سماجی مسائل پہ اشعار

[سحرش سحر]

معاشرتی ظلم و جبر :
امیر شہر نے الزام دھر دیئےورنہ
غریب شہر کچھ اتنا گناہگار نہ تھا

 

[محمد عدنان اکبری نقیبی]

ذخیرہ اندوزی

گندم امیر شہر کی ہوتی رہی خراب
بیٹی کسی غریب کی فاقہ سے مر گئ

 

[محمد تابش صدیقی]

انصافِ زمانہ تھا یا تقدیر کا چکر
ماں باپ کو آیا نہ تھا جوڑا بھی میسر

یوں کہنے کو دلہن تھی یہ مزدور کی دختر
اماں کا دوپٹہ تھا تو ابا کی تھی چادر
٭
احسان دانش​

 

[زیرک]

روزگارقانونی مسئلے پر وکیل شاعر عبداللہ کمال کاشعر یاد آ گیا
روز آتے ہیں کچہری میں کسی پیشی پر
اتنے عادی ہیں کہ تعطیل سے ڈر جاتے ہیں
عبداللہ کمال

 

[جاسمن]

غُربت
اے زمیں تیرے رزق میں ہم
اپنا حصہ تلاش کرتے ہیں

 

[جاسمن]

غُربت
بعد مرنے کے میری قبر پہ رکھنا تندور
تاکہ معلوم ہو فاقوں سے مرا ہے کوئی

 

[جاسمن]

ناانصافی
جس دور میں لُٹ جائے غریبوں کی کمائی
اُس دور کے سلطان سے کوئی بھول ہوئی ہے
تاحدِ نظر شعلے ہی شعلے ہیں وطن میں
پھولوں کے نگہباں سے کوئی بھول ہوئی ہے
ساغر صدیقی

 

[جاسمن]

چائلد لیبر
دیکھو جنوں میں ان کے کھلونے نہ توڑنا
ہم کو رقم کریں گے یہ بچے کتاب میں

 

[جاسمن]

جس پیڑ کی چھاؤں بھی لگے دھوپ کی مانند
اُس پیڑ پہ پنچھی بھی بسیرا نہیں کرتے

 

[جاسمن]

ذہنی دباؤ/خود کشی
رہتا نہیں انسان تو ہوتا نہیں غم بھی
سو جائیں گے اِک روز زمیں اوڑھ کے ہم بھی
احسان دانش

 

[جاسمن]

غُربت
غریبِ شہر جو فاقوں سے مرگیا سُن کر
امیرِ شہر نے ہیرے سے خود کشی کر لی

 

[جاسمن]

غُربت/مفلسی
جھُلسا گئی ہے اس کو فقط مفلسی کی دھوپ
جو شخص مرگیا ہے لہو تھوکتا ہؤا
حنیف سیماب

 

[جاسمن]

سماجی مسائل کی وجہ سے ذہنی دباؤ/چائلڈ لیبر
تھکا دیا ہے اُسے آندھیوں نے مل جُل کے
وہ پرندہ جو اونچی اُڑان رکھتا تھا

 

[جاسمن]

لاقانونیت
بے نور ہوچکی ہے بہت شہر کی ہوا
تاریک راستوں میں کہیں کھو نہ جائیں ہم
حبیب جالب

 

[جاسمن]

عوامی مزاج
تمام عمر سفر میں کٹی مگر اس طور
کہ رُخ جنوب کا ہے اور ہوا شمال کی ہے

 

[جاسمن]

مہنگا انصاف
مہنگا ہے بڑے شہر میں انصاف کا سودا
میں سچ کے ترازو میں کہاں تک اسے تولوں

 

[جاسمن]

عدم مساوات
میرے گھر کو بانٹ دیا ہے موسم نے دو حصوں میں
آدھے گھر میں دھوپ کھلی ہے آدھے گھر میں سایا ہے

 

[جاسمن]

لمبے قد میں بونے لوگ
اُف یہ آدھے پونے لوگ
سیدہ عصمت طاہرہ

 

[جاسمن]

ناانصافی
خون بہنے سے پہلے خون بہا دے
یہاں انصاف سے قاتل بڑا ہے
پروین شاکر

 

[جاسمن]

سماجی کارکن
ہائے وہ دل جو دھڑکتا ہوا گھر سے نکلے
اُف وہ آنسو جو کسی دیدۂ تر سے نکلے
میں اُس آنسو کے سکھانے کو ہوا بن جاؤں
خضر کا کام کروں،راہنما بن جاؤں