف بٹ]

تو لیجئے پھر پہلا شعر جو آج ہی میں نے ایک رکشہ کے پیچھے پڑھا ہے۔

نگاہیں ملیں تو دل کا قصور نہیں ہے
لاہور سے کراچی زیادہ دور نہیں ہے

 

[مہدی نقوی حجاز]

ایک بات ہے عاطف بٹ صاحب کم از کم میں اس چیز کو شاعری نہیں مانتا۔۔ ہاں اگر آپ کہیں کہ وہ جملے تو آپ کا کہنا بہ سر و چشم۔۔

 

[مہدی نقوی حجاز]

تو لیجئے پھر پہلا شعر جو آج ہی میں نے ایک رکشہ کے پیچھے پڑھا ہے۔

نگاہیں ملیں تو دل کا قصور نہیں ہے
لاہور سے کراچی زیادہ دور نہیں ہے

کیا آپ اسے شعر کہیں گے؟؟

 

[عاطف بٹ]

ایک بات ہے عاطف بٹ صاحب کم از کم میں اس چیز کو شاعری نہیں مانتا۔۔ ہاں اگر آپ کہیں کہ وہ جملے تو آپ کا کہنا بہ سر و چشم۔۔

آپ یہ بات کہہ کر ہمارے سینکڑوں بلکہ ہزاروں ٹرک، بس اور رکشہ ڈرائیور بھائیوں کے ذوق پر سوالیہ نشان لگارہے ہیں۔

 

[سید ذیشان]

یہ جینا بھی کوئی جینا ہے؟
جہلم سے آگے دینا ہے!

 

[عاطف بٹ]

کیا آپ اسے شعر کہیں گے؟؟

اس شعر میں خرابی کیا ہے؟ اس بیچارے نے پتہ نہیں کتنے دل سے لکھوایا ہوگا اپنے رکشے پر۔

 

[سید ذیشان]

یہ جینا بھی کوئی جینا ہے؟
جہلم سے آگے دینا ہے!

ویسے اس شعر (یا مہدی صاحب کے مطابق جملے) میں ایک داستان غم بیان کی گئی ہے

 

[شمشاد]

ڈرائیور کی زندگی بھی عجب کھیل ہے
موت سے بچ گئے تو سنڑل جیل ہے

 

[سید ذیشان]

شائد اس پر ایک کتاب بھی چھپ چکی ہے جس میں ایسے تمام اشعار(؟) کو اکٹھا کیا گیا ہے اور اس میں ہر ایک کیساتھ ٹرک نمبر بھی دیا گیا ہے جس پر وہ جملہ لکھا ہوا تھا۔

 

[سیدہ شگفتہ]

دل کی یہ آرزو ہے کہتے چلے آؤ
کی گل اے بادشاہو، کی گل اے بادشاہو

 

[شمشاد]

اس قسم کا ایک دھاگہ پہلے بھی محفل میں شروع کیا گیا تھا۔ غالباً فرزانہ نیناں نے شروع کیا تھا۔

 

[مہدی نقوی حجاز]

آپ یہ بات کہہ کر ہمارے سینکڑوں بلکہ ہزاروں ٹرک، بس اور رکشہ ڈرائیور بھائیوں کے ذوق پر سوالیہ نشان لگارہے ہیں۔

آپ کو اس بات سے غیر متفق ہونے کا کامل حق ہے محترم۔

 

[سیدہ شگفتہ]

اس موضوع پہ پہلے بھی یہاں ایک دھاگہ کھولا گیا تھا ، (شاید فرزانہ نیناں نے کھولا تھا۔)

 

[شمشاد]

ہوئے مر کے ہم جو پیچھے ہوئے کیوں نہ بس کے نیچے
نہ کوئی جنازہ اٹھتا نہ کہیں مزار ہوتا

 

[مہدی نقوی حجاز]

اس شعر میں خرابی کیا ہے؟ اس بیچارے نے پتہ نہیں کتنے دل سے لکھوایا ہوگا اپنے رکشے پر۔

اس میں معذرت کے ساتھ شعر والی کوئی بات ہی نہیں ہے۔۔۔

 

[سید ذیشان]

اس میں معذرت کے ساتھ شعر والی کوئی بات ہی نہیں ہے۔۔۔

مہدی بھائی یہ مزاحیہ شاعری یا تک بندی وغیرہ ہے تو اس کو انجوئے کریں۔ اب ٹرک والوں سے ہم بہت اعلیٰ ذوق کی امید تو نہیں رکھ سکتے نا۔

 

[عاطف بٹ]

آپ کو اس بات سے غیر متفق ہونے کا کامل حق ہے محترم۔

اس میں معذرت کے ساتھ شعر والی کوئی بات ہی نہیں ہے۔۔۔

ارے بھائی، آپ سنجیدہ نہ ہوں یہ تو بس ہنسنے کھیلنے کا ایک بہانہ ہے ورنہ یقین مانیں میں اس "شاعری" کی کتاب ترتیب دینے کا کوئی ارادہ نہیں رکھتا۔

 

[مہدی نقوی حجاز]

ارے بھائی، آپ سنجیدہ نہ ہوں یہ تو بس ہنسنے کھیلنے کا ایک بہانہ ہے ورنہ یقین مانیں میں اس "شاعری" کی کتاب ترتیب دینے کا کوئی ارادہ نہیں رکھتا۔

آپ کی بات بجا ہے، ہم بھی بس آپ کو چھیڑ ہی تو رہے ہیں۔۔

 

[عاطف بٹ]

اس قسم کا ایک دھاگہ پہلے بھی محفل میں شروع کیا گیا تھا۔ غالباً فرزانہ نیناں نے شروع کیا تھا۔

اس موضوع پہ پہلے بھی یہاں ایک دھاگہ کھولا گیا تھا ، (شاید فرزانہ نیناں نے کھولا تھا۔)

میرے علم میں نہیں تھا اس لئے میں نے نیا دھاگہ شروع کردیا۔