سمندر کتنا گہرا ہے، کنارے سوچتے ہوں گے
- صاحب لڑی محمداحمد
- تاریخ ابتداء
محمداحمد
لائبریرین
آصف شفیع صاحب
مجھے خوشی ہوئی کہ آپ نے میری غزل کو اپنی بھرپور توجہ سے نوازا۔ یقیاً بہتری کی گنجائش تو ہمیشہ رہتی ہے۔ مجھے آپ کی بات سے اتفاق ہے کہ غزل کی ردیف کچھ بڑی ہے اور خصوصاً سوچنے کے عمل کی ردیف میں موجودگی ہر شعر کے مضامین اور مضامین کی ادائیگی کو دشوار بنا دیا ہے جس کے باعث کچھ اشعار بھرپور تاثر نہیں دے پائے ہیں۔ اس غزل میں سوچنے کا عمل حقیقی نہیں بلکہ تجریدی ہے شاید یہی وجہ ہے کہ ان اشعار کو حقیقی معنوں میں نہیں دیکھا جا سکتا بلکہ اس غزل سے لطف اندوز ہونے کے لیے اشہبِ تخیل کو مہمیز لگانا ضروری ہے۔ مثلاً یہ کہ اگر کنارے ، نظارے وغیرہ سوچ سکتے تو وہ کیا اور کیسے سوچتے۔
شراروں والے شعر میں شراروں کی اپنی ظاہری مماثلت کے اعتبار سے خوش گمانی کو رقم کیا گیا ہے عین ممکن ہے کہ مضمون کا ابلاغ بھرپور طریقے سے نہیں ہو سکا ہو۔
اسی طرح " سمندر سے جڑے سوکھے کنارے سوچتے ہوں گے" والے مصرعے میں میرا مطمحِ نظر صرف کنارے نہیں ہیں بلکہ وہ کنارے یا کناروں کا وہ حصہ ہے جن تک عام حالات میں لہروں کی رسائی نہیں ہو پاتی یا وہ دور ہونے کے باعث نسبتاٍ خشک ہوتے ہیں اور ہر لہر کے آنے اور لوٹنے کے عمل میں اُمید اور نا اُمیدی کی کیفیت سے گزرتے ہیں۔
بہر کیف، آپ کی بھرپور توجہ اور عنایت کے لیے ممنون ہوں۔ اُمید ہے آئیندہ بھی حوصلہ افزائی اور رہنمائی فرماتے رہیں گے۔
مخلص
محمد احمد
محسن حجازی
محفلین
احمد بھیا!
بھئی کیا خوب سوچتی ہوئی غزل ہےکہ ہر شعر سوچنے پر مجبور و مشغول و مامور ہے۔
مغل صاحب کی برابری تو کسی طور ممکن نہیں، تاہم پھر بھی رسیدقبول فرمائیے کہ وجہ رخصت بجلی نہیں بلکہ عجلت ہے۔
تفصیلی پھر کبھی سہی تاہم:
سمندر کتنا گہرا ہے، کنارے سوچتے ہوں گے
زمیں سے آسماں تک استعارے سوچتے ہوں گے
محبت سوچتی ہوگی کہ ہم دونوں جدا کیوں ہیں
مقدر درمیاں میں ہے ستارے سوچتے ہوں گے
مطلع اور پھر دوسرے شعر میں کیا خوب تسلسل ہے اور وجہ فراق کا خوب بیان ہے یوں قدرت کو ملوث کیا ہے آپ نے سازش میں کہ کیا کہنے۔
نظارہ منظروں کی کئی پرتوں سے عبارت ہے
کوئی ہو دیدہء بینا نظارے سوچتے ہوں گے
گیا کہنے۔۔۔ نظاروں کا سوچنا بھی بجا ہے۔۔۔ ہر گرتا پتہ بھی اپنے اندر سبق رکھتا ہے اور شاید یہ نظارے یہی سوچتے ہوں گے جو آپ نے شعر میں بیان فرمایا۔
جو پسپا ہو کے لوٹی ہیں وہ لہریں پھر سے آئیں گی
سمندر سے جڑے سوکھے کنارے سوچتے ہوں گے
فلسفہ حیات ہی یہی ہے۔۔۔ اسی لیے تو ایک سانس کے بعد دوسرا سانس لیتے ہیں۔۔۔ شاید آج نہیں تو کل۔۔۔ کبھی تو مقدر ہوگی سحر بھی ۔۔۔۔۔ کبھی تو ٹلے گا یہ قہر بھی۔۔۔
اور جو سوکھے کنارے یہ نہیں سوچتے۔۔۔ شنید ہے خودکشی کر لیتے ہیں۔۔۔
برطور، یہ شاید کسی غزل پر ہماراپہلا سنجیدہ تبصرہ ہے، سخن فہمی کے دعویدار نہیں تاہم امید ہے ہم سے تہی دامن آدمی کے کہے کا برا نہ مانیں گے۔
بھئی کیا خوب سوچتی ہوئی غزل ہےکہ ہر شعر سوچنے پر مجبور و مشغول و مامور ہے۔
مغل صاحب کی برابری تو کسی طور ممکن نہیں، تاہم پھر بھی رسیدقبول فرمائیے کہ وجہ رخصت بجلی نہیں بلکہ عجلت ہے۔
تفصیلی پھر کبھی سہی تاہم:
سمندر کتنا گہرا ہے، کنارے سوچتے ہوں گے
زمیں سے آسماں تک استعارے سوچتے ہوں گے
محبت سوچتی ہوگی کہ ہم دونوں جدا کیوں ہیں
مقدر درمیاں میں ہے ستارے سوچتے ہوں گے
مطلع اور پھر دوسرے شعر میں کیا خوب تسلسل ہے اور وجہ فراق کا خوب بیان ہے یوں قدرت کو ملوث کیا ہے آپ نے سازش میں کہ کیا کہنے۔
نظارہ منظروں کی کئی پرتوں سے عبارت ہے
کوئی ہو دیدہء بینا نظارے سوچتے ہوں گے
گیا کہنے۔۔۔ نظاروں کا سوچنا بھی بجا ہے۔۔۔ ہر گرتا پتہ بھی اپنے اندر سبق رکھتا ہے اور شاید یہ نظارے یہی سوچتے ہوں گے جو آپ نے شعر میں بیان فرمایا۔
جو پسپا ہو کے لوٹی ہیں وہ لہریں پھر سے آئیں گی
سمندر سے جڑے سوکھے کنارے سوچتے ہوں گے
فلسفہ حیات ہی یہی ہے۔۔۔ اسی لیے تو ایک سانس کے بعد دوسرا سانس لیتے ہیں۔۔۔ شاید آج نہیں تو کل۔۔۔ کبھی تو مقدر ہوگی سحر بھی ۔۔۔۔۔ کبھی تو ٹلے گا یہ قہر بھی۔۔۔
اور جو سوکھے کنارے یہ نہیں سوچتے۔۔۔ شنید ہے خودکشی کر لیتے ہیں۔۔۔
برطور، یہ شاید کسی غزل پر ہماراپہلا سنجیدہ تبصرہ ہے، سخن فہمی کے دعویدار نہیں تاہم امید ہے ہم سے تہی دامن آدمی کے کہے کا برا نہ مانیں گے۔
زھرا علوی
محفلین
محسن آپ کے مراسلے کی آخری لائن پڑھنے تک میں حیرت میں غوطہ زن تھی کہ واقعی یہ محسن کا مراسلہ ہے یا میری نظر کا دھوکہ۔۔۔۔اتنا سنجیدہ تبصرہ۔۔۔۔
آخری لائن پڑھ کر یقین ہو گیا کہ واقعی آپ سنجیدہ تبصرہ فرما رہے ہیں۔۔۔۔ویسے بہت خوب وضاحت کی آپ نے۔۔۔
بہت خوبصورت غزل ہے اور میرے خیال میں تو شاعر کے خیالات کی پھرپور نمائندگی بھی کر رہی ہے۔۔۔۔ویسے مجھے بھی ہر ہر چیز ایسے ہی کسی نا کسی سوچ میں مشغول نظر آتی ہے۔۔۔۔
آخری لائن پڑھ کر یقین ہو گیا کہ واقعی آپ سنجیدہ تبصرہ فرما رہے ہیں۔۔۔۔ویسے بہت خوب وضاحت کی آپ نے۔۔۔
بہت خوبصورت غزل ہے اور میرے خیال میں تو شاعر کے خیالات کی پھرپور نمائندگی بھی کر رہی ہے۔۔۔۔ویسے مجھے بھی ہر ہر چیز ایسے ہی کسی نا کسی سوچ میں مشغول نظر آتی ہے۔۔۔۔
محمداحمد
لائبریرین
آصف شفیع صاحب
بلاشبہ شعرگوئی کی غرض و غایت یہی ہوتی ہے کہ شاعر اپنے ذہن میں جنم لینے والے خیالات اور جمالیاتی پیکر کا حتی الوسع ابلاغ اپنے قاری تک کرسکے۔ اس غزل میں میں نے اپنی سی کوشش کی ہے اب میں مفاہیم کے ابلاغ میں کس حد تک کامیاب رہا ہوں اس کا فیصلہ تو آپ لوگ ہی کر سکتے ہیں اور آپ کی رائے میرے لیے بے حد اہم ہے جو یقیناً بہتری کا سبب بھی بنے گی۔ انشاء اللہ
مغزل
محفلین
مغل بھائی!
آداب
آپ کو اجازت کی کیا ضرورت ہے بھلا بس شروعہو جائیے۔
رسیدیں تو آپ کی اس پہلے بھی ملتی رہیں ہیں۔ آپ جب بھی کسی کو رسید ارسال کرتے ہیں
تو مجھے بے ساختہ یہ شعر یاد آتا ہے اور ایسا لگتا ہے کہ آپ کہہ رہے ہیں کہ :
بنتے ہیں تیرے چار سو فی الحال چار رکھ
پیوستہ رہ شجر سے اُمیدِ بہار رکھ
دعا ہے کہ KESC والے آپ کے اور ہمارے حال پر رحم کریں۔
میرے دوست مجھے تاخیر ہوگئی ۔۔
اور میرے لیے یہ سعادت بختی ہے کہ اس عرصے میں آصف شیخ اور آپ کے درمیان مکالمہ
نےمیرے ذہن میں اٹھنے والے سوالات اور جوابات کاوہ تشفی بھرکم منھ توڑ جواب دیا ہے۔۔
کہ مزا آگیا۔۔باقی اب آپ سے ملاقات پر ہی گفتگو ہوگی ۔۔ گو کہ ضرورت نہیں مگر آصف
شیخ صاحب کی اجازت ہو تو کچھ میں بھی عرض کرنا چاہوں گا۔
والسلام مع الکرام
م۔م۔مغل
محمداحمد
لائبریرین
اعجاز عبید صاحب!
غزل آپ کو کسی قابل نظر آئی یہ میری خوش بختی ہے۔ آپ کی رائے میرے لیے بڑی اہمیت کی حامل ہے امید ہے آئیندہ بھی آپ کی رہنمائی حاصل رہے گی۔
محمداحمد
لائبریرین
فاروقی بھائی
ہمارا پالا تو آپ سمیت سب ہی اچھے لوگوں سے پڑا ہے بس کچھ ہم سے ہی تقصیر ہوگئی ورنہ ہمیں خود بھی سوچنا چاہیے تھا کہ "اشاروں" پر تو اعتراض ہوتا ہی ہے
وہ بھی ایک چھوڑ تین تین "اشارے"۔ 
سو یہ ہی وجہ ہے کہ اشاروں ہی اشاروں میں اشارہ کردیا سب نے
کہ صاحب ان اشاروں سے بچا جائے تو بہتر ہے
تو پھر ہم بھی کہے دیتے ہیں کہ:
سنو یارو! کہ تائب ہوگئے ہم بھی اشاروں سے
عقلمندوں کو یوں بھی اک اشارہ کافی ہوتا ہے
کیا خیال ہے آپ کا؟
ہاں ان سب میں ہم یہ تو بھول ہی گئے کہ ہمیں آپ کو شاعر بننے کی مبارکباد دینی تھی۔ سو ہماری
باد قبول کیجے اور ہمیشہ خوش رہیے! 
جیا راؤ
محفلین
اشاروں ہی اشاروں میں، گلے پڑتے ہیں دکھ کتنے
تبھی تو سارے روتے ہیں، کنوارے سوچتے ہونگے
قہقہہ
محمداحمد
لائبریرین
محسن بھائی
یہ بلا شبہ آپ کا حسنِ ذوق ہے کہ آپ کو اس عاجز کی ادنٰی کاوش کسی قابل لگی۔ آپ اور سنجیدہ تبصرہ! اچھا بھی لگا اور نہیں بھی۔ اچھا اس لیے لگا کہ آپ نے اپنی رائے دی جو میرے لیے حوصلہ افزا ہے اور بُرا اس لیے لگا کہ آپ اپنے اصلی رنگ میں ہی اچھے لگتے ہیں۔ سو آئندہ ملا جُلا تبصرہ کردیجے گا تاکہ ہمیں اندازہ ہی نہ ہو سکے۔
آپ کی توجہ اور محبت کے لئے ممنوں ہوں۔
خوش رہیے،
مخلص
محمد احمد
محمداحمد
لائبریرین
میرے دوست مجھے تاخیر ہوگئی ۔۔
اور میرے لیے یہ سعادت بختی ہے کہ اس عرصے میں آصف شیخ اور آپ کے درمیان مکالمہ
نےمیرے ذہن میں اٹھنے والے سوالات اور جوابات کاوہ تشفی بھرکم منھ توڑ جواب دیا ہے۔۔
کہ مزا آگیا۔۔باقی اب آپ سے ملاقات پر ہی گفتگو ہوگی ۔۔ گو کہ ضرورت نہیں مگر آصف
شیخ صاحب کی اجازت ہو تو کچھ میں بھی عرض کرنا چاہوں گا۔
والسلام مع الکرام
م۔م۔مغل
مغل بھائی
دیر سویر آپ کی تشفی ہو گئی مجھے اطمینان ہو گیا۔ اُمید ہے آئیندہ بھی کرم فرماتے رہیں گے۔
محمداحمد
لائبریرین
اشاروں ہی اشاروں میں، گلے پڑتے ہیں دکھ کتنے
تبھی تو سارے روتے ہیں، کنوارے سوچتے ہونگے
وارث بھائی
بس ایک یہی قافیہ رہ گیا تھا جو دوران غزل کئی مرتبہ مدِ مقابل آکر جم گیا اور بڑی مشکل سے جان چھڑائی ۔ ہمیں نہیں پتہ تھا کہ اس سے ہماری جان نہیں چھوٹے گی۔
مغزل
محفلین
یہ کہیئے کہ ملاقات کا شرف کب عطا کر رہے ہیں۔۔
میں کئی ایک بار آپ کے دولت کدے کی زیارت کرچکا ہوں۔
مگر ہمت نہیں ہوئی کہ دستک دی جائے۔۔
محمداحمد
لائبریرین
یہ کہیئے کہ ملاقات کا شرف کب عطا کر رہے ہیں۔۔
میں کئی ایک بار آپ کے دولت کدے کی زیارت کرچکا ہوں۔
مگر ہمت نہیں ہوئی کہ دستک دی جائے۔۔
آج ہی مل لیتے ہیں۔ اور آپ آئے تھے آ جاتے تکلف کی کیا ضرورت تھی بھائی۔
محسن حجازی
محفلین
محسن آپ کے مراسلے کی آخری لائن پڑھنے تک میں حیرت میں غوطہ زن تھی کہ واقعی یہ محسن کا مراسلہ ہے یا میری نظر کا دھوکہ۔۔۔۔اتنا سنجیدہ تبصرہ۔۔۔۔
آخری لائن پڑھ کر یقین ہو گیا کہ واقعی آپ سنجیدہ تبصرہ فرما رہے ہیں۔۔۔۔ویسے بہت خوب وضاحت کی آپ نے۔۔۔
بہت خوبصورت غزل ہے اور میرے خیال میں تو شاعر کے خیالات کی پھرپور نمائندگی بھی کر رہی ہے۔۔۔۔ویسے مجھے بھی ہر ہر چیز ایسے ہی کسی نا کسی سوچ میں مشغول نظر آتی ہے۔۔۔۔
دیکھئے احمد صاحب کو بھی یقین نہیں آرہا
ویسے یقین ہمیں بھی نہیں آرہا کہ سنجیدہ تبصرہ ہو کیسے گیا۔۔۔
احمد صاحب ہفتے کی خنک شام میں ستاروں تلے کسی کی یاد کے ساتھ آپ کی غزل کے پہلے دو اشعار بہت یاد آئے۔
محسن حجازی
محفلین
یہ کہیئے کہ ملاقات کا شرف کب عطا کر رہے ہیں۔۔
میں کئی ایک بار آپ کے دولت کدے کی زیارت کرچکا ہوں۔
مگر ہمت نہیں ہوئی کہ دستک دی جائے۔۔
سوال یہ ہے کہ احمد صاحب نے ایسا کیا دولت کدے کے دروازے سے باندھ رکھا تھا؟
مغل صاحب اس قدر نہیں ڈرنا چاہئے۔
آپ ساتھ کوئی ہاکی چھتری لے جاتے تو کسی گزند کا کوئی امکان نہ تھا۔
محسن حجازی
محفلین
اشاروں ہی اشاروں میں، گلے پڑتے ہیں دکھ کتنے
تبھی تو سارے روتے ہیں، کنوارے سوچتے ہونگے
اشاروں ستاروں اور استعاروں نے مروا دیا دوستو!
پہروں یوں شادی شدہ بے چارے سوچتے ہوں گے
اس پر ہم نے مسلسل غزل تیار کر رکھی تھی تاہم اسی تازہ بتازہ شعر پر گزارہ فرمائیے۔