شاعری، بعد از مرگ!

[محمداحمد]

مبادا ہو کوئی ظالم ترا گریباں گیر
مرے لہو کو تو دامن سے دھو ہوا سو ہوا

سودا

 

[گُلِ یاسمیں]

دلچسپ سلسلہ ہے

حیرت ہے کہ میری توجہ اس طرف نہ ہوئی۔

کیونکہ آپ کی توجہ کسی اور طرف تھی۔
تو پھر لکھیں ہم کیفیت نامہ پر کسی کا بعد از مرگ شعر علی وقار بھیا۔

 

[علی وقار]

کیونکہ آپ کی توجہ کسی اور طرف تھی۔
تو پھر لکھیں ہم کیفیت نامہ پر کسی کا بعد از مرگ شعر علی وقار بھیا۔

جی، ضرور۔ یہ آپ کا ہی تو کیفیت نامہ تھا جس کے باعث شاعروں کے لتے لیے جا رہے ہیں۔

 

[گُلِ یاسمیں]

جی، ضرور۔ یہ آپ کا ہی تو کیفیت نامہ تھا جس کے باعث شاعروں کے لتے لیے جا رہے ہیں۔

جائیے پھر چکر لگا آئیے ہمارے کیفیت نامے کا۔
دئیے میں تیل کم لگا تو ڈال دیجئے گا تاکہ روشنی برقرار رہے۔

 

[فرخ منظور]

یہ تو غالب کا شعر ہے۔

بہت معلوماتی مراسلہ تھا آپ کا۔ چکاچوند روشنی میں لے آئے

 

[فرخ منظور]

جانے کس کا شعر ہے۔ بچپن میں ایک دوسرے کو سنایا کرتے تھے۔
مرنے کے بعد بھی مری آنکھیں کھلی رہیں
عادت جو پڑ گئی تھی ترے انتظار کی

 

[سید عاطف علی]

اس رنگ سے کل اس نے اٹھائی اسد کی نعش
دشمن بھی جس کو دیکھ کے غمناک ہو گیے
اسد اللہ خان غالب۔

 

[فرخ منظور]

معلوم نہیں پہلا مصرع کیا ہے مگر دوسرا مصرع بہت مشہور ہے۔
مرے تھے جن کے لیے وہ رہے وضو کرتے

 

[فرخ منظور]

اللہ رے ذوقِ دشتِ نوردی کہ بعد مرگ
ہلتے ہیں خود بہ خود مرے اندر، کفن کے، پاؤں
غالبٰؔ

 

[سید عاطف علی]

معلوم نہیں پہلا مصرع کیا ہے مگر دوسرا مصرع بہت مشہور ہے۔
مرے تھے جن کے لیے وہ رہے وضو کرتے

مری نماز جنازہ پڑھائی غیرؤں نے۔
آتش لکھنوی۔

 

[محمداحمد]

بہت معلوماتی مراسلہ تھا آپ کا۔ چکاچوند روشنی میں لے آئے

اقتباس شدہ پوسٹ میں اسے ذوق سے منسوب کیا گیا تھا۔ اس لیے یاددہانی کے لیے لکھ دیا۔

آپ جیسے عالمِ بے بدل میری پوسٹ کے مخاطب نہیں تھے۔

 

[فرخ منظور]

اقتباس شدہ پوسٹ میں اسے ذوق سے منسوب کیا گیا تھا۔ اس لیے یاددہانی کے لیے لکھ دیا۔

آپ جیسے عالمِ بے بدل میری پوسٹ کے مخاطب نہیں تھے۔

اوہو پھر تو معذرت میں نے اصل پوسٹ نہیں دیکھی بلکہ غور نہیں کیا۔

 

[محمداحمد]

خنجر سے کرو بات نہ تلوار سے پوچھو
میں قتل ہوا کیسے مرے یار سے پوچھو

سعید راہی

 

[محمداحمد]

قاتل نے کس صفائی سے دھوئی ہے آستیں
اس کو خبر نہیں کہ لہو بولتا بھی ہے

اقبال عظیم

 

[امجد میانداد]

کوئی ایک آدھ دن قبل کا قصہ ہے کہ محفل کے کیفیت نامے پر گُلِ یاسمیں نے ایک ایسے شعر کے ساتھ انٹری دی جس نے مجھے اس لڑی کے آغاز پر اکسایا۔ محفل کے کیفیت نامے پر یہ گُل نے یہ شعر پیش کیا، پوچھا نہ زندگی میں کسی نے بھی دل کا درد اب شہر بھر میں چرچا میری خودکشی کا ہے معلوم ہوتا ہے کہ یہ کسی ایک شاعر کا قصہ نہیں، اردو شاعری کی بات کی جائے تو قریب قریب ہر دوسرا تیسرا شاعر مرنے کے بعد اسی قسم کی آرزو میں مبتلا دکھائی دیتا ہے۔ یعنی کہ وہ مر جائے، خود کشی کر لے، قتل ہو جائے تب بھی اسے شعر کہنے کی سہولت میسر رہے یا کم از کم کفن دفن کے مرحلے تک اسے کُلی آزادی میسر رہے کہ وہ شاعری کے ذریعے اپنے تاثرات اور جذبات کا اظہار کر سکے۔ یہ ایسی صورت حال ہے کہ ہمیں شعراء پر رشک محسوس ہوتا ہے وگرنہ ہم تو یہی سمجھتے آئے ہیں کہ آخری سانس لینے کے بعد قصہ تمام ہو جا تا ہے۔ اس لڑی میں ایسے اشعار پیش کیے جائیں کہ جن میں شاعر مرنے کے بعد بھی نچلا نہیں بیٹھ رہا اور مسلسل شعر پر شعر پیش کیے جا رہا ہے۔ یعنی، بعد از مرگ واویلا مچا رکھا ہے۔

میں نے تو مرنے کے بعد بس یہ ایک گانا ہی ریلیز کیا تھا