سمندر کتنا گہرا ہے، کنارے سوچتے ہوں گے
- صاحب لڑی محمداحمد
- تاریخ ابتداء
محمداحمد
لائبریرین
نوید بھائی
بہت شکریہ کہ آپ نے بھی اس ناچیز کی غزل پر نظرِ عنایت فرمائی۔
میں تقریباً ایک ڈیڑھ دن سے غیر حاضر تھا آج آیا تو دیکھا کہ اس لڑی پر بہار آئی ہوئی ہے۔ اچھا لگا۔
نوید بھائی جیسا کہ وارث بھائی اور آصف بھائی نے کہا ہے اس شعر میں سوچنے کا عمل کناروں تک ہی ہے اور کنارے سمندر کی گہرائی کو اپنے طور پر استعارت کی مدد سے سمجھنے کی کوشش کررہے ہیں۔ میرا خیال ہے کہ باقی تمام لوگ اسی مفہوم تک باآسانی پہنچ گئے ہیں۔
بہت شکریہ!
اس شعر میں اسی خیال کی نفی کی گئی ہے کہ ضروری نہیں کہ "فرقت"(جدائی ) ہمیشہ" دوریوں" (فاصلوں) کے باعث ہی ہو اور اسی حوالے سے دریا کے کناروں کی مثال دی گئی ہے۔
یہ مصرعہ شروع سے ہی زیرِ بحث اور نتیجتاً زیرِ غور ہے
دوستوں کی بحث سے مجھے بھی اس بات کا ادراک ہو گیا کہ یہاں وزن کا معمولی سا فرق ہے۔ یہاں ساتھ ساتھ یہ بھی عرض کردوں کہ علمِ عروض پر میری دلچسپی اور دسترس بہت ہی معمولی نوعیت کی ہے لیکن موجودہ صورتِ حال سے ترغیب بہرحال ملتی ہے۔
color]
اگر قافیے پر غور کریں تو آپ بھی جان لیں گے کہ ایسا کرنا دشوار ہے۔
نوید بھائی ایک بار پھر شکریہ ادا کرنا چاہوں گا کہ آپ نے اس غزل کو اپنی بھرپور توجہ سے نوازا اور مختلف معاملات میں رہنمائی فرمائی۔
امید ہے آئیند بھی اس طرح حوصلہ افزائی فرماتے رہیں گے۔
مخلص
محمد احمد
محمداحمد
لائبریرین
آصف صاحب،
میں یہ بات پہلے بھی عرض کر چکا ہوں کہ آپ (سب ) کی رائے میرے لیے بے حد اہم ہے اور غزل کو پیش کرنے کا مقصد بھی یہی ہوتا ہے کہ اُس پر بات کی جائے ۔ آپ کی تسئلی کے لیے میں وہ حوالہ پھر سے نیچے درج کر رہا ہوں۔ یقیناً سیکھنے سکھانے کے یہی بہترین طریقہ ہے اور جب یہاں صاحبِ علم اور صاحبِ بصیرت دونوں طرح کے لوگ موجود ہیں تو اس سرگرمی میں شمولیت میرا اعزاز ہے چاہے اُس کے لیے تختہ ء مشق میری اپنی تخلیق ہی کیوں نہ ہو۔
محمداحمد
لائبریرین
بہت شکریہ وارث بھائی کے آپ نے تقطیع کرکے اس طرف نشاندہی فرمائی۔
رہنمائی کے لیے ممنون ہوں۔
مغزل
محفلین
خوش رہو احمد ۔۔ بہت اعلی غزل ہے ۔۔
اور بڑے فلسفیانہ انداز میں خوب سوچ سمجھ کر لکھی گئی ہے۔
اور ردیف میں خوب غچہ دیا ہے ۔۔ ہممم مزا آگیا ۔۔ بڑی استادانہ غزل کہی ہے۔
ایک ایک حرف نگینہ کی طرح جڑا ہوا ہے معنویت میں ایک غیر متزلزل کیفت کا چسکارہ
بھی بھرا ہے ۔۔ ناقدین کی رائے اور آپ کے مدافعانہ جوابات بھی خوب ہیں۔۔۔
داخلی کیفیات کو خارجی تجسیم کے سانچے میں ایک سفید رنگ
میں سات رنگوں کی دھنک کی حیثیت سے پیش کرنےکا عمل
لائقِ تحسین ہے۔۔ سدا سلامت رہیئے اور میری دعا ہے:
اللہ کرے زورِ قلم ، مشقِ سخن تیز۔
والسلام
آپ کا ’’ مداح ‘‘
اور بڑے فلسفیانہ انداز میں خوب سوچ سمجھ کر لکھی گئی ہے۔
اور ردیف میں خوب غچہ دیا ہے ۔۔ ہممم مزا آگیا ۔۔ بڑی استادانہ غزل کہی ہے۔
ایک ایک حرف نگینہ کی طرح جڑا ہوا ہے معنویت میں ایک غیر متزلزل کیفت کا چسکارہ
بھی بھرا ہے ۔۔ ناقدین کی رائے اور آپ کے مدافعانہ جوابات بھی خوب ہیں۔۔۔
داخلی کیفیات کو خارجی تجسیم کے سانچے میں ایک سفید رنگ
میں سات رنگوں کی دھنک کی حیثیت سے پیش کرنےکا عمل
لائقِ تحسین ہے۔۔ سدا سلامت رہیئے اور میری دعا ہے:
اللہ کرے زورِ قلم ، مشقِ سخن تیز۔
والسلام
آپ کا ’’ مداح ‘‘
محمد وارث
لائبریرین
مغل صاحب مجھے بھی آپ کی رائے سے اتفاق ہے!
اصول کی بات تو یہ ہے کہ احمد صاحب کی غزل کم از کم 'سوچنے' پر تو مجبور کرتی ہے، اس میں خیال آفرینی ہے، اور اس غزل کی تخلیق اور تخلیق کے عمل کے دوران شاعر کی جو حالتِ قلبی رہی ہوگی وہ میں کسی حد تک سمجھ سکتا ہوں۔
سب سے اہم بات یہ ہے کہ احمد صاحب نے اس میں کچھ 'مختلف' اور خیال پیش کرنے کی کوشش کی ہے، بقولِ غالب شاعری قافیہ پیمائی کا نام نہیں ہے بلکہ خیال آفرینی کا نام ہے اور احمد صاحب کی غزل اسی مقصد کے تحت لکھی گئی ہے۔
وگرنہ بہت آسان ہے کہ ہمارے عہد کے چھائے ہوئے 'شاہ بادشاہوں' کو فالو کر کے معاملہ بندی کردی جائے اور کچھ ہجر، کچھ فراق، کچھ وصال، کچھ شام، کچھ چاند، کچھ پیڑ، کچھ کنگن، کچھ چوڑیاں، کچھ بندے ڈال کر 'بارہ مصالحوں' کی چٹ پٹی غزل تیار کر کے بیچ چوراہے کے رکھ دی جائے جس پر 'مکھیاں' بھنبھناتی رہیں!
اسکا یہ مطلب نہیں ہے کہ رومانوی اشعار کچھ کم حیثیت رکھتے ہیں بلکہ انکی اپنی حیثیت مسلم ہے، اور ہر شاعر کے ہاں ہیں، احمد صاحب کا اسی غزل کا شعر دیکھیئے کیا خوبصورت بات ہے:
محبت سوچتی ہوگی کہ ہم دونوں جدا کیوں ہیں
مقدر درمیاں میں ہے ستارے سوچتے ہوں گے
ایک روایتی بات کو احمد صاحب، ستاروں کے سوچنے تک لے گئے ہیں اور کیا خوبصورت شعر تخلیق ہوا ہے۔
پھر قافیہ اور ردیف کو منتخب کرنا ہی گویا شاعر نے اپنے لیئے ایک 'چیلنج' قبول کیا ہے اور اسکا ظہور جاندار مطلع ہے:
سمندر کتنا گہرا ہے، کنارے سوچتے ہوں گے
زمیں سے آسماں تک استعارے سوچتے ہوں گے
سَبُک سارانِ ساحل اور قعرِ دریا کے شناوروں کی حالت بھلا ایک سی کیسے ہو سکتی ہے، اس موضوع پر بہت لکھا گیا ہے لیکن اس تمثیل کو سمندر کی گہرائی اور کناروں کی سوچ میں بدل کر لکھنا گویا اپنی 'نئی صبح و شام' پیدا کرنے والی بات ہے۔
نظارہ منظروں کی کئی پرتوں سے عبارت ہے
کوئی ہو دیدہء بینا نظارے سوچتے ہوں گے
قطع نظر 'کئی' کے، اپنی جگہ پر یہ ایک خوبصورت شعر ہے، اس شعر میں ایک آفاقی سچائی بیان ہوئی ہے، مجھے اس شعر میں تلمیح کا مزہ آیا اور حدیثِ قدسی یاد آ گئی جسکا مفہوم کچھ یوں ہے کہ میں ایک چھپا ہوا خزانہ تھا اور چاہا تھا کہ پہچانا جاؤں سو تخلیق کی۔ یہ شاعر کا اعجاز ہے کہ اس نے ایک خوبصورت خیال کو نظارے اور دیدۂ بینا کی تمثیل میں بیان کر کے ایک منفرد شعر تخلیق کیا۔
مجموعی طور پر یہ ایک خوبصورت غزل ہے، اور احمد صاحب اس غزل پر داد کے مستحق ہیں۔ بہتری کی گنجائش تو ہر کام و کلام میں ہے اور رہے گی سوائے کلامِ ربانی کے، اور خیال آفرینی میں بعض اوقات تغزل کا دامن بھی چھوڑنا پڑتا ہے لیکن میرے نزدیک خیال آفرینی کی ایک غزل 'سطحی رومانویت' میں کہے ہوئے دیوان ھا سے بدرجہ اتم اولٰی و اعلٰی ہوتی ہے!
اصول کی بات تو یہ ہے کہ احمد صاحب کی غزل کم از کم 'سوچنے' پر تو مجبور کرتی ہے، اس میں خیال آفرینی ہے، اور اس غزل کی تخلیق اور تخلیق کے عمل کے دوران شاعر کی جو حالتِ قلبی رہی ہوگی وہ میں کسی حد تک سمجھ سکتا ہوں۔
سب سے اہم بات یہ ہے کہ احمد صاحب نے اس میں کچھ 'مختلف' اور خیال پیش کرنے کی کوشش کی ہے، بقولِ غالب شاعری قافیہ پیمائی کا نام نہیں ہے بلکہ خیال آفرینی کا نام ہے اور احمد صاحب کی غزل اسی مقصد کے تحت لکھی گئی ہے۔
وگرنہ بہت آسان ہے کہ ہمارے عہد کے چھائے ہوئے 'شاہ بادشاہوں' کو فالو کر کے معاملہ بندی کردی جائے اور کچھ ہجر، کچھ فراق، کچھ وصال، کچھ شام، کچھ چاند، کچھ پیڑ، کچھ کنگن، کچھ چوڑیاں، کچھ بندے ڈال کر 'بارہ مصالحوں' کی چٹ پٹی غزل تیار کر کے بیچ چوراہے کے رکھ دی جائے جس پر 'مکھیاں' بھنبھناتی رہیں!
اسکا یہ مطلب نہیں ہے کہ رومانوی اشعار کچھ کم حیثیت رکھتے ہیں بلکہ انکی اپنی حیثیت مسلم ہے، اور ہر شاعر کے ہاں ہیں، احمد صاحب کا اسی غزل کا شعر دیکھیئے کیا خوبصورت بات ہے:
محبت سوچتی ہوگی کہ ہم دونوں جدا کیوں ہیں
مقدر درمیاں میں ہے ستارے سوچتے ہوں گے
ایک روایتی بات کو احمد صاحب، ستاروں کے سوچنے تک لے گئے ہیں اور کیا خوبصورت شعر تخلیق ہوا ہے۔
پھر قافیہ اور ردیف کو منتخب کرنا ہی گویا شاعر نے اپنے لیئے ایک 'چیلنج' قبول کیا ہے اور اسکا ظہور جاندار مطلع ہے:
سمندر کتنا گہرا ہے، کنارے سوچتے ہوں گے
زمیں سے آسماں تک استعارے سوچتے ہوں گے
سَبُک سارانِ ساحل اور قعرِ دریا کے شناوروں کی حالت بھلا ایک سی کیسے ہو سکتی ہے، اس موضوع پر بہت لکھا گیا ہے لیکن اس تمثیل کو سمندر کی گہرائی اور کناروں کی سوچ میں بدل کر لکھنا گویا اپنی 'نئی صبح و شام' پیدا کرنے والی بات ہے۔
نظارہ منظروں کی کئی پرتوں سے عبارت ہے
کوئی ہو دیدہء بینا نظارے سوچتے ہوں گے
قطع نظر 'کئی' کے، اپنی جگہ پر یہ ایک خوبصورت شعر ہے، اس شعر میں ایک آفاقی سچائی بیان ہوئی ہے، مجھے اس شعر میں تلمیح کا مزہ آیا اور حدیثِ قدسی یاد آ گئی جسکا مفہوم کچھ یوں ہے کہ میں ایک چھپا ہوا خزانہ تھا اور چاہا تھا کہ پہچانا جاؤں سو تخلیق کی۔ یہ شاعر کا اعجاز ہے کہ اس نے ایک خوبصورت خیال کو نظارے اور دیدۂ بینا کی تمثیل میں بیان کر کے ایک منفرد شعر تخلیق کیا۔
مجموعی طور پر یہ ایک خوبصورت غزل ہے، اور احمد صاحب اس غزل پر داد کے مستحق ہیں۔ بہتری کی گنجائش تو ہر کام و کلام میں ہے اور رہے گی سوائے کلامِ ربانی کے، اور خیال آفرینی میں بعض اوقات تغزل کا دامن بھی چھوڑنا پڑتا ہے لیکن میرے نزدیک خیال آفرینی کی ایک غزل 'سطحی رومانویت' میں کہے ہوئے دیوان ھا سے بدرجہ اتم اولٰی و اعلٰی ہوتی ہے!
محمداحمد
لائبریرین
مغل بھائی
بہت شکریہ! آپ کی محبت اور حوصلہ افزائی میرے شعری سفر میں مشعلِ راہ سے کم نہیں ہے۔
محمداحمد
لائبریرین
وارث بھائی
بہت شکریہ کہ آپ کی تحریر میرے لیے بے حد حوصلہ افزا ہے اور مجھے مزید کچھ نہ کچھ کرنے کی تحریک فراہم کرتی ہے۔ آپ کی محبت اور توجہ کے لیے ممنون و متشکر ہوں۔
مغزل
محفلین
سدا سلامت رہو دوست !
مالک مولیٰ مزید کامیابیاں عطا فرمائے (اٰمین)
تمھارا بھائی نما دوست
م۔م۔مغل
محمداحمد
لائبریرین
محمد عدنان اکبری نقیبی
لائبریرین
واہ بھائی بہت خوب غزل ہے۔لاجواب
شاہد سعید بٹھی
محفلین
سنا ہے لوگ اسے آنکھ بھر کے دیکھتے ہیں
چلو آج ہم بھی دیکھیں کہ”وہ”کدھر دیکھتے ہیں
نہ کی اُس سے محبت اور نہ ہے اسکا مجھے شعور
ہم تو بس یونہی اُسے بچپن سے دیکھتے ہیں
گُزرتے ہیں روز اُس کی گلی سے یہ سوچتے ہوئے
شاہدٗ، چلو وہ نہیں اُس کے در و دیوار تو دیکھتے ہیں
چلو آج ہم بھی دیکھیں کہ”وہ”کدھر دیکھتے ہیں
نہ کی اُس سے محبت اور نہ ہے اسکا مجھے شعور
ہم تو بس یونہی اُسے بچپن سے دیکھتے ہیں
گُزرتے ہیں روز اُس کی گلی سے یہ سوچتے ہوئے
شاہدٗ، چلو وہ نہیں اُس کے در و دیوار تو دیکھتے ہیں
عرفان سعید
محفلین
ان اشعار کا محل اس لڑی میں کچھ سمجھ نہیں آیا۔
محمداحمد
لائبریرین
محمداحمد
لائبریرین
بہت شکریہ احمد وصال صاحب!