شاعری، بعد از مرگ!

[محمد عبدالرؤوف]

یہ تو قبل از خود کشی کا شعر ہے۔

یہ تو ستم گر کی مہربانی ہے کہ وہ راضی نہ ہوا ورنہ غالب صاحب تو گئے تھے۔

 

[علی وقار]

تیرے ہی غم میں مر گئے صد شکر
آخر اک دن تو ہم کو مرنا تھا

 

[علی وقار]

میرے مرنے کی خبر سن کر لگا کہنے وہ شوخ
دل ہی دل میں اپنے کچھ کچھ سوچ کر، اچھا ہوا

 

[گُلِ یاسمیں]

باز آ ساحل پہ غوطے کھانے والے باز آ
ڈوب مرنے کا مزہ دریائے بے ساحل میں ہے

 

[گُلِ یاسمیں]

امید و بیم نے مارا مجھے دوراہے پر
کہاں کے دیر وحرم گھر کا راستہ نہ ملا

 

[زیک]

یعنی شاعری مرنے کے بعد بھی پیچھا نہیں چھوڑتی!

 

[علی وقار]

مجھے قتل کر دیا بے خطر ، نا کیا ذرا بھی خدا کا ڈر
تیرے عشق میں یہ ملا ثمر نا ادھر کا رہا نا ادھر کا رہا

 

[علی وقار]

وہ مجھے قتل کر کے کہتے ہیں
مانتا ہی نہ تھا یہ کیا کہئے

 

[یاسر شاہ]

پُھلاں ماری سرکار (از زبان حال )

اب مار دیا مجھ کو تماشے کے لیے آ
ہر سال مرا عرس منانے کے لیے آ

دل سے نہیں روتا تو نہ رو بخل کے مارے !
دو آنسو مگرمچھ کے بہانے کے لیے آ

دیکھے سے کبھی جس کے سلگتی تھی ہماری
آ پھر سے وہی شکل دکھانے کے لئے آ

 

[عامر گولڑوی]

چند تصویرِ بتاں چند حسینوں کے خطوط
بعد مرنے کے مرے گھر سے یہ ساماں نکلا

شاعر کا نام بتائیں یہ شعر بھی میرے لیے نامعلوم اشعار کی فہرست میں ہے۔

 

[عامر گولڑوی]

بر مزار ماغریباں نے چراغے نے گلے
نے پر پروانہ سوزد نے صدائے بلبلے
ملکہ ہند، نور النسا المعروف نور جہاں

 

[علی وقار]

شاعر کا نام بتائیں یہ شعر بھی میرے لیے نامعلوم اشعار کی فہرست میں ہے۔

بزم اکبر آبادی۔

 

[سید عمران]

اگرچہ ہمیں شاعری سے تو چنداں رغبت نہیں پر عنوان سے ہے...
شاعری بعد از مرگ کی طرح اگر شاعری قبل از پیدائش بھی ہوجائے تو نشہ سہ آتشہ ہوجائے!!!

 

[سیما علی]

یعنی شاعری مرنے کے بعد بھی پیچھا نہیں چھوڑتی!

🤣🤣🤣🤣🤣🤣🤣

 

[فرخ منظور]

قبرِ عاشق پر مقرٔر روز آنا کیجیے
جو گیا ہو جان سے اس کو بھی جانا کیجیے
(میرؔ)

 

[فرخ منظور]

تربت پہ عاشقوں کے نہ اٹھٔا کبھی غبار
جی سے گئے ولے نہ گئیں رازداریاں
(میرٰؔ)

 

[محمداحمد]

کوئی ایک آدھ دن قبل کا قصہ ہے کہ محفل کے کیفیت نامے پر گُلِ یاسمیں نے ایک ایسے شعر کے ساتھ انٹری دی جس نے مجھے اس لڑی کے آغاز پر اکسایا۔

محفل کے کیفیت نامے پر یہ گُل نے یہ شعر پیش کیا،
پوچھا نہ زندگی میں کسی نے بھی دل کا درد
اب شہر بھر میں چرچا میری خودکشی کا ہے

معلوم ہوتا ہے کہ یہ کسی ایک شاعر کا قصہ نہیں، اردو شاعری کی بات کی جائے تو قریب قریب ہر دوسرا تیسرا شاعر مرنے کے بعد اسی قسم کی آرزو میں مبتلا دکھائی دیتا ہے۔ یعنی کہ وہ مر جائے، خود کشی کر لے، قتل ہو جائے تب بھی اسے شعر کہنے کی سہولت میسر رہے یا کم از کم کفن دفن کے مرحلے تک اسے کُلی آزادی میسر رہے کہ وہ شاعری کے ذریعے اپنے تاثرات اور جذبات کا اظہار کر سکے۔ یہ ایسی صورت حال ہے کہ ہمیں شعراء پر رشک محسوس ہوتا ہے وگرنہ ہم تو یہی سمجھتے آئے ہیں کہ آخری سانس لینے کے بعد قصہ تمام ہو جا تا ہے۔

اس لڑی میں ایسے اشعار پیش کیے جائیں کہ جن میں شاعر مرنے کے بعد بھی نچلا نہیں بیٹھ رہا اور مسلسل شعر پر شعر پیش کیے جا رہا ہے۔ یعنی، بعد از مرگ واویلا مچا رکھا ہے۔

دلچسپ سلسلہ ہے

حیرت ہے کہ میری توجہ اس طرف نہ ہوئی۔

 

[محمداحمد]

لاؤ تو قتل نامہ مرا میں بھی دیکھ لوں
کس کس کی مہر ہے سر محضرلگی ہوئی

قتل نامہ تو مرنے سے پہلے بھی دیکھا جا سکتا ہے۔

 

[محمداحمد]

ذوق کی جانب سے بعد از مرگ اطلاع

ڈھانپا کفن نے داغ عیوب برہنگی
میں ورنہ ہر لباس میں ننگ وجود تھا

یہ تو غالب کا شعر ہے۔

 

[محمداحمد]

دامن پہ کوئی چھینٹ، نہ خنجر پہ کوئی داغ
تم قتل کرو ہو کہ کرامات کرو ہو

کلیم عاجز