شام

[جاسمن]

دل ناامید تو نہیں ناکام ہی تو ہے
لمبی ہے غم کی شام مگر شام ہی تو ہے
فیض احمد فیض

 

[جاسمن]

‏اُداس شام کے منظر میں، گھول کر خُوشبو
تمہارے ساتھ، محبت پہ گفتگو کی جائے
"عاجز کمال رانا"

 

[جاسمن]

پلکوں پہ سیلِ اشک سرِشام رکھ دیا
جو کچھ تھا میرے گھر میں لبِ بام رکھ دیا

 

[طاہر شیخ]

اتنا بھی ناامید دل کم نظر نہ ہو
ممکن نہیں کہ شام الم کی سحر نہ ہو

نریش کمار شاد

 

[جاسمن]

اک دن سنو گے میرے عزیزو کہ شہر میں
شامیں ادھار مانگنے والا نہیں رہا!!!!!!
اعتبار ساجد

 

[جاسمن]

ہے کتابِ جاں کا ربن کھلا کسی واڈکا بھری شام میں
یہی افتتاحیہ رات ہے ذرا لڑکھڑا کے، بہک کے پڑھ

ہے ایک رات کا ناولٹ، یہ ہے ایک شام کی سرگزشت
یہ فسانہ تیرے کرم کا ہے، اسے اتنا بھی نہ اٹک کے پڑھ
منصور آفاق

 

[جاسمن]

ہوائے شام جدائی ہے اور غم لاحق
نہ جانے جسم کی دیوار کب بکھر جائے
اعتبار ساجد

 

[جاسمن]

ہر شام جلد سونے کی عادت ہی پڑ گئی
ہر رات ایک خواب ضروری سا ہو گیا
اعتبار ساجد

 

[جاسمن]

دن کو رات کہیں سو برحق صبح کو شام کہیں سو خوب
آپ کی بات کا کہنا ہی کیا آپ ہوئے فرزانے لوگ
اعتبار ساجد

 

[جاسمن]

شام کریں کیسے اس دن کی ٹھنڈی صورت دیکھیں کن کی
ادھر ادھر تو دھواں اڑاتی آگ اگلتی خلقت ہے
اعتبار ساجد

 

[جاسمن]

کیا جانے مہکتی ہوئی صبحوں میں کوئی دل
شاموں میں کسی درد کی رعنائی تو اب ہے
اعتبار ساجد

 

[سید عاطف علی]

یہ شام اور تیرا نام۔دونوں کتنے ملتے جلتے ہیں
تیرا نام نہیں لوں گا ۔بس تجھ کو شام کہوں گا

 

[فرخ منظور]

شام سے کچھ بجھا سا رہتا ہے
دل ہوا ہے چراغ مفلس کا
میرؔ

 

[جاسمن]

نگاہ میں ہے سرِ فلک ان گزشتہ شاموں کا اک ستارہ
ابھی تلک صحنِ یاد میں بھی قدیم صبحوں کی روشنی ہے

 

[علی وقار]

تمہارے شہر کا موسم بڑا سہانا لگے
میں ایک شام چرا لوں اگر برا نہ لگے

قیصر الجعفری

 

[جاسمن]

جس طرح رات کٹی دن بھی گیا ہاتھوں سے
اس طرح ہم نے کسی شام گزر جانا ہے