سوال کا جواب سوال میں ؟؟؟

[گُلِ یاسمیں]

میرا مطلب حساب کے مضمون سے تھا۔

حساب کے مضمون کو بھلے چھوڑ بھی دیں مگر حساب لفظ سے رہائی کیسے ملے؟؟؟

کسی کو اپنے عمل کا حساب کیا دیتے
سوال سارے غلط تھے جواب کیا دیتے
یا پھر

جوہر ہے زندگی کا فقط پیچ و تاب میں
ورنہ ہے اٹھ کے بیٹھنے والا بھی خواب میں

تو نے تو لکھ رکھا ہے سبھی کچھ کتاب میں
ہم زندگی گزار گئے کس حساب میں

 

[شمشاد]

حسابِ عمر کا اتنا سا گوشوارا ہے
تمہیں نکال کے دیکھا تو سب خسارا ہے
(امجد اسلام امجد)

 

[گُلِ یاسمیں]

دیکھ لیا نا کہ حساب کسی نہ کسی طرح آ ہی جاتا ہے۔ اب کیا کرنا چاہئیے؟

 

[شمشاد]

حساب کتاب تو ساری زندگی کرنا پڑتا ہے۔

 

[گُلِ یاسمیں]

درست فرمایا

مدتیں ہو گئیں حساب کئے
کیا پتا کتنے رہ گئے ہیں ہم

 

[شمشاد]

آپ نے وکاس شرما راز کا شعر دیا، میں فیض احمد فیض کا لکھ دیتا ہوں۔

کر رہا تھا غم جہاں کا حساب
آج تم یاد بے حساب آئے

 

[ام عبدالوھاب]

فرض کریں سے جان چھڑانے کے لئے حساب کتاب شروع کردیا آپ لوگوں نے
ایک فرض کا شعر حاضر خدمت ہے۔
فرض کرو یہ رات ہجر کی سچ مچ ہوتی بھاری ہے
فرض کرو لگتی ہو کہانی لیکن ہم نے گزاری ہے
ام عبدالوھاب

 

[گُلِ یاسمیں]

جب فرض ہی کرنا ہے تو ابن انشاء نے کیا خوب فرض کیا اور کروایا

فرض کرو ہم اہل وفا ہوں، فرض کرو دیوانے ہوں
فرض کرو یہ دونوں باتیں جھوٹی ہوں افسانے ہوں

فرض کرو یہ جی کی بپتا جی سے جوڑ سنائی ہو
فرض کرو ابھی اور ہو اتنی آدھی ہم نے چھپائی ہو

 

[شمشاد]

یہ باقی کے بھی تین اشعار لکھ دینے تھے :

فرض کرو تمہیں خوش کرنے کے ڈھونڈھے ہم نے بہانے ہوں
فرض کرو یہ نین تمہارے سچ مچ کے مے خانے ہوں

فرض کرو یہ روگ ہو جھوٹا جھوٹی پیت ہماری ہو
فرض کرو اس پیت کے روگ میں سانس بھی ہم پر بھاری ہو

فرض کرو یہ جوگ بجوگ کا ہم نے ڈھونگ رچایا ہو
فرض کرو بس یہی حقیقت باقی سب کچھ مایا ہو

 

[گُلِ یاسمیں]

فرض کو فرض سمجھ کر کرنا مزہ دیتا ہے، حکم سمجھ لیا جائے تو ایویں ہی محکومی والی فیلنگ آنے لگتی ہے۔ نہیں؟؟؟؟

 

[شمشاد]

جی بالکل ایسا ہی ہوتا ہے۔
حکم تو صرف فوج میں اور گھر میں چلتا ہے۔

 

[گُلِ یاسمیں]

گھروں میں کب سے حکم چلنے لگے۔۔۔ حاکم تو خاتونِ خانہ ہوتی ہیں نا

 

[شمشاد]

تو میں بھی انہی کی بات کر رہا ہوں ناں۔

 

[گُلِ یاسمیں]

اچھا ہم سمجھے کہ دل کے پھپھولے نہ پھوڑ رہے ہوں کہیں

 

[شمشاد]

جی نہیں، ہمارا شمارفرمانبردار شوہروں کی فہرست میں ہوتا ہے۔

 

[گُلِ یاسمیں]

تابعدار اور فرمانبردار شوہر میں کیا فرق ہوتا ہے

 

[شمشاد]

تابعدار پکا رن مرید ہوتا ہے جب کہ فرمانبردار برابر کا شریک ہوتا ہے۔

 

[گُلِ یاسمیں]

بہاریں لوٹ کر آتی ہیں؟

 

[شمشاد]

بالکل آتی ہیں اور ہر سال آتی ہیں۔

 

[گُلِ یاسمیں]

جواب درست ہوا۔
اب اس پر ہماار انعام بنتا ہے۔